|
الفرق الجوهرى
الفرق( الجَوْهَرى) من غير (رضا ولامحمود ) هذه المرة :d بين مذيعات الماضى ومذيعات الأن مذيعات الماضى كانت حين تذكر الحدث تجدها تتحمس كباقى أفراد الخلية وتقول (نَصْر أُكْـــتُـــوبَـــر العظيم ):078111rg3: لكن مذيعات اليوم تجدهم فى بلاده كباقى أفراد الخلية فتقول (نَصْر أُكْــتُــــوبِــــر وبس):bosyht9: هما لو شكلوا الباء فى (أكتوبر)بالفتحة بدل الكسرة هيكونوا خرجوا عن المهنية أصلهم ماحضروش الحدث وكمان شكلهم متعلمين بره:d |
اللعب المر
العدالة الاجتماعية هذه المقولة ترفعها فرق من المعارضة الأن من باب قلبهم الرحيم بالشعب وأيضا يرددها البعض من الجهات المؤيدة أيضا من باب تجميل الوجوه والأفعال ولا تتعجب حين تحلل تحركات وأفعال الفريق الأول لن تخرج منها سوى بأنهم مجموعة متعجرفة متغطرسة تتهم المخالف لها فى الرأى بالجاهل والمتخلف وعبيد البيادة والسؤال هنا من يصفك بالجاهل والعبيد لمجرد اختلافك معه فى الرأى هل سيسمح لك بأن تتساوى معه فى الثروة والفرص ومتطلبات الحياة الكريمه أما الفريق الأخر المدعى التأييد والأمل فى تحقيق العدالة الاجتماعية فصدقنى لايستحق حتى التعليق لأن ماضيه يزكيه لن تأتى إلا إذا تحول سعى الشعب لنفسه لمن يصدقه قولا وعملا ويتجاهل كل مساعى نخبه الذين لايجيدون سوى الفكر الباشواتى بلد نعيش فيه لايحتاج منا سوى الأسف وندب الحظ الذى لايحرمنا ثواب الحمد والشكر لله وحده بلد يحتاج لفلسفة عميقة من مدرس عجز فى فهم فكر وأوامر وزيره الذى ترك مهلكات الأمة التى تنزف كل كوادر الناس أجمعين بالدروس الخصوصية وتعملق ليحاسب المعلمين على كادرهم -- هتوفر للدولة من المعدمين اللى صابرين على رفاهيتكم من أجل عيون هذا الوطن ؟ ياترى الأوراق والتقارير بتقول إيه للوزير عن مرتب مدرس قضى أكثر من ثلاثة عقود من عمره فى هذا العمل؟ من المؤكد ستجد التقارير بتقول له أن هذا المعلم الذى شاب فى غفلة وضاع عمره فى الوهم مرتبه تخطى الأربعة ولا الخمسة ألاف بلد صبح بلع دلع نخبها ومثقفينا وقرارات مسئولينها تعجل برحيل كل محب لهذا الوطن |
هذا الجيل مش هيعديها إلا لما يفهمها ويقتنع بيها
فى بداية عملى بهذه المهنة حين كان طعمها مسكر عكس ماهو الأن كنت أشرح درس الحركة الوطنية (كفاح مصطفى كامل وكفاحه ضد الإنجليز) بدأت الشرح بتعديد مساوىء المجتل وهدفه من الاحتلال من تدمير وقتـ ل لاستغلال موارد الدولة المحتلة ووصفت المحتل بصفات ومواصفات لاتليق إلا بهم فجأة انفعل طالب وقالى لى يا أستاذ أليس الدولة التى كانت تحتلنا هى انجلترا ؟ فقلت له نعم فقال وهو منفعل رغم طيبته وهدوءه : كيف ذلك ورئيسنا كان يستقبل رئيسهم بالأمس فقلت له مصححا ليس لإنجلترا رئيس لأنها مملكة ولكنه رئيس الوزراء فحاول أن يستمر فى الحوار ولكنى استخدمت ماكان مسموح به وقتها التهديد بالضرب أو الطرد من الفصل فجلس الطالب وفى عيونه الكثير من الاستغراب والتعجب عاش بها حياته ولا نتقابل حتى هذا الوقت حتى يذكرتى بهذا الموقف وكلما حاولت تقديم له المبررات كان يرد يا أستاذنا كان يكفيك قول أن انجلترا المحتلة غير انجلترا الحالية تمضى الأيام ليأتى هذه الأيام بطالب أخر ليسأل نفس السؤال فرديت عليه بالرد الذى أمدنى به الطالب السابق ولكنه لم يقتنع ضاعت الفترة كلها فى إقناعه ولايقتنع - ورغم التهديد بسلاح الأمس البعيد من الضرب والطرد إلا أنه أصر على عدم قناعته فطلب الجلوس معى منفردا فرفضت ووعدته باستكمال الحوار أمام الفصل كله فى الفترة القادمة ووفقنى ربى بعد عناء فى إقناعه أننا نعيش فى عهد جديد وكل دولة لها حدودها وحقوقها والدولةالمميزة هى التى تجبر هذه الدول على المعاملة معها باحترام وتقدير الجيل الجديد جيل عنيد لايخشى التهديد والوعيد ولكنه يحتاج لمن يستمع لهم ليفيد ومن فكرهم الواعد يستفيد |
إعدام المعارضة - لصالح من ؟
المعارضة فى كل الدنيا تحاول استمالة الشعب إليهم ليكونوا بديل بين يدى الشعب يفرضها على الكل حين يفشل الأساسى لم نرى فريقا من المعارضة فى الدنيا يفرض نفسه وكل أياديه خاوية كما حدث مؤخرا فى مصر ولم لا فالحزبان اللذان أبهرونا بهما ووصلت حالة الانبهار حينها للفزع وأفزعونا بقوتهما والمستقبل الباهر الذى ينتظرهما قمم الشخصيات بهما يستقيلون يوما بعد يوم والغريب حين تجد المتحدث باسم هذاالتيار لازال يتبجح وحين تسأله عما يحدث لأحزاب تياره لاتسمع منه سوى رنين الصمت ثم يدخلك بمشاجرات مفتعله مع النظام والحكومة تستمع لرنين الصمت منه لأنهم يعقدون مؤتمراتهم ودورات تدريب لشبابهم فى شرم الشيخ والساحل الشمالى وليس فى بولاق وشبرا ولا حتى أسوان ويبرر هذا بالحصار الأمنى لهم !!!! دا على أساس أن الساحل الشمالى وشرم الشيخ خارج الدولة - ولا إيه؟؟؟!!!!!!!!! أحزاب متهالكة داخليا وفقط دربوا المخدوعين بهم على النقد المغلف بكل شىء إلا الحياء والأدب عجزوا فى اختيار كوادر ومؤسسات أحزابهم ويطالبون بتغيير النظام الحاكم للدولة وتطهير مؤسساتها كلنا نأمل فى معارضة حقيقة ولكن هؤلاء يتعمدون سحق كل تأييد شعبى لأى معارضة بأفعالهم هذه يتفننون فى خلق الخزعبلات التى تباعد بينهم وبين الشعب وكأنهم مع النظام وليسوا ضده !!!!!!!! بتفكرنى أفعالهم هذه زمان لما كان واحد بتاع مشاكل ومالوش فى الكوره وكان ينزل الملعب ويقول (يا ألعب ياكله مايلعبشى ) ومع أنه كان كل مره بياخد نصيبه من الضرب والذى منه ولكنه كان دايما يكررها وكأنه يستطعم الإهانه ويتشوق إليها وأنا كمواطن لا أنتمى لحزب ولا لأى فصيل حاكم أو معارض أطالب المعارضة بتطهير نفسها لتجد لها تأييد شعبى يضمن استمرارية الدولة ويحمينا من الاستبداد المؤسسى فالاستبداد المؤسسى أشد وطأة وسيسحق الجميع (حاكم ومعارض ومجتمع ) اللهم احفظ مصر من عبث أبنائها وفتن أعدائها |
يوميات رائعة واسلوبها شيق والاجمل منها من الواقع والنقد فيها بناء متابعة مع حضرتك جزاك الله خيرا وبارك الله فيك تحياتي وتقديري |
https://www.youtube.com/watch?v=35wriEJvhWI
مالى خِلج احب وافترج ------- نار العشج تحرج حرج احنا فى وطن كله محن--------كله وجع كله فتن وين يحكموا هذا الزمن---------- اتفجوا ألا نتفج مالى خلج --- مالى خلج متغربين بين العالمن ----- ماله يمين نبع الحنين فى كل عين رعده بِرج ----- الله المعين لكم السلام والاحترام ---- لكن حرام وسط السلام نطفى خطانا ونتحرج ----- مالى خلج قلبى الصفى طيب وفى ------مش طائفى ويحب كل الخِلج-- كل الخِلج وين يحكموا هذا الزمن -- اتفجوا ألا نتفج مالى خلج - مالى خلج |
اقتباس:
تحياتى وتقديرى أستاذة أم فيصل جزاكم الله خيرا |
أنا المسكين ضحية نصر الله وبشار وأخويا ضحية دواعش ونصرة وثــوار صورة كربونية ينسخها عبادك لعبادك بهمجيه ووحشيه تخطت كل فكر التتار يتبارى على دمائنا كل قوى الشر فالطف بنا ياقهار -ألطف بنا ياقهـار |
شؤال برى
على حد علمى ومتابعتى اليومية لكل جديد فى علم الفلك والتغيرات الكونية أن السنه لازالت (365يوم ) إيه السر فى جعل امتحانات النقل على فترتين - وكمان صباحية للفصول الكبرى ومسائية للصفوف الأولى وفوق كل دا --الصف السادس تانى يوم من انتهاء امتحانات النقل يعنى مطلوب تنتهى من التصحيح والمراجعة وإعلان النتيجة ولو افترضنا ظنا أن الوزارة تهدف لتحويل المدارس فى الأربعة أيام دول مسكن تأديب وتهذيب للمعلمين من السابعة صباحا إلى مايشاء ربنا ويأتى الإفراج من السيد مدير المدرسة طب ذنب طلبة الصف الأول والثانى والثالث فى الموضوع ويمتحنوا الساعة واحدة فى عز الحر ليه ؟ يعنى مش كفاية رهبة امتحانات ومراقبين بنضارات سوده وكأنهم بيدوروا على إرهابيين وكمان حر إيه ؟ بندربهم على الثانوية العامة من دلوقتى ؟ بس بالطريقة دى على مايوصلوا للثانوية العامة هيكونوا خلصوا المخزون النشاطى وكمان مخزون الإقبال على التعليم أصلا ولأن كله صبح زى كله --كدا هتبقى الدعوة عامة(ربنا معاكم ويعينكم ياكل طلاب العلم فى مصر من الحضانة للثانوية ) والسؤال البرىء جدا ياترى القرار دا كمان كان محتا ج لإمكانيات مادية ولا إمكانيات بشرية وقلوب رحيمه شويه ؟ |
زماااااان بس مش إوى يعنى
مع أننا كنا بنقضى شم النسيم بنفس المنهج والجدول والصحيان بدرى جدا والسير لمسافة 2كيلو لشراء بعض الورود من حديقة صاحبها من البلد المجاورة دا زمان لكن دلوقتى متوفر فى كل مكان لكن الاختلاف هو فى أحجام البيض البيض زماااااان كان بيض يملى العين - مش فى حجم البطيخة طبعا لكن كان يقارب من حجم البرتقانه لكن دلوقتى صبح تقاوى بيض زمااان بس مش أوى كانت الحاجه عليها رحمة الله كانت بتملى حجر الواحد مننا بيض وكان الواحد طماع ويطلب كمان مع أن نصيب الواحد مننا زمان بيكفى أسرة كاملة دلوقتى لأن كان المصدر محلى من نفس المكان ( حظيرة الدواجن) لكن دلوقتى البيض بيدلل من كتر دلاله شكله متضايق مننا فعمل دايت وكان الفطار كله انتاج محلى عيش وطعية وفول وبصل وخس والغدا عد أنواع السمك كماتحب وكان الرهان بين أفراد الأسرة على اللى هيقدر يتعشى فينا وكنا كلنا بنكسب الرهان وننام من غير عشا وطبعا مش من باب النوم خفيف لكن من باب رحمة المعدة من اللى جرى لها فى هذا اليوم كل سنة وكل المصريين متجمعين وبنسيم بلدهم العليل متنسميين وبكل أعيادهم محتفلين ومتشاركين كل سنة وانتى طيبه يامصر |
معركة جاردن سيتى
معركة تكسير العظام ومن يكون له السبق لتنفيذ القانون كما يراه هو ولتذهب المراجع للجحيم سلطوى جديد يريد تفعيل مبدأه المخطط له حديثا وأنه فوق القانون وسلطوى قديم يشعرك دائما وكأنه هو القانون وأنه سيد البلد الإثنان رغم توحلهما وتوحشهما فى الأخطاء الواضحة المخالفة لدولة القانون إلا أن كلاهما يريد التغول على مساحة الغير وكسب نقطه على حسابه فهذا النحنوح تسلق سلمه ويدعى المظلمة وينادى (حريتى حريتى) والأخر يواجهه بشدة زمان وهو يردد (لاحرية إلا منى ولو على جثتى) وبينهما الملايين فهذا ينام على سرير العجز بلا أبسط خدمات ي***ه الندم ويتسائل أين ضاعت صحتى ؟ ومسكين نحله الفقر والشقى والصبر وكان المعطاء ورسول الوفاء والأن يردد أين عزوتى؟ فتش ستجد ملايين الأهات بلا مأوى وبلاطبيب وبلا مجيب ولله وحده أوجه شكوتى وإن لمت نقيب الصحافة فأنت البلطجى العبد كاره لحريتك وإن لمت نقيب الشرطة فأنت الكاره لأهلك ولبلدك البعض أصبح لايسمع كلمة (بلدك هذه )إلا وهو مقبل على اتهامات تذهبه للإعدام أما بلدك وانت فى عملك وحياتك الطبيعية --- فعليك الانتظار حتى يصيبك الدور فعلينا أن ننتظر عدة عقود حتى يتم ترضية الكبار وإشباع رغبات الكبار وتنفيذ رغبات الكبار والأهم أن نعلم جيدا من سيتولى تنفيذ القانون منهما- وأى قانون سيفعل ؟ قلم الحريات ولسان الإهانات بلاحساب وتكفيهم حماية النقابة أم مدفع الحراس وكل قانون له ألف كتاب بلامراجع مثبته ولا رقابة تعبنا من دلع هوانم جاردن سيتى - فجابوا لنا صراع طرازانات شيكاغو ومش هيتعبوا -- لأ هيجددوا -- ولمشكلة جديدة كل يوم هيخلقوا ناس بتحب التجديد وهو دا التغيير لو تأملت من يقف على سلم النقابة المشرفة ستجدهم هما بتوع 15إبريل -25إبريل ولو فيه 50إبريل هتلاقيهم هما هما والمحللين هما هما ينفخوا فى الصغيرة يخلوها مشكلة الشرق الأوسط --- عملهم وبيخلصوا فيه عشان يحللوا الجرشينات وبلاش باقى العملات |
معركة يوم الحصاد
لو كان الموضوع أشخاص وربى ماكان يستحق حتى هذا التعليق لكنه افتعال صدمات بين مؤسستين كل منهما لها دور مشهود فى الوطنية الشعب طلب من الكل الدخول بالتراضى للخلاط المصرى من أجل التقارب والتلاصق والتعاون فى هذا الوقت العصيب لكن البعض استبدله بالدخول للفراز بدلا من الخلاط فمفيش حد يزعل بقى -- الفرز شغال ومفيش حد هيغلب شعب مهما استخفوا به ولأنه شعبى يرتدى توب الفقر والحاجة استهزأوا به ويداعبوه ساخرين بمقولة (المواطنين الشرفاء) الأخ أبو كرافته من مال الشعب استحى فهناك ملايين فى هذا الشعب لايملكون من زاد الدنيا ثمن كرافتتك ولاحتى ثمن حذائك ومع هذا ي***هم الرعب على وطنهم ويقدموا أولادهم للدفاع عنك وعن وطنهم استحوا فوزير داخلية مصر ليس بهتلر أو موسلينى استحوا فالمواطنين الشرفاء شرفاء رغم فقرهم وصرخاتهم ضد كل من يعبث بوطنهم فالصحف التى تدعى التحرر ومعظم العاملين فيها يعيشون الوهم ولايدركون أنه ماهى إلا مشروع استثمارى لا أكثر حين يشعر صاحب المال بأية خسائر سيطلق كل هذه المبادىء التى صدعتونا بها وهيخلعكم منها |
ههههههههههههههههه
سلم النقابة التى تحجز لكل فئات الشعب للتعبير عن نفسهم كما يدعو حين احتلها المواطنين الشرفاء ليهتفوا ضد النقابة على الفور طلب أعضاء النقابة من الشرطة إنزالهم وابعادهم عن النقابة فعلا المواطنين الشرفاء دول على نياتهم وصدقوا أن هذا السلم لكل الناس نفس الفكر -- احنا نازلين نعترض على الجزيرتين يوم تحرير سيناء فيجب على من يريد الاحتفال بيوم التحرير يفرغ لنا الشوارع والميادين ويلزموا بيوتهم كذلك احنا معتصمين أمام النقابة فلا أحد يعلق ولايعترض ولايقترب لأن البلد بلدنا كنا فاكرين البلد بلدنا ضمير عائد على كل الشعب لكن اتضح أنه اعتقاد خاص بيهم والضمير يخصهم فقط الفاضى يعمل قاضى والرايق يروق أكتر وسحقا لمن يعترض خطوات المرفهين المنعمين بخير الملايين |
افتكاسه أم انتكاسة
السيد وزير التربية والتعليم قرر محاسبة المعلم بالحصص وربطها بالكادر المزعوم على قد ماهيشيل المعلم حصص هيقبض كادر دا على أساس أن السيد وزير التعليم ومستشاريه شايفين أن كادر المعلمين وفى المعلم حقه أصلا ولا إيه؟ لما تبقى عايش فى بلد مش عارف مين معاها ومين يتعمد دخول عش الدبابير مش عشان يخلص الناس منها ومن فسادها - لأ عشان يهيجها ويطلققها على الناس الغلابة وكأنهم ناقصين غلب ياوزيرنا عش دبابير الدروس الخصوصية هتوفر للدولة مليارات -- لماذا الذهاب للخلف ؟ لكن خلية نحل الغلابة هتسقيك عسلها لكن لو غدرت بيها مش هنتعرف على حضرتك بسب علامتها اللى هتتركة بمرورها على وجه حضرتك مين قال أن سد العجز مش هييجى غير بتهديد الناس بالخصم من مرتباتهم اللى مش مكفياهم أصلا اعقلها وافعلها ياسيادة الوزير بقرارات إدارية صارمة لاوساطة فيها ولامحسوبية هتلاقيها رست وعامت وانطلقت للعبور لكن التهديد بالخصم -- كفاية خصومات فالمرتبات لم تشهد زيادة منذ وصول حضرتك لمقر الوزارة ولا إيه؟ بلاش الجنوح للحيطة المايلة لأنها باشت من كتر الركنه عليها |
حضانة بلا حصانة
فى أوائل التسعينات ظهرت فى مصر ظاهرة ظاهرها جميل وباطنها لايعلم بيها إلا ربنا سبحانه وتعالى هذه الظاهرة كانت انتشار حضانات معينة بطريقة لافتة فى الصغر يعلموا الأولاد فى هذه الحضانات كيف يدخل البيت ويلقى السلام على كل من فيه ويقبل أيادى الأب والأم والأب والأم سعداء لهذا ويتباهون بأولادهم فى الكبر بعدما ينتقل الأولاد للمدارس التابعة لنفس المنهج يلاحظ الأب والأم تطور غريب فى أولادهم وبداية العزلة عن كل مافى البيت وتطور وتزيد حتى عن كل مافى سنه من زملاء وأصدقاء وفى ريعان الشباب بعد أن يلتحق الأولاد بالجامعات تحت رعاية نفس المنهج يلاحظ الأب والأم والأسرة كلها بداية النفير والغياب عن البيت وحين يتكرر السؤال ينفجر البركان من الإبن الودود بتكفير الكل وتحريم كل حياتنا تحت مسمى التدين هكذا فعلوها وكانوا يظنوا أن بمقدورهم فرض هذا المنهج كله على شعب عرف عنه التسامح والتعايش مع كل الأديان وكل أنواع البشر وهوية منذ نشأتها جاذبة ومجمعة لا مفرقة فخرج عليهم الشعب وفرق شملهم ولكن لازال بعض الأشبال لهم يجادلون فى المنتهى أمره |
أنت مثقف :022yb4:
د. عمرو حمزاوى يراهن زملائه وأصدقائه قبل تنزيل مقال له على كم سيفهم مقاله وكم سيتركه ولايكمل قراءته بعد السطر الأول الذى دائما يمتلأ بمصطلحات وتعبيرات مالها مرجعية فى قاموس لغتنا العربية يتجاهل أن معظم من يترك استكمال قراءة مقاله ربما فهم مبتغاه أوربما وجده كسابقه أوربما وجده لايفيده أوربما وجد فيه طفل كسيح من رجل فصيح يتفلسف فى زمن كليح أحيانا بعض مثقفينا الكبار والأشبال يتفننون فى ذلك من باب أنا المثقف وكل من هم حولى نشء يحبو ويفزعهم أن هذا النشء يتمكن من صدهم وكشف توابعهم قبل ان يقرروا البوح به والإعلان عنه شعب فرعونى مالوش حل |
لقطة عصرية
لما تبقى كل السياسة حرام - وكل الرياضة حرام - وكل الفن حرام ومعظم مايعيشه الإنسان هذه الأيام حرام فى حرام طب إيه الحلال فى نظر الذين لايجيد فكرهم إلا التحريم نفتح أعنينا كل يوم على خبر تفجير يقتـ ل بسطاء الأمة أم حريق ينسف خيراتها ؟ أم نتابع أخبار نساء الأمة وأطفالهن وهن فى شتات بيِّن ؟ أم نتابع أخبار المصوبين الثلاثة لقلوب المساكين كل صباح وكل مساء - طائرات الإرهاب الدولى - أم طائرات الأنظمة المستبدة- أم قذائف الإرهاب الذى يحرم كل حياتنا؟ إذا كانت كل حياتنا حرام فى نظر الشيوخ الداعمين لهؤلاء فهل حياتهم بأفعالهم هذه هى الحلال ؟؟!!!! أعزنا الله بدين ليعز البشر ويجمعهم ويرفعهم ويرتقى بهم --- لا ليكون رقابهم وحياتهم واستقرارهم رهنا عند قرار جماعة أو مجموعة مهما كانت |
اقتباس:
جزاك الله خيرا نقد موضوعي لواقع مرير فكر حضرتك متنور وراقي أ/رضا تحياتي وتقديري |
اقتباس:
جيوش المسلمين تحركت لإنقاذ سيدة وجيوشهم شردت الملايين سيدات وأطفال وشيوخ المسلم ي*** المسلم وكلاهما يرفع شعار الدفاع عن الدين فأى فريق منهما على الحق ؟ الحقيقة الوحيدة أن كل المشكلات الاقتصادية فى الغرب ستحل وستجد التمويل اللازم لتطورها ونموها فقط من عائد السلاح واستقبال المنح البترولية والغازية والمعدنية من أجل كسب رضاهم وطلب الدعم والتسليح دول وقعت بأفعال دول هى أسوأ منها لأنها تمتلك موارد شعوب فى اللهو لاهيه وبقليل القليل كافيه ومستكفيه والله المستعان شكرا جزيلا أستاذه / أم فيصل جزاكم الله خيرا |
كلنا
شعار ابتكره نشطاء العالم العربى لدعم أفكارهم وتوجهاتهم فقط رفعوا شعار (كلنا حلب) وملؤها بصور تؤكد م*** الرحمة فى صدور الفاعلين ولكن مفيش حد فينا سمع عن ناشط غلط وعلق حتى على مذابح طرطوس واللاذقية والجبلة ياترى ليه؟ هما مش دول سوريين ودول سوريين ؟ هما مش دول عرب ودول عرب ؟ هما مش دول مسلمين ودول مسلمين ؟ هما مش دول بشر ودول بشر ؟ ولا الحسبة النشطوية لها قوانين أخرى لنا ولكم الله ياشعب سوريا والعراق |
https://www.nmisr.com/wp-content/upl...ضان-2016-2.jpg
اللهم اجعله شهرا يصوم فيه المسلم عن إرهاب وفزع أخيه المسلم اللهم اجعله شهرا يعتكف فيه المسلم عن تشريد وإرهاب المسلمين وغير المسلمين اللهم اجعله شهرا يتخلص فيها المتشددين من أحضان أعداء الدين اللهم اجعله شهرا مباركا على المصريين وكل بلاد المسلمين اللهم أمييين كل عام وأنتم بخير |
http://www.nile.eg/wp-content/upload...d65a4__880.jpg
شكــــــــــــــــــــــــــرا جزيــــــــــــــــلا :078111rg3: جزاكــــــــــــــــــــــم الله خيـــــــــــــــــــــرا |
اقتباس:
الهم امين واياكم جزاك الله خيرا وبارك الله بحضرتك - إذا سبقتنى بالتهنئة فهذا لكرم اخلاقك وفضلك. وإن سبقتك فذلك لمكانتك وقدرك. لك منى كل الود والتقدير والاحترام ورمضان كريم |
إذا سبقتنى بالتهنئة فهذا لكرم اخلاقك وفضلك. وإن سبقتك فذلك لمكانتك وقدرك. لك منى كل الود والتقدير والاحترام ورمضان كريم
كل عام والأمة الإسلامية بخير ويعود لها الأمن والاستقرار بأمر الواحد الأحد المنان كل عام وحضرتك بألف خير جزاكم الله خيرا |
إلى متى ؟
إلى متى هذا الصراع المحسوب علينا بأنه صراع نخبوى وكمان شبَّطُوه فى التربوى والقدوة !!!!!!! ومع أنهم محسوبين علينا نخبة وهم فى الأصل لايصلحوا حتى عمال أى حاجة لكنها مساوىء الشبع بعد جوع وخلق موضوع من غير موضوع -- فى برنامج الإتجاه المعاكس النسخة المصرية ومع أن طيبهم صناعة الريال القطري وشبورتهم صناعة الجنيه المصري لكنهما يلتقيان عند الدولار الأمريكى الطيب إخوان لكن شوبير بس أخوه اللى إخوان إيه الفرق بين الإخوان وبين اللى صبح فى غفلة حوت من الحيتان -- مذيع - معلق !!!!!!!!!!!!ومن غير تخصص فكرنى بزميل خريج تجاوه تم تعينه مدرس فى زمن الرص بالواسطه والمحسوبية دوروا له على عمل مناسب له فشغلوه مدرس مجال صناعى وبعدين زهق من المجال الصناعى فشغلوه حاسب ألى زهق من الحاسب رحلوه للمديرية دلوقتى بسم الله ماشاء الله - ربنا يجعل كلامنا خفيف عليه بتأشيرة من حضرته ممكن الواحد يعتكف فى بيته العام كله - وتبقى أجازه مفتوحة واضح أن النجاح دايما لغير المتخصصين فى جميع مجالات حياتنا مش مصدق - طب عيش الوهم يامتخصص وصفق قوى كمان لاختيار القيادة بالكفاءة |
بسم الله ماشاء الله
|
كل عام وأنتم بخير
|
كل عام وأنتم بخير
وشكرا جزيلا للمشاركة entsar99 جزاكم الله خيرا |
قضية العصر
القضية اسمها أولادنا اللى بيعزلوا نفسهم عن الدنيا عام كامل من أجل تحقيق حلم العمر القضية اللى لازم كله يخرس لحد مانعرف لها حل هى قضية شباب هم مستقبل هذا الوطن من يطالب برحيل وزير التعليم ولم يقدم حلول ---هل هكذا حل المشكلة ؟ المشكلة مش وزير ولاغفير المشكلة مشكلة باشوات بيفكروا بفكر باشواتى ليستمر ولاد الباشوات فى المقدمة الحرامى بيسرق أوجاع وألام الغلابة وأولاد الغلابة ويخرج يقول أنا بسرقهم على أمل أصلح لهم التعليم تماما زى اللى بيحرق ويدمر فى اقتصاد البلد بزعم مساعدة الغلابة الغلابة طهقوا من الكل النواب شعللوها يومين ولما الحكومة قدمت لهم اقتراح بتعديل قانون التظاهر استرخوا وقلبوا الصفحة ودى أخرة اللى يختار نائب له ومايعرفش عنه حاجه ولم يسمع عنه ومنه إلا كلام كلام كلام يعنى مش كفاية -- أعصاب وحر وصيام وكمان تسريب العالم الرايقة كمان بيوظفوا أوجاع ولادنا وضياع أحلامهم فى مكاسب سياسية حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل حسبنا الله ونعم الوكيل |
مشكورين مشكورين
|
مشكوووووووووورين
|
صلاح التعليم فى نقطتين طرد القياصرة من العرين ورثة الكنترولات وحيتان الدروس كفانا متاجرة وكفانا مستغلين |
إقالة الوزير ده واللى بعده واللى بعده
هاتوا الوزير وحاسبوه وكمان اسلخوه وفى ميدان التحرير وعلقوه طب لوجه حصل تسريب تانى يوم هنحاسب مين ونسلخ مين ؟ النواب اللى راضعين ثقافة زمان فى حل المشكلات بتقديم ضحية للمشنقة دون حل جذرى لأصل المشكلة دا نائب كل أمله وهدفه يبعد الوش عن مجلسه وينهى الموضوع بسطحيه دانائب مش واخد باله بأن أولادنا اللى وثقوا فيهم وحملوهم أمانة مستقبلهم صعب يسامحوا اللى هيهددوهم فى مستقبلهم كان واجب على النواب اللى صوتهم مصدعنا ليل ونهار يعملوا لجنة عاجلة لمتابعة الأمر من قرب والعمل على القضاء عليها لأنهم وسط كل هذه المؤسسات هم المؤسسة الوحيدة اللى الشعب اختارهم لينوبوا عنهم ويشعروا بأوجاعهم مش كل نائب يقول كلمتين للترضية والتهديد اللى هدفه التهدئة وكل عام وأنتم بخير دى مشكلة وطن ياسادة محتاجة التكاتف وخاصة من اللى اختارناهم ولا إيه ؟ ياسادة لو تكرمتم إنزلوا الميدان وشاركوا فى القضاء على مايهدد أمن واستقرار الأوطان |
الهدف المرعب
صرفوا عشرات الملايين وقالوا هيضحكونا -فقلنا وليه لأ -تضحك وبعد الفطار على طول - قلنا دا كرم زيادة - وأهو الضحك يساعد فى الهضم هيجيبوا لنا حاجات فريده من نوعها - قلنا ومالوا - نشكر الريالات والجنيهات والدولات اللى هتتصرف لتبهجنا وكعادتهم وكعادتنا - هما يقولوا واحنا نصدق جابوا لنا كل أدوات الرعب - تعابين وأسود - ونيران وحرائق - وأخيرا داعش وقنابل فلقينا الركب اللى بتنتفض بدل المعدة - والهضم توقف - والرعب ملى المكان طب احنا ونستاهل - طب ذنب أولادنا الصغار إيه؟ سؤال عارف إن مفيش حد هيهتم بيه لأن فيه مسؤليين عارفين أننا راكبين فى السبنسه معاهم فى قطر البلد وبيقولوا لنا احمدوا ربنا أنكم شبطوا معانا أصلا وسمحنا لكم تكونوا معانا من قاموا على البرنامج أخدوا الملايين- والضيف جففوا عرقه ونجدوه من رعبه بـ20ألف دولار وعملوا زى نخب الفضائيات يتنقلوا من برنامج لأخر هما هما -- شكله موسم ولا إيه؟ واحنا وأولادنا أخدنا التقيلة (رعب فى الركب وكسل فى المعده ) ويجعلوا عامر - ويامه فى الجراب ياحاوى من ناس شكلهم قالوا لهم أن الشعب مرحرح ومسخسخ فى الرفاهية فارعبوه المهم والأهم --- الشعب هيترعب أصلا ؟؟؟؟؟!!!!!! |
مكرونة بالبيشاميل
يارب تكون كتابة العنوان صح أنا فطرت النهارده هذا النوع من الطعام --- ولأول مرة كل البيت خلص فطاره ونام لحد ماسمعنا أذان العشاء هذه المأكولات بينا وبينها إيه ؟ عمرنا ما أكلناها إلا والكل جاله كسل وملىء زيادة فى المعدة وزادت إنتفاخا عندما أردنا تخفيف حدتها بقليل من العصائر والماء المثلج طبعا بعد هذه الأكله وبعد هذه النومه الغير معتاده -- توزع كل منا لخلوته لمتابعة أخر الأخبار فكان من نصيبى برنامج إخبارى يتحدث عن حكم المحكمة الإدارية اليوم الخاص بتيران وصنافير استمعت للفقيه الذى تجده دائما فى مثل هذه المواقف (فرحات ) يؤكد أنه حكم نهائى وكل مالمذيع يقول هناك نقض لايرد فدخلت السيده تهانى تؤكد أنه ليس حكم نهائى ---- ثم السيد كبيش ثم السيد حامد الجمل ثم السيد جمال شقره ثم السيد جابر نصار استمعت لأراء كل هؤلاء فخرجت من أيديهم أسأل نفسى ---هو فيه إيه ؟ طب مين هيفهمنا طالما دول كل واحد منهم مكلبش فى رأيه ومثبت نفسه ؟ وكان الجواب السريع لنفسى --- العيب مش فيهم -- العيب فى المكرونة بالبيشاميل مالها صيتية البطاطس ومعاها حتتين لحمة منفصلين عن بعض وكل واحده فى حالها افصلوا الأكل عن بعضه وبلاش الأكل الطبقات المتلاحم والمتداخل بسبب وبدون سبب هى المعدة ناقصة؟؟؟؟؟؟؟؟؟؟؟؟؟!!!!!!!!!!! |
لقطة
المسلمون الأوائل حين نقلوا الإسلام من الجزيرة العربية إلى كل العالم نقلوا تعاليم الدين والتى أنزلت من رب العباد لتعيش فى كل أرجاء الدنيا وتتعايش مع طبيعة كل البلدان المسلمون الأن ينقلون تعاليم الدين ممزوجة بقيم وطبيعة البلدان التى انتقلوا منها فصار الصراع حول مواصفات الزى الإسلامى والذى يختلف الزى من بلد لأخرى وليس فى كيفية الاعتصام بحبل الله جميعا لمواجهة أعداء الأمة فظهر المتشددون فى الصغائر والذين أصبحوا مصدر رعب لبلدان الإسلام والمسلمين |
الحاجة المرة
الفقير قد تدفعه الحاجه لاستقبال بقايا أطعمة وملابس الأثرياء ولكنه أبدا لن يقبل أن يخطف أبناء الأثرياء طموحات وأحلام أولاد الفقراء المجتهدين والمتفوقين اللعب فى هذه المنطقة خطر وفعل غبى ودا أخرة الدروس الخصوصية اللى أكلت لحم المطحون والجامعات الخاصة اللى سرقت حلم الغلبان ربنا يهدينا جميعا لوجه الله والوطن |
رمضان كريم
مر رمضان هذا العام بسرعة فائقة وكأن رمضان بكل مافيه من سكينة وطمأنينة والخروج من إزعاجات الدنيا يأبى رمضان أن يشاركنا هذه الحياة المليئة بالتقلبات وفتاوى كل من كان الحمد لله على كل حال وكل عام وأنتم بخير |
اقتباس:
اقتباس:
اقتباس:
كلام متين من عقلية موزونة في الفكر والتفكير جزاكم الله خيراً أستاذنا الغالي أ/ رضا وكل عام وأنتم بخير |
اقتباس:
هذه شهادة أعتز بها وأقدرها جدا لأنها من أستاذ فاضل وعزيز جزاكم الله خيرا وكل عام وأنتم بخير وصحة وسعادة :078111rg3: |
مهما كانت حياتك قاسية، تعايش معها لا تلعنها أو تسبها فالأشياء لا تتغير، بل نحن من يتغير
|
ارتقِ بكلماتك.. ولا ترفع صوتك فالأمطار.. هي التي تُـنبتُ الزهورَ لا الرعد
|
"يعاتبونك على أبسط تصُرفاتك، أما على تصُرفاتهم لاعين تبصُر، ولا أذن تسمع، ولا ضمير يشعُر..!"
يكذبون يحاولون قهر ارادتك عن تصحيح الثانوية العامة اتحدث!!!!!!!!! |
اقتباس:
اقتباس:
اقتباس:
أن تصنع الخبر أو الحدث الطيب ويكون الناتج من عملك وجهدك لك ولغيرك خير من أن تقضى العمر معلقا أو محللا فتجنى ثمار عمل لم تشارك فيه إلا بالكلام الكلام الأن غال صحيح لكنه فى النهاية كلام والسلام شكرا جزيلا على مشاركتك جزاكم الله خيرا |
كلنا نستحق الصفر بجدارة
كنا طلبه وكنا عائدون بعد يوم دراسى طويل فتجمعنا سويا فى مقعد واحد بالقطار ولكن ظهر الشيخ الجليل محفظ القرأن فى كُتاب مر عليه معظم شباب القرية أجلسناه معنا ودار الحوار يمينا وشرقا وغربا حتى فاجأنا هذا الرجل الطيب وطلب من كل واحد فينا أن يكتب سورة الفاتحة تلفتنا حولنا فوجدنا الكتير من الناس الذين تكدس بهم القطار يتابعوننا فكتب كل منا السورة وأعطيناه لسيدنا (شيخنا الجليل ) فابتسم وقال -- كلكم صفر مع مرتبة الشرف ووضع خطا تحت خطأ كل منا مع تصويبه فمنا من كتب (إياكنا اعبد وإياكنا استعين ) ومنا من أضاف (أمين ) كأيه مكملة للسورة وذكر مالم ينسى أبدا ولن ننساه أبدا ( هاهو التعليم المبنى على الحفظ دون تكرار التذكرة بما حفظ ومادرس) من منا لايقرأ الفاتحة فى صلاته كل يوم أكثر من ثلاثين مرة بعضنا يقرأها حفظا وعند الكتابة يخطىء مع أن القراءة والكتابة أساس التعليم والتعلم من يومها وحين أستمع للقرأن وبدون دراية أجد نفسى أحاول كتابة بعض الأيات وأصححها لنفسى تفاديا لصدمات أخرى تشعرنى بالتقصير المميت اللهم تقبلنا برحمتك وعفوك يارحمن بِسْمِ اللَّهِ الرَّحْمَنِ الرَّحِيمِ (1) الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7) |
كل عام وحضرتك بخير استاذي وابي
كلنا نستحق الصفر بجداره مقصرين و حجتنا حاضره بشريتنا وانسانيتنا وابن ادم خطّاء ورب غفور وباب التوبه مفتوح والاماني والتمنيات ..مبرمجين فقط للحفظ والاستدعاء وقد تحفظ الداتا بطريقه خاطئه وتُؤّصل في ذواتنا ونفوسنا كما تلقيناها موقنين بصحتها بل وقداستها وقد نفاجأ يوما بان ما تعلمناه يحتاج للبحث والتمحيص والتدقيق والمراجعه وان القوالب الجامده التي نتجت عن الموضوع والمسيس والمشبوه وما اسيء فهمه قد شوهت نظم ودول وشعوبا وافرادا ..اين ذلك المعلم الذي يتم مهمته حتي النهايه اين ذلك المعلم بمعني الكلمه ليس تفضلا منه علي طلبته او استعراضا لمعلوماته بل حرصه علي تجنب زلل ابناءه ثم نفسه بالضروره ..قال لي معلمي ايضا ان للعين ذاكره وللاذن ذاكره وللقلم ذاكره وجب عليك ان تري وتقرأ بصوت عال ثم تكتب لان ايضا للورق ذاكره تحياتي لك استاذي وكل عام وحضراتكم بخير |
الله على هذا الرد العميق والشامل
وطالما هناك عقول تفكر خارج صندوق منتجات الماضى الجامدة والمجهده فدائما بأمر الله سيكون هناك أمل شكرا أستاذنا ومفكرنا البارع كل عام وأنتم بخير وجزاكم الله خيرا |
اقتباس:
ادعو لي بالله عليك |
إفراج مؤقت أم تأديب وتهذيب للناس
وما إن انتهى رمضان وفكت سلاسل وقيود الشياطين وعادوا لتمتلىء بهم التوك شو وصفحات كل الميادين وانعوجت كل أنوف وألسنة وأدمغة السادة المسئولين وعلا تانى صوت الترجى والتمنى م الغلابة والمساكين وصدر بيانهم ( عايزين نعيييييييييييييييييييش) ياريت كانت السنة كلها رمضان |
الفرق
الفرق بينى وبين أعضاء لجنة التعليم فى البرلمان فأنا مواطن طماع قوى وعينى بجحه قوى ومطالبى أكبر من حجمى فى نظرهم قوى فأنا عايز الدولة اللى أهلكتنى ومصمصت لحمى وجلدى وعظمى بالفقر والمرض أطالبها بأن تحمى طموحات إبنى المجتهد فى تعليمه - وتوفر له حماية ليحقق حلمه أطالبها بأن توفر له كلية يستحقها وكمان بالمجان -- شوفوا الطمع !!!!!!!! أما السادة النواب فكان كلامهم كالتالى البرلمان يقطع الطريق على جامعات "بيع الوهم" لطلبة الثانوية..مجلس النواب يفتح ملف تقنين أوضاع الجامعات الخاصة.. مقترح بإنشاء ملاحق بالكليات الحكومية بمقابل مادى.. وتشريع يمنع عمل الأستاذ الجامعى بالخاص http://www.youm7.com/story/2016/7/14...%D8%B3/2798936 هيستبدلوا الجامعات الخاصة بملحقات فى الجامعات الحكوميةمن أجل توفير دخل للدولة العيب مش فيهم طبعا العيب دايما فينا لأننا طماعين قوى مع أن الشعار اللى شغال دلوقتى وبيرددوه بعض المسئولين (إحمد ربنا إنك عايش ) |
| جميع الأوقات بتوقيت GMT +2. الساعة الآن 05:50 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.