|
اى استفسار بخصوص كليه ألسن هنجاوبك عليه
بصوا يا جماعه انا شفت انى كل واحد ليه استفسار بيعمل توبيك ويكتب استفساره وتلاقى ناس تانيه بتسأل نفس السؤال فده بصراحه بيتعب الواحد بيبقى لسه مجاوب ع سؤال ويلاقى نفس السؤال تانى فا انا وسرانتى انشاء الله هنجاوب ع اى استفسار هنا عشان حتى اى حد ليه اسئله يراجع الموضوع ده ويستفاد وربنا يوفقكوا يارب |
السلام عليكم
انا عندى كدا كام سؤال معلش ^_^ اولا هو باب التقديم فتح ولا لسه ثانيا ايه هى افضل لغه اسبانى ولا المانى ولا ايطالى ثالثا ياريت تعرفونا المواد اللى هنخدها اول الترم ولا فى كتب او مواضيع هنا ياريت تكتبولنا اللينك عشان نستعد قبل ما تبدا الدراسه رابعا اخد انجلش ولا اختار لغه تانيه ايه الاحسن واخده لغه اولى ولا تانيه وشكـــــــــــــــــرا |
اقتباس:
اسبانى لغه جميله ونطقها جميل وسهله والدكاتره محترمين وتقديراتها كويسه ألمانى اللغه صعبه والدكاتره صعبين جداا والتقديرات فيها تكاد ان تنعدم ايطالى حلو وتقديراته ف المتوسط بس عدد الدفعه كتيير وكل ما تبقى قليله كل ما تستفادى اكتر المواد اللى هتاخديها هيعرفوكى ع اللغه اول حاجه والاساسيات بتاعتها ومزاكرتك هتبقى ف الكليه من ورق مش من كتب اى نعم فى كتب بس الورق افضل بكتييير بس ف العربى بتزاكريه من الكتب الانجلش بيبقى العدد كتيييير فيها وصعب جدا جدا وتقديراته مش حلوه خالص كبيرك جيد هناك بس بتتخرجى موسوعه انجلش وانا ارجه لو اخدى لغه تانيه غير الانجلش تاخدى السكند انجلش عشان العمليه تبقى سهله بالنسبالك عشان لما تاخدى لغتين جداد هتبقى العمليه تقيله وصعبه عليكى شويه وحرام كمان تنسى الانجلش اللى انت درستيه ده كلوا لو مخدوهاش بالذات انى هيبقى تركيزك كلوا ع اللغه الاولى فا انا ارجح انجلش ليكى الانجلش سكند |
معلش بالنسبه للانجلش ياعنى ايه صعب جدا جدا جدا صعب من جهه ايه ؟وليه اخرى جيد ^_^
وياترى اللغه الاولى هى بناخد فيها حاجات كتير واللغه التانيه ايه نظامها؟ واسفه على التطويل |
انجلش ثانوى ده اللى اخديه ميعتبرش انجلش خاااااااااااااالص ولا يجى ذره ف الانجلش اللى هتدرسيه يعنى فيه حاجات صعبه
ومواد صعبه والدكاتره رخمين بصراحه والتقديرات فيه مش حلوه خااالص يعنى كبيرك فيه جيد ... جيد جدا دى مش بنسمعها ف قسم انجلش اللغه التانيه بقى مش بتبقى متعمقه فيها اووى ومش بتبقى بيرفكت فيها يعنى مش بتاخدى حاجات كتيير فيها لكن انتى لو عاوزه تقويها تاخدى كورسات بقى فيها والتركيز كله بيبقى ع اللغه الاولى بتاعتك يعنى لو انتى مركزتيش ف اللغه التانيه وقوتيها بكورسات هتنسيها بعد ما تتخرجى |
كنت اخترت قسم صينى لانهم بيقولوا انهم بيشتغلوا هوا
يعنى فعلا شغلة مضنون و بيقولوا كمان بيشغلهم و همة فى سنة رابع و سؤال تاتى الصينى احلى ولا اليابانى |
طيب معلش هو سؤال مش بخصوص الكلية
بس توقعاتكم لكلية ألسن السنة الجاية هتبقى اية هتاخد من كام يعنى |
اقتباس:
الصينى شغلوا حلو ف الترجمه والارشاد السياحى ( سياحه ثقافيه ) بس القسم صعب والعيال هناك معقده وعاوز حد حفيظ جداااااااااا عشان بتحفظى يجى 6 تلاف رمز واعرف ناس كتير دخلوه وحولوا واللغه نفسها صعبه بس انا من وجهه نظرى ادخلى اى قسم تانى عشان اصلا الصينين مش محتاجين دول بيتكلموا عربى احسن مننا بس هو شغال كويس الحمد لله بس صعب اما اليابانى بقى لازم تكونى مقفله الانجلش او ع الاقل 49 وبيبقوا يجى 20 او 25 طالب ودول شغلهم مضمون جداااا جداااا طبعا بس اللغه صعبه اووى بردوا وفى الاخر اقولك كل اللغات مطلوبه بس اللى يتقن اللغه صح ويعرف ينطق صح ده اللى فرصته فى الشغل بتبقى احلى وف الاخر الارزاق بتاعت ربنا |
اقتباس:
بس انا شايف انى المجاميع عاليه فمثلا السناتى مجاميع علمى كانت عاليه اوووى اما مجاميع ادبى مكنتش عاليه فخادت من ادبى 91.1 وعلمى 95 باين فعلى حسب مجاميع يعنى وممكن ينفخوكوا ف الامتحانات السنه الجايه والدرجات تبقى زفت فا انتى متعلميش |
ربنا يطمنك
طب انا جبت 90,2 السنادى ادبى والسنة الجاية المفروض يعنى ولازم مش اقل عن 96 عشان الحق ألسن ولا اجيب كام السنادى يعنى ربنا يستر بعد كلامك دا اطمنت خالص :slap1qk6: |
ع فكرة انا مش بفكر ف الصعب و السهل لان مافيش حاجة صعبة مع ارادة الانسان
الانسان ممكن يدخل الكلية ينجح فيها و خلاص و فى غيرة لا داخل بهدف و انا اصلا من هواة تعليم اللغات جداااا و ع فكرة انا بعلم نفسى تركى لان بلدنا مافيس كورسات تركى فبضطر اشترى كتب و انزل برامج تعليم من النت و اعرف اتكلم تركى بنسبة 40 فى المية و كويس بالنسبة لوحدى بس انا دلوقتى محتارة بين الصينى و اليابانى انا بس عاوزة اعرف الى شغلة اكتر يعنى حضرتك قولت الصينى ف الترجمة و الارشاد طيب اليابانى شغلة مضمون منين و لية الكل بيقولى الصينى احلى من اليابانى هههههههههههههه و هو حضرتك انت فى كلية السن ولا لا ؟ |
اقتباس:
فا انتى شدى حيلك وهتلحقى ألسن انشاء الله وشدى حيلك ف الانجلش عشان تدخلى قسم حلو وفى الطبيعى الواحد ف سنه تالته بيزيد انا كنت جايب 91 وجيبت ف تالته 97 وربنا يوفقك |
اقتباس:
اها ان شاء الله نزيد ف تالتة والحقها ربنا يستر ميرسى اوووى بجد ومعلش تعبينك معانا |
[quote=emyemo;3823500]ع فكرة انا مش بفكر ف الصعب و السهل لان مافيش حاجة صعبة مع ارادة الانسان
الانسان ممكن يدخل الكلية ينجح فيها و خلاص و فى غيرة لا داخل بهدف و انا اصلا من هواة تعليم اللغات جداااا و ع فكرة انا بعلم نفسى تركى لان بلدنا مافيس كورسات تركى فبضطر اشترى كتب و انزل برامج تعليم من النت و اعرف اتكلم تركى بنسبة 40 فى المية و كويس بالنسبة لوحدى بس انا دلوقتى محتارة بين الصينى و اليابانى انا بس عاوزة اعرف الى شغلة اكتر يعنى حضرتك قولت الصينى ف الترجمة و الارشاد طيب اليابانى شغلة مضمون منين و لية الكل بيقولى الصينى احلى من اليابانى هههههههههههههه و هو حضرتك انت فى كلية السن ولا لا ؟[/quote الخلاصه مفيش حاجه صعبه ع اللى بيزاكر هتزاكرى هتلاقى اللغه حلوه مش هتزاكرى هتتعبى ف الكليه بس انا بقول فى المجمل ايه اللى صعب وايه اللى سهل وبمناسبه التركى لغه جميله جداا ونطقها حلو وقسم التركى عدده قليل واللغه مطلوبه اليومين دول انتى اول حاجه مجموع لغاتك كام ولو مجموعك جايب يابانى ادخليه يابانى شغله مضمون ف كل المجالات اللى انتى عاوزاها سياحه ترجمه شركات غيره بيجلهم اساسا فرص عمل وهما بيدرسوا بس تحسى انهم عيال مش طايقين نفسهم من صعوبه الماده بصى مليش دعوه بكله كل واحد ممكن يكون متحيز لقسمه ويقولك ده احلى قسم ف الدنيا بس ف الاخر انتى اللى تحددى عاوزه تشتغلى ف انى مجال بالظبط ( انا كليه ألسن قسم روسى انشاء الله ) |
اقتباس:
ولا يهمك بس لو انتى علمى حولى ادبى |
| جميع الأوقات بتوقيت GMT +2. الساعة الآن 06:15 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.