رجاء الرد سريعا
 

انا مدرسة فصل وسوف احول مكتبات
والمدرسة عندنا لسه جديدة والمكتبه جديده لسه الاساس بتعها مجاش اصلا
انا كنت عايزه اعرف لو سمحتوا
ايه المطلوب اعمله فى البدايه كده وخصوصا ان المكتبه لسه جديده
وجزاكم الله خيرا

بسم الله الرحمن الرحيم

قبل الأجابة على استفساراتك ياريت أعرف بس شوية استفسارات تساعدنى على الاجابة على استفساراتك

هل أساس المكتبة بس هو ال مجاش ولا أيضاً كتب المكتبة لسه مجاتش ؟

عموما

بداية العمل بالمكتبة

1 - أولاً تعدى جدول لحصة المكتبة مبنى على الجدول الرئيسى للمدرسة وتمضى المدرسين عليه علشان يبقو عارفين حصصهم أيمته ؟ ( بمعدل حصة للفصل )

2 - تعدى سجلات المكتبة اللازمة ودى قسمين

القسم الأول : السجلات الاساسية وهى

1 - سجل يومية المكتبة ( قيد الكتب ) : ودا بيتسجل فيه كتب المكتبة فقط بعد تصنيفها وبيبدأ السجل بالرقم 1 كرقم عام

2 - سجل استعارات المدرسين

3 - سجل قيد الوسائل التعليمية

4 - سجل قيد الدوريات

5 - سجل احصاء النشاط الثقافى للمكتبة

6 - سجل المترددين

ثانيا ك السجلات الفرعية

1 - سجل جماعة أصدقاء المكتبة

2 - سجل لجنة المكتبة

3 - سجل اذاعة المكتبة

4 - سجل المحاضرات

5- سجل الندوات

6 - سجل المناظرات

7 - سجل التربية المكتبية ( تحضير منهج المهارات المكتبية )

==========================

بعد كدا بتعملى خطة نشاط ثقافى شهرى للمكتبة

==========================

عموما تابعى معانا فى القسم وبأذن الله تعالى أدلك تعملى أيه خطوة بخطوة

تحت أمرك فى أى استفسار وربنا يوفقك بأذن الله تعالى

ألف ألف شكر على الرد الرائع
وجزاك الله كل شىء
على فكره المكتبه لسه مش شغاله ولا اساس ولا كتب بس عدد بسيط من الكتب
بس انا حبيت اعرف قبل ما احول عشان اعرف وعشان انا بحب اكون على درايه
بمعنى اصح عايزه اعرف هكون على قدر المسئولية ام لا
بجد متشكره جدا على الاهتمام

اولا جمعة مباركة عليك

وثانيا : ربنا يوفقك فى عملك وتحت أمرك فى أى استفسارات تانية

بالتوفيق ان شاء الله

والله الموضوع دا ما أقدرش أجزم لك فيه بالتحديد انما المكتبات على مستوى الجمهورية فى عجز شديد جدا فى الأخصائيين .

بالمناسبة انا الموجهة بتاعتى اساسا معاها ليسانس آداب لغات شرقية يعنى مش متخصصة لكن دى دفعات قديمة مكنش وقتها فيه شرط التخصص .

عموما لو لكى رغبة فى التحويل للمكتبات تعملى دا

1 - تروحى التوجيه العام فى المديرية وتسألى الموجه العام لأنه غالبا معاها آخر الأخبار لأتصاله مباشرة بالإدارة العامة للمكتبات فى الوزارة .

2 - أو تتوجهى مباشرة للسؤال فى الادارة العامة للمكتبات بالوزارة فى العنوان دا

الإدارة العامة للمكتبات - 12 ش الفلكي – ديوان عام وزارة التربية والتعليم – القاهرة

3 - أو تتصلى بالأدارة العامة للمكتبات فى الوزارة من خلال رقم تليفون الادارة على الرابط دا ( ودا أسلم حل لأنهم ها يفيدوكى جدا بخصوص مسألة التحويل دى )

http://portal.moe.gov.eg/AboutMinist...Contactus.aspx

فى حالة الموافقة على التحويل بتعملى الاجراءات الادارية اللازمة ودى بأذن الله ها اقولك عليها بعد ما تستفسرى .

وتحت أمرك فى أى استفسار تانى