|
ادخل وهتعرف ازاى تذاكر
بسم الله الرحمن الرحيم
انا طالب فى تالتة ثانوى احب اقدم لكم نبذة بسيطة عن كيفية الاستذكار بصورة جيدة لنصل الى التفوق الباهر باذن الله اولا اللغة العربية 1** الاستذكار من كتاب الوزارة فقط (لشروحه وتعليقاته التى لا يخرج عنها الامتحان وامتحان العام الماضى وهذا العام خير دليل) 2**تسالنى وتقولى (كتاب الوزارة ولا فيه معانى المفردات ولا فيه اسئلة تغطى كل المنهج ) الرد (يكون معاك كتاب الاضواء_قديم_طبعا مش هنذاكر منه (ده هناخد منه جميع المفردات والصور البلاغية اما الاسئلة (يكون معاك كتاب الامتحان ) وتجاوب على اسئلته وبرضه اكرر الامتحان لا يطلب منك صورة بلاغية او شرح او اى سؤال الا وكان موجود فى كتاب الوزارة ولكن من باب الاحتراس التوقيع (فلانتينو البوابة) |
ثانيا اللغة الانجليزية
1** طبعا هنذاكر من الملزمة اللى ماشين بيها مع الاستاذ ولكن احبذ الكتب الخارجية (كتاب top student وكمان the best ) دول افضل كتابين فى الانجليزى وذلك لارتباط الكتب الخارجية بكتاب الوزارة لانة بيجيب reading ويشرحلك بطريقة جذابة نصيحة اخوية احبذ يكون معاك كشكول كبير تكتب فيه كل المفردات الجديدة والمهمة(( وخصوصا المتعلقة بالوطن والانتاج والاقتصاد الخ)) خليك فاكر ان الانجليزى مادة بحرها واسع لما تلم تلك المعانى والمفردات هتلقاها بعدين وترتاح وتريح نفسك ايضا يكون معاك كشكول كبير لكتابة كل البراجرافات المتعلقة بالدروس (كمثال درس اليوم د_مجدى يعقوب يعنى تكلم عن شخصية مثالية) ملحوظة العام الماضى كانت حالة نادرة بالنسبة للبرجراف لانه دايما يجيب براجراف متعلق بدروس المنهج لذلك انصح بالكتب الخارجية لانها بتجيبلك reading وكمان listening اللى هيساعدوك تكتب اى براجراف وكذلك الكلمات الجديدة اللى بتوظفها مع reading و listening التوقيع (فلانتينو البوابة) |
ثالثا الفيزياء
1*** طبعا هنذاكر من كتاب الوزارة 2*** والمسائل نحلها من كتاب الامتحان (الافضل على الاطلاق) طيب نحلها ازاى (تكون جايب دستة ورق تصوير وتكعبه وتعمله على هيئة مذكرة وتكتب فيها السؤال اللى فى الكتاب واجابته النموذجية طبعا وبكده ضربت عصفورين بحجر 1(منها بتحل وتذاكر )2(وكمان مش هتتعب فى المراجعة وتوفر الوقت والجهد لمواد تانية انا عملت كده فى سنة تانية فى الرياضة وكنت جاهز احل اصعب المسائل لانى كنت بجمع فى المذكرة اسئلة (لامى والمعاصر والماهر كمان) التوقيع (فلانتينو البوابة ) |
رابعا علم النفس وده اللى انا اخدته
1*** هنذاكر من كتاب الوزارة 2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته والملخص اللى نحل منه هو كتاب الامتحان طبعا دى فكرة جميلة جدا بالنسبة للمواد الادبية اللى لازم تذاكر بالكتابة لسهوله حفظها التوقيع (فلانتينو البوابة) |
خامسا الاحياء
1*** هنذاكر من كتاب الوزارة 2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته والملخص اللى نحل منه هو كتاب الامتحان طبعا الاختيارى نحله فى نفس الملخص اما الشروحات وكمان الرسومات الافضل نكتبها بنفسينا علشان المذاكرة الشفوية بتضيع حاجات كتير من ذاكرتك وكمان تتدرب على حل الامتحان من اول يوم فى السنة واحلى طريقة لجعل المادة سهلة مبسطة هى طريقة السؤال والجواب ده بعد المذاكرة المتقنة طبعا اما رياضيات 2 فنفس الكلام اللى قولته فى الفيزياء يطبق فى رياضيات 2 وطبعا باحترم كل واحد وكل واحد له طريقة معينة فى الاستذكار التوقيع (فلانتينو البوابة) |
اثبت وجودك ولا تشاهد وترحل
|
رائـــــــــــع جدااااااا
ربنا يوفقنا كلنا السنة دى يا رب ويا ريت كلنا السنة دى من اول يوم فى السنة نكون ايد واحدة ع الموقع ونساعد بعض زى ما كنا فى الايام الاخيرة فى قسم الكيمـيــــاء بجد كان فى تعاون ومنافسة جامدة اووى اتمنى دا يكون موجود فى كل الاقسام وكلو يكون عندو همــة من اول السنة .... الشيمـــــاء |
شكرا لمرورك ويا ريت تفيدينا فيما بعد
|
يا جماعه انا جبت السنه دى 97.5 % ممكن اجيب طب اعام القادم ولا احسن احول علمى رياضه
|
اقتباس:
غير كدة رياضة احسن |
جميلة جدا جدا ما شاء الله
ان شاء الله تكون سنة حلوة علينا يااااااااااارب انا الحمد لله جبت 98.3 ومحتارة بين علمي علوم ورياضة وانا بحب العلمي علوم اكتر بس خايفة من المجاميع |
شكراً ليكم على تفاعلكم
وربنا يكرمكم السنة دي |
اقتباس:
ادخلي الحاجة إللي أنتي بتحبيها:) ومش هتندمي إن شاء الله |
اقتباس:
موضوع الحل فى ورق دا مفيد جدا..أنا اكتشفت كدا فى امتحانات تانية السنة دى..جيت اراجع المسائل بس ملقتش الحل...عشان مكنتش بحل فى ورق..أو بحل فى ورق واضيعه..كان متعب أوى انك تقعد تحل المسائل من أول وجديد وبيبقى مربك يوم الامتحان لو اتلخبط فى مسألة بس سؤال بقى كنت بتكتب كل المسائل ولا المسائل المهمة بس؟؟ وأحيانا بيبقى فى أفكار مكررة..يعنى أنا لما بلاقى أفكار مكررة بحلها شفوى ..وببقى عارفة انها زى اللى قبلها مثلا؟؟..ولا مهم انى يكون معايا كل المسائل؟؟!! جزاك الله خيرا :) |
بجد افادنى كتير
جزاااك الله خير الجزااااء |
| جميع الأوقات بتوقيت GMT +2. الساعة الآن 06:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.