رد الاستفسارات
 

بصوا انا روحت مكتب التنسيق و سألت كتير لغاية ما عرفت
أولا \ التحويل و تقليل الاغتراب هيستمربعد نتيجة المرحلة لأول 3 أيام يعنىاظبط هيدأ الثلاثاء او اربعاء
ثانيا \ بخصوص الاختبارات هتفتح تانى يوم الاثنين 5/8 و أظن انه هيستمر اسبوع
ثالثا \ للتقديم للكليات هيبدأ يوم 15/8 الجاى
و الاوراق المطلوبة ... شهادة الثانوية العامه ..بطاقة الترشيح ... و استمارة 2 جند للذكور (ده بتطلعاه من مكتب تجنيد بس يبقى معاك البطاقة علشان ما بتطلعش من غيرها و ده بـــ نص جنيه) ..و صورة من بطاقة و أظن شهاده الميلاد كمان ..
بــــ صراحه معلوماتى مش كتير بس ده اللى انا استفسرت عنه بالعافية و الله علشان الزحمه و القلق اللى ف المنصورة و مكتب التنسيق
و باذن الله التوفيق للجميع و كلنا ندخل اللى بنتمناه ...
و أى استفسار ابقوا اسألوا ف التعليقات و باذن الله هسألكم و أرد عليكم

كلامك دا صح :)

لأ ف كل الجامعات...
انت بتروحى مكتب التنسيق بتدفعى 35 ج و يبقى معاكى رقم الجلوس الأصلى (بتاع سنه تانيه )
و البطاقة و طبعا يبقى معاكى 4 صور من كل منهم علشان متلفيش زى ملففونى :d
هيخدوا منك صورة واحده بس و الباقى الكليه هتأخدهم
و متنسيش 5 صور شخصية واحده هيخدوها منك ف التسيق علشان الاستماره الاختبارات
و الباقى ف الكليه ...:blush:
و هيدوكى كتاب كده بيقولك ده دليل اختبارات ملوش اى لزمة:excl:
و الكليه هتأخد منك 125ج و هيدوكى 4 ورقات كده هتمليهم و هتكتبى رغباتك ..مثلا (ارشاد او دراسات او فنادق)
و بعد كدا هتدخلى الاختبارات سهله جداا اعتبريها قاعده مع صحابك ع فكره ده اللى محببنى ف الكلية
كنت قاعد أهزر مع المعيده اللى كانت بتختبرنى و اللى كان بيختبرنى انجليزى كان محترم أوووووى كنت أصلا برد عليه عربى:022yb4:
المهم الاختبار الاخير ده برده مكنش صعب زى ما بيقولوا ...
و النتيجة ظهرت بعدها بـــ ساعه و قبلت
المهم يعنى ما تخفيش و خدى الموضوع عادى....
و رربنا يوفقك ان شاء الله

ده و جالك هيبقى كويس اوووى
يعنى رئيس الوزراء طبعا الببلاوى وزير السياحه هشام زعزوع اليوم العالمى 27/9
وفيه مواضيع علشان عملات البلاد و العواصم و كدا هتلاقيها مثبته ف المنتدى
و كمان التعريف بالانجلش ده سهل ... بس أنا كان مودى حلو و مكتش عايز الكليه أصلا علشان كدا كنت تقريبا رايح أهزر.....بخصوص انك عايزه تدخلى قسم ايه قوليلهم عايز دراسات سياحية علشان ابقى مضيفه و ألف العالم...مثلا يعنى ردى بس بـــ ثبات و ثقة و ققلى الميكاب علشان بجد اللى بيكتروا منه بيبقوا عاملين زى عرايس المولد...
و ده ميلقش ع مرشده أو مضيفة....:028ja7:
بصراحه أنا حضرت كل ده و بعدين لقيت الموضوع عادى بس جهزى برده متعرفيش هيبقوا عاملين ازاى يوم اختبارك و مودهم و كدااااا

تمام الكلام وكدا بس بلاش ف حلوان لو مش عارفا سؤال متجوبيش هو هيسال الى بعدك وكمان متجوبيش حاجة انجليزي عربى ف المنصورة كان سهل اوى عشان مفيش ناس كتير بس انما حلوان هيستعبطو معاها :friendsxs3:

طبعا لازم تأخد الموضوع جد جدا بس مش لدرجه انها تكون مرعوبة
و كدا أنا شوفت ناس كانت بترتعش قبل ما تدخل ...
بلاش كدا يعنى لازم تطمنى و تعرفى ان الموضوع سهل و أهم حاجه تكون واثقه من نفسها
يعنى خدنا ايه من الرعب و الخوف مش كفايه أيام الثانوىة العامه:giljotiiniug3:
و ان شاء الله نكون أول ناس نباركلك بالقبول
أيمى و أنا طبعا...:039uw8:

هههههههههههه اه باذن الله تنجح ركزى ف شكلك ومتعليش صوتك والميكا اب والبرفيوم هادين وبس شويه ثقه والباقي تماموز:friendsxs3:

التقديم هيفتح تانى من يوم 13 لحد يوم 20 اغسطس

من جانبه، قرر الدكتور حسام عيسى، وزير التعليم العالي، إعادة فتح اختبار القدرات للطلاب الذين لم يتمكنوا من التقدم للكليات التي تشترط اجتياز اختبارات القدرات الثلاثاء 13 أغسطس الجاري وحتى الثلاثاء 20 أغسطس، وذلك في حدود الحد الأدنى المعلن والطاقة الاستيعابية لهذه الكليات، والتي بها أماكن خالية، وهي كليات التربية الرياضية، والسياحة والفنادق، وكلية التربية الفنية جامعة حلوان، وكلية التربية الموسيقية جامعة حلوان، وشعبتى التربية الفنية والموسيقية بكلية التربية بالإسماعيلية جامعة قناة السويس، وشعبتي التربية الفنية والموسيقية بكليات التربية النوعية، وشعبة التربية الفنية بجامعة السويس.