ضرووووووووووورى جدااااااااااااااا
 

يا جماعة هى صيدلة الاسكندرية حلوة بجد ومفيدة ...؟ أصل المشكلة انى لا أحب الكيمياء خالص تقريبا و حسب معرفتى ان الصيدلة كلها كيمياء . بس كتبتها رغبة ثانية بعد طب أسنان اسكندرية , ومجموعى 98,0 %
أرجو الاجابة

صيدله كلها كيميا :( :(

ع فكرة مفيش حاجة اسمها مش هنجيب الا صيدلة انتى لو عاوزة طب اسنان اكتبيه كله وان شاء الله تلحقى حاجة فيه اما انك تكتبي صيدلة رقم 2 ف الرغبات بعد طب اسنان اسكندرية فممكن متكونيش جايبة اسنان اسكندرية بس جايبة اسنان ف مكان تانى وف الحالة دى تبقى ضيعتى اسنان من ايدك
انا السنة اللى فاتت كنت جايبة 98.3 %وكان مجموعى جايب طب بشري فباذن الله انتوا مجموعكوا هيجيب اسنان

هو أنا اقتنعت بكلام Dr.Om tanta pharmacy ........لكن أنا خايفة من نظام المحافظات(الأقاليم) لأن أنا قرأت بيان صحفى من مكتب التنسيق من ضمن فقراته ان اللى يحول لكلية مناظرة (من أسنان بنها الى أسنان اسكندرية مثلا) حيكون حسب نسبة الطلاب التى يحددها المجلس الأعلى للجامعة لقبول تحويلهم.., فممكن مكنش من ضمن النسبة دى ....................................يا ريت حد يرد بسرعة ولو مجرب التحويل يبقى أفضل
(اللهم انصر سوريا و بورما و فلسطين وكل المستضعفين و أهلك الظالمين)قولوا اااااااااامين

على فكرة 99%من التحويلا ت بتقبل فمتقلقيش من موضوع التحويلات بس المهم تجيبى مجموع الكلية

حضرتك السنه دى حاجه خاصة مش زى السنه اللى فاتت فمش عايزين نعشم نفسنا وخلاص وبعدين لو جات الاسنان الحمد لله مفيش اسنان وفى صيدلة برده الحمد لله كله خير واحنا احسن من غيرنا

فعلا معظم التحويلات بتتقبل ولحد دلوقتى مقابلتش حد قدم تحويل و ما اتقبلش

وبالنسبة لاسنان وصيدلة ف انتى المفروض تعملى اللى عليكى واللى ربنا كاتبه لحد هيشوفه هيشوفه
انتى ممكن تبقى جايبه مجموع اسنان وتضيعيها من ايدك علشان مش كتبتيها
وف الاخر كله مقدر وربنا مش بيضيع تعب حد
وع فكرة احنا برده ف سنتنا كنا بنقول دى السنة دى حاجة خاصة وهتبقى ليها ظروف لواحدها بس بتعدى والله

انا جايبة 99.6 وكتبت صيدلة طنطا اول رغبة
كتبت كدا حبــا فى صيدلة وانا بحب الكيمياء جداااا وخاصة الكيمياء العضوية

بس كنت عاوزة اعرف جامعة طنطا كويسة ولا ايه ؟ والدراسة والمناهج ايه نظامها؟ كل اللى فى صيدلة مخوفينى بيقولولى صعبــة اووى

بصي يا شيماء هو مفيش كليه سهله ابدا مهما كانت ولازم لازم لازم هتقابلى صعوبات ف الاول بس بتتعودى عليها بعد كده
انا بالنسبالى كانت اكتر حاجة رخمة بتقابلنى هى اللغة لان الدراسة بتبقى انجليزى * انجليزى وطبعا زى ماهو معروف مستوى الانجليزى عندنا ف مصر 100 مية <<<<<< سامحنى يارب
ونظام الدراسه ف طنطا لذيذ بس رخم شوية ومتسأليش ازاى هو كده وخلاص

واه صحيح نسيت اباركلك ع المجموع الحلو ده وربنا يوفقك يا رب

طمنتينى .... هو انتى ف صيدلة طنطا ؟؟

اه ف صيدلة طنطا ولو عاوزة تسألى ع اى حاجة متتاخريش