|
علوم ولا طب بيطري
سألت السؤال ده في بيطري وفي علوم عشان اشوف الاجوبة من غير انحيازية
بالنسبة للبنات علوم افضل ولا بيطري من حيث الدراسة والمستقبل |
شوفي انتي بتحبي ايه واختاريه
لو بتحبي الحيونات ولكلام ده يبقي بيطري لو بتحبي العلوم التطبيقيه والطبية والبحث العلمي يبقي علوم |
علوم اكيد :)
|
علووووم حلوة و اقسامها كويسة وشغلها كتير
|
علوم افضل ان شاء الله تشتغلى فيها فى الدراسة كويس والشغل بعد الدراسة جميل
|
اكيد طبعا طب بيطرى من غير كلام
وده عن تجربة من واحدة اعرفها والدراسة صعبة شوية بس لذيذة ومجالاتها كتيرة وممتعة |
كل الناس بتقولي اكيييد :( مش عارفة اعمل ايه
الاستفتاء ده هناك كان بيطري اكتر |
اقتباس:
هو انتي في كلية علوم طيب ؟ :( |
اقتباس:
|
القاهره
بصي انا معيد في كليه العلوم واقدر اقولك بكل صدق اياكي وكليه العلوم مقبره المتفوقين طب بطري هتديكي نفس مزايا علوم بالاضافه انك دكتوره قد الدنيا والي بيضحك عليكي ويقولك علي التحاليل الطبيه فده الوهم الي بيجرو بيه رجل الطالب او الطالبه يعني بكل بساطه كليه العلوم 4 سنين + 2 سنه دبلومه كلينيكال بثولوجي + 2 سنه معادله كيمياء يعني قدامك 8 سنين دراسهولازم تكوني مستريحه جدا علشان تفتحي معمل في مكان شغال مش اقل من 150 الف جنيهلانك لو هتشتغلي بره بعد دراستك 8 سنين كبيرك 1200 جنيه ده طبعا في اكبر مكان بيدي فلوس في البلد لكن متوسط اجور الاماكن التانيه 600 الي 700 جنيهفتوكلي علي الله واختاري بطري احسن
|
اكيد الاجابة هتكون طب بيطرى
يكفى انك دكتورة ودى بالدنيا اولا لان علوم دراستها صعبة --- بيطرى بردوا صعبة ثانيا لان علوم مليهاش مستقبل اى كانت دراستها او اقسامها الكتيرة ال عمال تسمعى عنها بس فى الاخر مش هيردوا بيك مدرسة ولا هتلاقى شغلانة ---- بيطرى ع الاقل دكتور وفى اى مكان هتحترم ثالثا احنا فى مصر وعلوم دى مستقبلها فى دول بتفهم احنا دخلنا علوم وكنا من اوائل على مدار الاربع سنين والنتيجة اتلطمنا فى المدارس ومرديوش يعيننوا معيدين بس علشان نص درجة فرق بينا وبين المعيدة ال قبلنا بنت الدكتور وكنا المفروض مبرمجين حاسب بس للاسف بقينا بنشتغل كتابيين فى وزارة العدل والتنمية الادارية وغيرها من الوزارت هى دى علوم فى مصر اسمعى منى علوم دى مش بس مقبرة المتفوقين دى ال عندها بتوقف الطموحات والامال وتتبدل بجحيم بعد التخرج والتعب فى الدراسة دا ازاى اصلا خرجتوا سلام انا عن نفسى خرجت منها بضغط وقولون عصبى دا غير دكاترتها المفتريين منهم لله |
لا اختى مخلصة طب بيطرى
انا لسه مرحلة تانية وبسال عن الكليات |
اقتباس:
|
الكلام اللي فوق ده كله كلام فاضي معلش يعني واساسا دبلومة الفارما بتاعت علوم سنة واحدة بس
وانا كل اللي اعرفهم من علوم واتخرجوا شغالين وبمرتبات جامدة كمان |
اقتباس:
ازمال انا يعنى كل اصحابى مش لا قيين شغل وال اشتغل فيهم فى معمل تحاليل بياخد 350 جنية وانا ربنا كرمنا بشغلانة لان ططالع التالت ع الدفعة وشغلانة بيعيدة تماما عن علوم شغلانة كاتب دبلوم تجارة يعنى ومحصلتش هما افضل منى فالشغل دا كلة كلام فاضى بيضحكوا بية علينا |
اقتباس:
|
ياراجل بالله عليك
طالع التالت على الدفعة وشغال ب350 جنيه لما أصلا العشرة الأوائل في الدفعة أحسن شركات وأحسن مصانع بتاخدهم !! انا اول مرة اسمع الكلام ده |
اقتباس:
لالالالالالالالالالالالالالالالا انا الا طالع التالت ع الدفعة وشغال فى الحكومة بس مش ب 350 شغلانة مخزية كل ال معايا يا اما حقوق يا تجارة يا ديلوم تجارة وكلهم بيقولوا اية دخل علوم بالشغل القانونى بلد هتفضل طول عمرها متخلفة ازاى خريج علوم ييجى هنا ومش محصل كاتب بدبلوم تجارة بس انا انا اقصد زملائى ال متخرجين من علوم كيمياء او وميكو او نبات -- وغيرهم من الاقسام ال بيشتغلو فى التحاليل وشغالين فى معمل تحاليل تصدق بالله اعرف حد كان اول مرتبة لية 250ج ( دا المعمل قصاد الشغل وصديق اصلا ) ولما ارتفع ع الاخر وقالوله مفيش زيادة بعدة 350 ج شوفت المرار الشركات دى عندكوا فى المحافظات فى الوجهة البحرى لكن فى الصعيد نيلة وحضيض وناس فيزياء ال بعد الميعيدين على طول مدرسين فى الازهر وبتوع كيمياء سبشيل شغلين فى التربية والتعليم مدرسين بردوا وطول ما انا ماشى بشوف واتعرقل فى حد من علوم وشغال مدرس رياضة - كيمياء - فيزياء - احياء - حاسب دا للمتفوقين اما ال عاديين فمعامل تحاليل ومرتبات مخزية هى دى مصر وهو دا الصعيد طالب علوم فى الصعيد دماااااار |
اهئ اهئ اهئ اهئ اهئ انتوا دمرتونى على فكره بالكلام ده انا كنت هدخل علوووم :(
|
اقتباس:
وفيه ناس بتشتغل في اماكن كويسه جدا |
يانهار اسود ومخطط باسود
دا ايه الكلاااااااااااااام دا بجد والله جاني احباااط بس للاسف خلاص انا جاتني علوم وفي صعيد صعيد صعيد مصر ( اسوااااااااااااااااااان) قدامي كليه لغات وترجمه بجد هتخلوني افكر فيها طالما علوم مش نافعه بس بجد ارجوكو اللي مش متأكد من اللي بيقولو بلاش يتكلم دااا مستقبل واحنا خلاص ماعندناش ماستحملين حاجه |
اقتباس:
فى موضوع جدا جميييل ومحفز فى المنتدى ودة متثبت بيتكلم عن انجازات العلماء الخريجين علوم وغيرة هيحفزك ويثبت ان كل واحد بيتعب بينال مرادة فى الاخر بس الصبر وتوكلى على الله وقبل كل حاجة الاستخارة |
ان شاء الله طب بيطرى
الكلية صعبة طب وايه يعنى كل الكليات العملى كده يعنى صعوبه بصعوبه تبقي بيطرى |
اقتباس:
تسلميلي يا حبيبتي وخلااص انا رسيت بفضل الله علي علووووم وربنا ان شاء الله يوفقني انا وكل زمايلي اللي اتظلمو ياااارب |
بارررررررررررررررررررك الله فيك
|
اكيد طبعا علوم بدون شك يكفي انك دراستك متعلقه بالبشر مش الحمير والبهايم مع احترامى للحمير :]
|
اقتباس:
1- كليه الطب البيطرى افضل من غيرها من ناحية التوظيف سواء الحكومى او الخاص 2- كليه الطب البيطرى تعطى للخريج لقب دكتور 3- كلية الطب البيطرى مساوية لكليه الطب البشرى و الصيدله و الزراعه فى ان المشرع ساوهم فى عدم اشتراط تخصص فى مرحله البكالوريوس لفتح معمل 4- كليه الطب البيطرى ايضا بها دبلومة الكلينكال باثولوجى الذى تجعل ممن ياخذها ان يسجل فى سجل الباثولوجين فى وزارة الصحة 5- كليه الطب البيطرى مستواها العلمى كبير جدا جدا .... الخ الخ |
| جميع الأوقات بتوقيت GMT +2. الساعة الآن 06:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.