|
هندسة الطيران
ماهى شروط القبول فى هندسة الطيران ؟ واين توجد؟
يعنى انا بعد ظهور نتيجة الثانوية العامة ازاى اوصل لهندسة طيران وهل لها تنسيق خاص زى البترول ولا هى قسم فى كلية الهندسة تنسقها عادى زى تنسيق الهندسة ،ولو هى قسم تنسقها كام بعد اعدادى هندسة ، وهل لها تكاليف خاصه؟؟؟؟؟؟؟؟؟؟؟؟؟ لوسمحتم حد يكون فى هندسة طيران او يعرف حد فى هندسة طيران يرد عليا |
أنا ولا فى هندسة طيران ولا أعرف حد فى هندسة طيران بس أنا بفكر أدخلها و جمعت كل البيانات عنها :
1-فى عندك 2 هندسة طيران فى مصر كلها هندسة القاهره و معهد أمبابه لهندسة الطيران 2- كل واحده فيهم حكوميه يعنى تبع التنسيق بس الفرق أن الأولى بتاخد مجموع هندسة و التانيه بتاخد حوالى 88 او 87 % فى الحدود دى يعنى 3- القاهره مجانيه و أمبابه بحوالى 11 ألف جنيه فى السنه 4- أمبابه أحسن من القاهره لأن فى دورة أسمها بيزك ب 30 ألف جنية بتاهدها مجانا فى أمبابا و مش بتاخدها فى القاهره 5-عنك 4 أقسام فى أمبابا: ا-ميكانيكا طيران ب- أتصالاات طيران ج- ميكانيكا باور د- معمارى طيران ه- مدنى طيران 6- الأقسام بتحدد حسب تقديرك فى أعدادى طيران ( طبعا أنا بتكلم كل ده على أمبابه مش القاهره) 7-دراستها صعبه شويه يعنى لازم تذاكر اليوم بيومه 8-قسم ميكانيكا باور أحسن قسم لأنك ممكن تشتغل فى مصنع أو المطار فى محركات الطيارات أو فى البترول 9-فى دوره بتاخدها بعد كده أنا مش فاكر أسمه بصراحه بس مهمه عشان الشغل 10- طبعا لازم كورسات أنجليش و icdl عشان الشغل 11-بس أمبابه فى مشكله الدراسه طوال الخمس سنين تقريبا مفيش راحه عشان كورس البيزك بتاخده فى الأجازه و مفيش مجال للراحه ( أنا بصراحه مش متأكد من نقطه)11 دى كل المعلومات اللى عندى واللى قدرت أجمعها من النت وأنا فى الخدمه أخوك أحمد عادل |
يعني اللي بيطلعوا من القاهرة مش بيشتغلوا ولا ايه ؟
|
لأ بيشتغلوا بس هيتعبوا عشان المفروض باخدو كورس البيزك و كده
لكن أمبابه بتديه أثناء الدراسه |
انا في اولي طيران القاهرة علي فكرة و داخل تانية بأذن الله السنة الجية
طبعاً خريج القاهرة مش بيتساوي بخريج امبابة , لكن فعلاً احنا مش بناخد البيزك بس لو حسبتها بالورقة و القلم و 55 ألف جنيه تمن دراستك في امبابة لكن في القاهرة تمن الكورس اللي في الآخر "البيزك" اللي هوا 30 الف .. و عموماً معظم دكاترتنا بيروحلولهم هناك .. بس معلش انا عشان مكنش بضحك عليك .. الدراسة عندنا صعبة .. او بمعني اصح هيا مش سهلة عاوزة واحد مصحصح يعني .. و للأسف عندنا ناس كتير بتسقط مش هقولك بقي شغل تزاكر اليوم بيومه و كدا لكن عالأقل تكون متابع و عارف ايه اللي بيحصل و يكون عندك صبر تقلب و تقرا في مراجع و كتب اد القاموس "من سنة اولي" .. و عموماً رأيي المتواضع لو جبت ممجموع هندسة القاهرة ادخلها و جواها في خلال سنة اعدادي حدد بقي انت ميولك ايه و ايه القسم اللي هتقدر تأدي فيه لكن متتسرعش من دلوقتي .. لأن لما تشوف الموضوع عن قرب ممكن ميولك تتغير و انا كنت داخل هندسة مش في دماغي طيران اصلاً .. بس عشان لقيت نفسي كويس في كذا حاجة "زي الميكانيكا" حسيت اني هقدر انفع فيها يعني و دخلت دماغي اوي .. و ربنا يوفقك ان شاء الله ... |
شكرا خالص ياجماعة على المعلمات دى
ودى الايميل بتاعى bolesshokralla*********** لوتسمح يابش مهندسWWE_CENAA2 تكلمنى على علشان عوز استفسر منك اكتر عن هندسة القاهرة |
bolesshokralla***********
|
الايميل على الياهووووووو
|
كنت لو سمت عاويز اسأل : هندسة طيرن جامعة القاهرة دى بخوش هندسة العادية وبعدين اخوشها ولا بكتت فى التنسيق هندسة طيران جامعة القاهرة ؟ وهل الشغل بعد كده كويس بعد الكورس ولا لأ وممكن اشتغل فى دولة عربية ولا مصر بس ؟؟ ارجو الاجابة فى اسرع وقتزز شكرا
|
البزك الى فى امبابة اتلغت
|
WWE_CENAA2 ] لــــــــــو سمــحت يـا بـاشا انا عأأأأأأأأيز اســالك ف حاجات كتير اووووووووى ممكن بس تكتب اميلك او ده اميلى abosalah_over1 ياهو بس ضرررورى اوى يا بشمنهدس :)
|
انا كمان كنت حيران ف الحكاية بس انا كده خلاص قررت انا داخل هندسة القاهرة
|
هندسة القاهرة ان شاء الله
|
ازاى ادخلها وانا من المنوفيه نا جايب 401
|
يا جماعه ارجوكم عندي سئوال و ارجو من ي حد من هندسة طيران امبابه يرد عليا >>> هل كورس البيزك اتلغى نهائيا على طلبة هندسة امبابه بعد ما كان مجانا و لا ايه عشان انا مقدم في المعهد .. و سئوال تاني و اسف للاطاله ايه رينج مجموع المعهد انا مجموعي 92.5% ينفع ؟؟ .. ارجو الرد و ياريت اي حد عنده معلومات اكيده بخصوص لموضوع ده ما يبخلش بيها .. و شكرا لسعة صدركم
|
| جميع الأوقات بتوقيت GMT +2. الساعة الآن 11:48 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.