جدول مذاكرة لطالب تالتة ثانوى
 

انا طالب تالتة ثانوى وعايز اعمل جدول مذاكرة للفترة دى . انا عملت بس الجدول فشل ممكن حد يقولى اقتراح جدول وازاى اعملة

أنا سمعت إن عشان تدخل الإمتحان وأنت مطمن لازم تذاكر المنهج >> سبع مرات <<
أنا معاك سبع مرات كتير (((بس ده كلام المدرسين اللى حريصين على مستقبلك)))
وكمان أعتقد ف كتاب علم النفس بيقول حاجة زى كده

بص احنا فاضل بالضبط 3 شهور ع الامتحانات
يعنى فاضل 12 أسبوع
نطير اسبوعين ....أسبوع للعربى وأسبوع لو حصل أى ظروف تعبت ، سافرت ،أى حاجة أوووكى
يتبقى 10 أسابيع ...تمام ؟؟
أولا :((هنقسم المواد)).....
هنقسم المواد إلى جزأين
1- مواد نتسلى فيها زى (((الرياضة -الانجليزى والاحصاء)))
وده وقت ما تحب وانت بتتفرج ع التليفزيون ،قاعد مع الاسرة يعنى فى أى وقت واى مكان

2- مواد عايزة مذاكرة وهى (((عربى - فيزياء - اقتصاد أو علم النفس ))

ثانيا خطوة الجدول
احنا قولنا فاضل 10 أسابيع
هناخد الاسبوع فى مادتين من المواد اللى عايزة مذاكرة ((عربى - فيزياء - اقتصاد أو علم النفس ))
أوكى وطبعا (((الرياضة -الانجليزى والاحصاء))) فى أى وقت ناخد واحدة منهم و نذاكرها

فكره حلوه اوى يا هدير انا معاكى فيها

أنا عن نفسى هبتدى أشتغل فى الجدول ده من النهاردة
احنا اتفقنا ان فاضل 10 أسابيع أوكى
هناخد أول 3 أسابيع مذاكرة لأول مرة يعنى ...

الأسبوع الأول :- فيزياء + احصاء
الأسبوع التانى :- اقتصاد + انجليزى
الأسبوع التالت :- عربى +مراجعة فيزياء
### الرياضة يوميا حل تمارين
بكده أول 3 أسابيع ذاكرنا المنهج
بعد كده يتبقى 7 أسابيع نراجع المناهج أسبوعيا...ماهو هيبقى سهل المذاكرة
يعنى نراجع ع الدرس مراجعة صغنونة وبعدين نحل فى كتب المراجعه
وبكده نكون ذاكرنا المنهج أكتر من 7 مراات
##ملحوظة أنا هبتدى أعمل كده من دلوقتى

ياريت أكون أفدت حضرتك وما أكونش صدعتك بكلامى الكتير

الحمد لله أنها عجبت حضرتك
طب يالا مستنى إيه ابتدى نفذ فيها الوقت بيضيع مننا

فكرة جميلة يا هدير ^_^ ...

بارك الله فيكي ..

بس انا بما أنى أدبي .. فعملت جدول تاني هو غير طريقتك اه

بس كويس و ان شاء الله من النهاردة هبدأ أنفذه بس يارب أمشي عليه ..

بس جدولك جميل جدا ..

ربنا يوفقك و يوفقنا ..

^_^

أشكرك يا محمد على كلامك الطيب ده
بما إنك عملت جدول تبقى انت مقتنع بيه يبقى لازم تمشى عليه
ما تقولش يارب أمشى عليه
قول بإذن الله أنا همشى عليه وهنفذه كل حاجة فيه

يااااااااااارب و الله يا هدير ...

أحسن الواحد مزنوق اوي و الله و لازم يمشي عليه بالحرف :d

ربنا معانا يامحمد
أنا لعبت كتير السنة دى عايزة ربنا يكرمنى الكام اسبوع الباقين دول
أصل بابا ومامتى مستحلفنلى السنة دى
بس الواحد عايز تشجيع

شكرا جدا يا هدير على الاهتمام بالموضوع . وعلى فكرة مش انا الى عجبتنى الفكرة دا واحد تانى مش الى كتب الموضوع اوك .كلامك جميل بس انتى قلتى ان كل مادتين فى اسبوع معنى كدة ان انا لما ابدا عربى مش هكون ذكرتة من 14 يوم وكل مادتين مع بعض هيكونو كدة يعنى انا هذاكر فيزياء طوال اسبوعين ومش هفتحهم الابعد 14 يوم تانى اعتقد ان هتبقا صعبة وخاصا ان فى مواعيد دروس والتزامات كتير

انا منتظر ردك

مش معنى إنى أقول نذاكر أى مادتين فى الاسبوع أن احنا هنهمل المواد التانيه...لألأ خالص
فمثلا لما قبل ما تروح أى درس معين بنص ساعة أو ساعة أراجع ع اللى المستر قايل عليه بحيث إنى أبقى قاعدة فى الدرس مستوعبة اللى بيحصل

اه طبعا ما انا فاهم بس اية المشكلة لو اذاكر المواد كلها مع بعض يعنى قصدى مش مادتين مادتين ? وانا بصراحة كنت كاتب الموضوع وعايز اقتراح لكيفية عمل جدول شامل للفترة دى . لو حضرتك مش عندك مانع رسلينى على اميلى على الياهو
moustafa_sayed2009***********
منتظر ردك

انا تحت أمرك فى أى حاجة تتطلبها
اللى حضرتك عايزة إن شاء الله هنحاول نعمله
بس ف الموقع هنا مش من ع الميل
أووووووووووووووووووووووووووووووووك

مفيش مشكلة بس الكلام على الميل هيكون اسرع واسهل من الموقع هنا . وعلى العموم انا كنت عايز تصميم للجدول ويكون جدول شامل علشان انا كدة طلبت الميل بس انتى رفضتى وعلى العموم شكرا على اهتمامك بالوموضوع . بس يا ريت تردى على بالنسبة للتصميم وارجو ان انتى تفكرى فى موضوع الميل تانى لانة هيسهل علينا كتير