|
المسلســل الكوميــدى (( يوميـــات دحـــرور )) ......... الحلقـــة الثانيــــة !!!!!!!
السلام عليكم .... اليكم الحلقة الثانية من مسلسل (( يوميات دحرور )) :022yb4::022yb4::022yb4::022yb4::022yb4: ************************************************** ************** نزل دحرور يجيب العيش ... خرج دحرور من باب العمارة ..و فجأة .. (( تــــــــــششششششش )) .. لقى جردل مية أندلق عليه .. دحرور : هى ناقصاكم ع الصبح يا – -----الام مقاطعة نعمات : بس يا منيّل ده أنا .. أطلع أطلع يا موكوس ... دحرور فى سره (( هى ناقصة .. صحيان بدرى ومية ساقعة ع الصبح ... أنتحر يعنى ؟؟ )) دحرور :أفتحوا الباب ... حرام عليكو والله ... انا أنسان برضه .. ايه اللى بتعملوه فيا ده ؟. ده انا لو موبايل نوكيا .. مش هيحصل فيا كده ... نعمات : مين اللى ع الباب ؟؟ دحرور : يعنى هايكون مين ؟؟ .... أفتحى مانتى لسه مغرقانى !! نعمات : آآه صحيح ... معلش العتب ع النظر ... وانت يا منيل مقدرش تستنى لما أرمى المية الاول بعدين تعدى ... دحرور : بصى .؟؟ والله مش ناقصة خالص ... هو انا هعرف منين يعنى انك هاترمى مية ؟؟ نعمات: ( بصوت رهيف ) مش أنا أمك يا واد ؟؟ ... أكيد لازم تحس بيا وباللى هعمله .. ولا انت مش أبنى ..* موسيقى تصويرية (( مين اللى قدامى ده واحد معرفوش .. مبقتش أخاف عليه أسيبه أو أجرحه ..آآآآه ...)) دحرور : طيب يا ستى .. أنا آسف .. هحس على دمى المرة الجاية .. هقف كتير كده ؟؟ هاخد برد !! ممدوح : (( جاى من جوة )) ايه يا واد اللى عمل فيك كده ؟؟ دحرور :مامـــا يا عم ... دلقت عليا مية من فوق .. ممدوح : يافرحة أمك بيك .. وانت ياواد معرفتش تاخد بالك ولا تجرى كده ولا كده ؟؟ دحرور : يا بابا هو انت فاكرنى أحمد السقا ؟؟... بقولك انا يادوبك لسه هعدى ولقيت المية فوقيا .. ممدوح : خلاص ياد انت هترغى كتير ليه ؟؟ ... جبت العيش ولا لا ؟؟ دحرور : يااااااااااارب أرحمنى .. يا بابا انا بقولك لسه أصلا مخرجتش من العمارة ولقيت نفسى أتغرقت .. يعنى هاجيب العيش أزاى ؟؟ دحرور فى سره (( باين كده يا دوحة ان الصيام أثر عليك )) ممدوح : خلاص ياد انت روح غير بسرعة و أجرى هات العيش ... دحرور ببرطمة (( والله حرام اللى بيعملوه فيا ده .. هو انا عشان أكبر واحد يعنى ؟؟ )) (( دحرور غيّر هدومه و لبس هدوم تانية خالص و نزل يجيب عيش )) قدام المخبز (( طابور طوييييييييييييييييييييييل أوى والشمس أهى طلعت )) دحرور : ايه بقى الغتاتة دى ؟؟ .. هى ناقصة ع الصبح ؟؟ .. انا عاوز أنام ومش ليا دماع للوقفة الطويلة دى .. وقف دحرور وراح لثانى راجل فى الطابور .. دحرور : ممكن يا عم الحاج آخد مكانك لانى مشغول جدا و مش فاضى أقف ..؟ الحــاج : ياعم روح هى ناقصاك .. ماخنا كلنا ورانا مصالح .. يلا ياد أجرى .. يلا ياد دحرور : خلاص ماتزعقش .. وانت أصلا قربت تودّع .. وفاضلك كحتين و تفــة .. الحــاج : باين عليك واد لمضى ومش محترم .. . (( بصوت عالى )) يا رجالة .. الواد ده بيتهجم عليا و بيغلط فيا وانا راجل كبير ومش قادر عليه .. (( وعينك ماتشوف الا النـــــــور ....... طاخ .. طراخ .. بوووم .. طاخ .. بوووم ..)) دحرور خد علقة أنما أيه ... ووقع فى الشارع و كان هيغمى عليه م الشمس الكاميرا على دحرور وهو مرمى فى الشارع ...(( أنا مش عارفنى ... انا تهت منى .. أنا مش أنا ...)) على طول راجل طيب كلم الاسعاف ... واوى .. واوى .. واوى ... عربية الاسعاف أخدت دحرور ... و جت عربية الشرطة علشان تحقق فى اللى حصل .. وراحت ورا عربية الاسعاف ... ************************************** كده خلصت الحلقة التانية .. انتظروا الحلقة التالتة ... والله هاتعجبكم بجد ... نشوف بقى دحرور حصله ايه .. وهيحققوا معاه ازاى ... ورد فعل أبوه ... كل ده فى الحلقة التالتة ..... انتظرونا ..:av4056bb7jp3::av4056bb7jp3: ************************************* |
ههههههههههههههههه
يخرب عقلك يامحمد انت فنان بجد يابنى والله ومبدع فى كل حاجة فى انتظارك ياباشا |
...(( أنا مش عارفنى ... انا تهت منى .. أنا مش أنا ...))هههههههههههههه والله تموت من الضحك وان شاء الله الحلقة الجاية تكون احسن
|
جامدة اوى الموسيقى التصويرية دى
هههههههههههههههههههههه لا انت خيالك ومزاجك عالى اوى |
تماااااااااااااااااااام كده
جميله جداااااااا ويستحمل دايما كده الكبيررررررررر مظلوووووووووووووم وسلالالالالامى لدحرور |
اقتباس:
ربنا يخليك يا شريف ... والله ده من ذوقك ... وان شاء الله الجاى أحسن .. اقتباس:
اقتباس:
اقتباس:
ههههههههههههههه |
|
|
ههههههههههههه.. شكرا يا سمر على مرورك
وهو جميل جدا ودمه خفيف أوى .. وان شاء الله انتظريه فى حلقات أجمل .. وفي حلقة مفاجأة هاتيجى |
هههههههههههه
تحفة بجد والله تسلم ايدك |
الحلقة جميلة يامحمد
اسفة مخدتش بالى انها نزلت وان شاء الله الحلقة الجاية اجمد |
هههههههههههههههههههههههههههههههههههه
جميله خالص منتظرين اللى بعدها متتاخرش علينا |
حلوة الحلقة دي
احسن من اللي قبلها و كمان فيها احداث اكتر استمر عايزين نشوف الحلقة التالتة احسن من اللي قبلها |
ههههههه ......جامدة اوى اوى ......الحلقة
ربنا يخليك .....وتضحكنا هههههههههههههه وجميل الحوار ,,,,,,,,,والافيهات ..........شكرا يا حلمى |
اقتباس:
اقتباس:
اقتباس:
اقتباس:
اقتباس:
ميرسى يا أسراء ويارب تكون حلقة حلوة ... وانتظروا الحلقة التالتة :022yb4::022yb4: |
| جميع الأوقات بتوقيت GMT +2. الساعة الآن 12:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.