|
للبيطرين فقط يا رب تعجبكم
قصيده بيطرية عجبتنى لاقيتها فى احد المنتديات البيطريه اتفضلواا اقروها وعايز اعرف رايكم فيها ولو بدينا ياهريدى : نبتدى منين الحكاية دحنا قصة دمعنا لها أكتر من بداية أولها نتيجة الثانوية : ينقصها واحد فى الميه على حلم أجمل كلية طب ندخل إيه يا عينيه؟ مافيش غيرها البيطرية وأدى سنه أولى دخلناها بالطول بالعرض قضناها أول ما قالوا قالوا تشريح فن ومهارة فى التدبيح وأروح لمين؟وأقول يامين : ينجدنى منك يافورمالين والهستولوجى تقول إيه؟ : باشا ياناس اسم الله عليه أصل القسم فيه مافيش : غير واحد ان شا الله يعيش وبين علوم وبين زراعة : بهدله ياناس وكمان ضياعة وجه الفرج وبقينا فى تانيه : من غير حرج عدينا فى ثانيه فقرات واسكل وحاجة تعل والفسيولوجى بسم الله : حاجة يا ناس أعوز بالله ماهو المدرج كان قسمين : بنش صاحى والباقى نايمين أما الكيميا فمافيش غيرها : نجحت من غير ماذاكرها والله يباركله دكتورها وأقول إيه على عدى وفات : وأقول إيه عالسلوكيات حفظ ودش ومافيش غش : وتسمعلها كمان حكايات بين الكاتل فييدنج وهاوس : وبين اللاب أرنب وماوس تقول ياسلام على دى روايات وبين المنصورة وبين دمنة : ودونا بلد مافيهاش غيرنا ترعة وطريق أدامنا : والبقر بقوا هما جيرانا أول ما قالوا قالوا ولادة : ويارب ماتقطع للبقر عادة مد إيدك ماتتكسفش عشر فى كام؟ : قول ماتخفش وانت يادكتر قول الحق : هيجى واد ولا لأ؟ والتخدير يا سلام يا سلام : خدلك سنتى وروح نام أصل الجراحه من غير كلام افتح خيط تبأه تمام أما السكشن فبظرميط: معاه تحس إنك فى الغيط والألبان غيرها مافيش: قسم ياناس إنشاء الله يعيش مادة جميله زى القشطه: كلها زبدة وجبنه قريش والكلينيكال يجيب أنيميا: ويجيب معاها حرقة دم ولو ماجبش كمان جلطه : يبأه ستر من الله ياعم والدواجن فراخ وبيض: وامتحان مالوش حل حاجة تخلى العقل يشيط: والنتيجة بتنجان وخل والصحة آه من الصحة :مادة بسيطة وزى الفل لكن امتحانها يجيب الكحة: والتصحيح يجيب السل واللحوم قالها كلمه (الكتاب احفظوه) واوعوا ياهبل تفهموه واللى هيفهم هقطع خبره ابسط حاجه هنسقطووووووووووه وفى النهايه خلص التدريب: بعد ماخلصت الكليه وفى الدنيا لقتنى غريب :ولاشئ يوم كان بإيديا طب أعمل إيه أنا دلوقت :قبل مايضيع منى الوقت وبقيت أسأل أى حد : ونفسى فى إيد بأه تتمد تخدنى معاها للطريق : قبل ما الهبل يجينى بجد ناس قالوا يادكتووووووور: شفلك شغلانه فى البيطرى ولا تلف ولا تدور: واسمك هيتعرف بدرى ماهى الدعايه ملهاش مستقبل : وبكرة هتعرف لما تكبر طب إزاى وأنا متعوس : لافهم فى بقر ولا جاموس ولا عمرى حقنت حقنه : ولا جسيت حتى ناموس قلت مافيش والله غيرها : الدواجن عمرى ما سبها حاجة حلوة وسمبتيك : كم فرخة ومعاهم ديك وجريت على المزارع : حاجة روعه وشكلها شيك ودخلت جوه لمديرها : قابلنى وقال ( شبيك لبيك) قلت ياباشا أنا دكتور : واتخرجت من شهور قالى خلاص انت معانا : وانا صراحه بيك مبهور تيجى من الفجر وتشوف شغلك : ويلا روح كده على مهلك ومرتبك كمان كبيييييييييييييييير : نص باكو يافرحة أهلك شامل شغلك : شربك : أكلك قلت يا خيبه مش مشكله : خلينا نتعلم وبلاش بهدله رحت لقيت شئ خطير : المزرعة فى التطهير ومش موجود فيها ولا فرخه : واشتغل بأه ياكبير شفلك عامل يلا ساعده : وامسح عنبر وطهر أرضه وقلت آآآآآآآآه م الدنيا ديا : أنا دكتور ولا فليبينيه وسبت الشغل أوام ومشيت : وبدون دمع أيوة بكيت وقلت البيطرى ياناس شايفينه : ياريتنى مادخلته ياريت ورجعت أوام تانى لعقلى : وجريت أعمل مقابلات ماهو يا جماعه هو مصيرنا : مندوب شركه من الشركات وأنا دلوقتى وبعد سنين : عايش فى أحلى اشتغالات بدله شيك مع كرفته : وفارد صدرى وشايل شنطه تقولوش بيه من البهوات وكل الشكر للجميع للمزيد |
مشكووووووور جدااااااااا
جميييييييييله جدااااا بتبين المعاناه ال احنا فيها فعلا والناس مش بتقدر ومش فاهمه حاجه بس ربنا معانا كلنا ان شاء الله |
شكرا للرد
نورت الموضوع |
والله ياجماعه ده اللى مخوفنى ومش عايزه ادخله
مش بحب ومش متخيله فى يوم انى اشتغل فى مزرعه مثلا ده انا كنت اموت ومش عايزه اتعامل مع الحيوانات اخرى قطه ياجماعه وكمان احيانا بجرى منها^^" اقوم ماسكه جاموسه واولدها كمان ^^" وكمان انا لو اشتغلت فى ادويه يبقى تركيب نفسه مش بحب الميديكال ريب لانها مناسبه للولاد اكتر من البنات انتم ايه رأيكم؟؟ |
اقتباس:
ثانيا بجد بيطرى من احسن الكليات بس للاسف مش متقدره بجد ماتتحيريش وادخلى بيطرى انا عارفه ان مفيش حد كان نفسه فى بيطرى وانا كنت كده فى الاول وماكتبتهوش فى الرغبات وكتبت علوم وفى الاخر كنت هاموت واحول وندمت وحولت بيطرى بالعافيه وانتى مش لازم تشتغلى فى مجال بيطرى ممكن تعملى دبلومه بايو وتبقى دكتوره تحاليل معلشى طولت عليكى لو عاوزه اى حاجه انا موجوده |
كان الله فى عون البياطرة
|
اقتباس:
البيطري دلوقتى بيقي مساعد اخصائي تحاليل ومش من حقة يفتح معمل تحاليل انما علوم فهو اخصائي تحاليل طبيه (دكتور تحاليل) سواء قسم كمياحيوى او قسم ميكروبيولوجى بفروعه لان التحاليل 60%كمياحيوى و40%ميكروبيولوجى |
توضيح اخر
فيه نقد اترفع ضد ال منع ان مش يبقى من صلاحيات الطبيب البيطرى انه يبقى دكتور تحاليل وان شاء الله ف طريقه للقبول يعنى مش تفقدو الامل كمان فيه حاجه دكتور التحاليل دى اخر حاجه تفكرو فيها من بيطرى انتو لازم تعرفو كل المجالات المتاحه ادامكو من دخول الكليه دى وهى على الرابط ده (هو موضوع كان هنا بس انا جبت الرابط) http://www.thanwya.com/vb/showthread.php?t=129693 |
اكتر من رائع يا دكتور فعلا
تسلم ايدك |
جامده اوي بصراحه
يمكن انا مجربتش غير اول مقطع بس عشان لسه مخلصه اولي ربنا ييسر في الباقي بقي |
جامده اوى
ميه ميه يا باشا |
احم احم
هى حلوة بس فى انها بتبن اد ايه بنتعب فى الكلية بس بصراحة النهاية جامدة اوى مش للدرجة دى لكن طبعا طبعا تسلم يمينك |
القصيده جميله جداااااااا.......هي بتبين ان احنا هنتعب في بيطري جدااااااا .................!!!!!!!!!!!!!!...بس أنا لسه أولي بيطري لسه مش شفت التعب ده ........ربنا معانا
|
كان الله فى عون البياطرة
|
gamda awiiiiiiiiiiiii :D
|
| جميع الأوقات بتوقيت GMT +2. الساعة الآن 08:22 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.