|
هام .. بخصوص يوم الامتحان
بص يا عم روح الامتحان بدري شوية .. وحاول متقولش لحد هتخرج امتى .. عشان متمشوش سوا وتوتروا بعض .. واكيد هتقولوا انا خايف من الفصل ده ومش مرتاح من الصفحة دي والكلام ده .. لازم تروح لوحدك ..
وانتا رايح متخدش حاجة في ايدك .. مفرقتس الخمس دقايق دي .. وخد حاجتك في ايدك كدا كانك ملك .. وامضغ لبان علشان التوتر يقل .. واكيد هتلاقي ناس اول متتوزع الورقة يقول حليت الفقرة الفلانية وجبت الفقرة العلانية .. ملكش دعوه .. نفسي نفسي .. امسك الورقة واتوكل على الله وحل .. والسؤال اللي يقف اركنه .. واتجنب الشخبطة الكتيرة علشان متدخلش لجنة خاصة .. ويا ويلك ويا سواد ليلك لو دخلت الخاصة دي هتتصحح حرف حرف .. يبقى تستهدا بالله كدا وتهدى .. واقرا السؤال كامل بجميع فقراته وابدأ بعد كده حل .. في اخر ربع ساعة راجع على حلك .. وسلم الورقة واحمد ربنا .. واطلع برا اللجنة وامشي مع زمايلك واتكلموا في حاجة غير الامتحان .. ومتراجعوش علشان متحبطهمش او يحبطوك .. ومتروحش عند المدرس تراجع .. لانو ممكن يحطمك وتكن حالل صح .. وبعد ممشيت مع اصحابك روح صلي ركعتين شكر سواء حليت او محلتش .. وادعي ربنا يوفقك في باقي المواد .. ونام شوية واجهز للمادة اللي بعدها .. |
كلام عنب بجد
تسلم ايدك وفعلا اهم حاجة الناس اللى بتوتر غيرها دى عالم زبالة اوى |
جزاكـ الله كل خير .. استفدت فعلاا وان شاء الله هعمل كده :) .. |
صح كلامك جه فى الصميم
|
كويس كويس نفسى الموضوع دا يتثبت عشان امتحناتنا كمان
يريت حضرتك تنزل مواضيع كدا علطول جزاك الله خيرا |
اقتباس:
|
ليلة الامتحان
بص ليلة الامتحان دي ليلة الماتش .. يعني مينفعش تتدرب تاني .. انتا تروح للكابتن يقولك الحاجات اللي هتخلي بالك منها .. ويقولك على الضربة القاضية اللي هتموت الخصم .. يعني قصدي لو كنت هتروح للمدرس مش هيشرحلك ده هيقولك على الحاجات المهمة .. واللي لازم تركز عليها .. ومتزاكرش في الليلة دي من فضلك .. انتا روحت الدرس والمدرس قالك الحاجات المهمة .. روح البيت جهز لبسك وادواتك .. وروح صلي الشفع والوتر وادي ربنا يوفقك واقرا شوية قران .. وقول لابوك وامك يدعولك .. وروح على سريرك ونام على السنة وقوم على الفجر .. اقرا قران واتوكل على الله وادعي ربنا كتيير واتوكل على الله وروح امتحانك
|
انا ماما بتقولى حلى امتحانات في السنين اللى فاتت بس انا اصلا مكنش مذاكرة فبذاكر
المهم السنة دى غير اى سنة طبعا بس يعنى مش مفروض احل اللى هيا حاجات ليلة الامتحان اللى بتنزل دى |
اقتباس:
حسب مقدرتك .. لو لقيتي انك هتقدري .. حلي .. لكن صدقيني .. كل الطلبة بيجي في اليوم ده بيكون وصل لدرجة التشبع .. وعايز الامتحان ييجي باي طريقة .. وهتشوفي نفسك كده اخر السنة |
شكرا على موضوعك بجد استفدت منه جامد
|
موضوع رائع
فعلاً أكتر حاجه بتوتر الاصحاب انت بتبقي قلقان لوحدك اصلاً تقوم تشيل قلقك وقلق صحابك كمان ربنا يوفقنا كلنا ويبعد عننا التوتر والقلق جزاكمـ الله خيراً في إنتظار المزيد |
موضوع جميل بس لازم اراجع ليلة الامتحان شويه واركز على النقاط المهمة اللى انا مسجلاة فى ورقى الخاص
بس والله كلامك جميل |
موضوع جميل اوي
الله يبارك فيك ميرسي |
اقتباس:
|
والله حضرتك بترفع معنويآت الواحد جامد ونصايح حضرتك رائعه جدا ربنا يجازيك خير .. :)
|
| جميع الأوقات بتوقيت GMT +2. الساعة الآن 10:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.