طالب سنة اولى
 

انا يا جماعة لسة مخلص ثانوية والحمدلله طلعلى ف التنسيق حاسبات عين شمس ف يا ريت اى طالب او معيد موجود ف الكلية دى يقولى على اى نصيحة تفيدنى ف سنة اولى ويا ريت كمان نتعرف

السلام عليكم

اولا الف مبروك .. وان شاء اله هنتنبسط جامد في الكلية عندنا
مبدأيا بقى اي حد بيبقى داخل الكلية بيبقى عنده نفس حالتك دي فمتقلقش وكونك اصلا بتسال عن نظام الكلية وعاوز تستغل الاجازة فده يعتبر شئ كويس جدا وان شاء الله لو عرفت تستغلها صح هتفرق معاك جدا

بالنسبة للكليه المفروض تتخرج منها مهندس برمجيات الاقسام فيها من سنة رابعة ان شاء الله ماعدا قسم واحد "bioinformatic " بيبقى من سنة اولى وده قسم خاص في الكلية (بفلوس ) بيدرسوا نفس المواد بس بيخدوا عليها زيادة احياء
عموما كل الاقسام قريبة من بعض والكل ممكن في الاخر يشتغل نفس الشغل بس كل قسم بيبقى فاهم في حاجة زيادة
نظام الكلية بيبقى ترمين في السنة كل ترم بيبقى 6 مواد
اول سنتين ان شاء الله بيركزوا اكتر على المواد العلمية الاساسية زي الفزيا والرياضة والحتمالات والاحصاء وفيها برده مواد سهلة زي الانجليزي وبيقى فيها شوية برمجة بس ممكن تحس انهم ماشيين بسرعة في البرمجة لو انت معندكش فكرة عنها نهائي او مبتذكرش اول باول
خد بالك بقى ان كل ترم بيبقى في امتحانات ميد ترم في الاسبوع التامن تقريبا فبلاش تسيب نفسك وذاكر اول باول

بالنسبة لسنة اولى ان شاء الله هيبقى العملي الترم الاول كان شوية معلومات عامة عن:
Dos, Word ,power point ,excel,windows
وبدأنا شوية في البرمجة
اهم حاجة في العملي انك اول ما ترجع البيت تطبق كل اللي اتعلمته حتى لو كان في نظرك تافه

لو عاوز بقى تاخد فكرة كويسة عن البرمجة وهتفرق جامد معاك لانها فرقت كتير معايا اقرى الدروس دي وطبقها ولو في حاجة وقفت معاك اسال فيها
دي المقدمة
http://www.thanwya.com/vb/showthread.php?t=69497
ودي الدروس
http://www.thanwya.com/vb/showthread.php?t=71843

ده موقع الطلبة الرسمي بتاع الكلية
http://cisclub.org/forum/index.php
هتلاقي ناس كتير يسعدوك ان شاء الله

وعموما لو عاوز تسال عن حاجة متترددش ان شاء الله هجاوبك

هيا نتيجة المرحلة الأولى ظهرت أصلاااااااااااااااااااااااااااااا!!!!!!!!!!؟؟؟؟؟؟؟ ؟؟؟؟

شكرااا اوى على الرد يا ananoo وانا فعلا كنت قارى الدروس دى وطبقتها من اسبوع كدة بس يعنى ماخدش قرصات قبل الدراسة ولا عادى

لا خالص مش هتحتاج ان شاء الله وعموما بيبقى في فالكلية زي منظمة (ِacm) بتعمل محاضرات ومعامل في البرمجة وبتقويك اوي في البرمجة هتعرفها ان شاء الله لما تخش ابقى التحق بيها عشان هتخليك جامد اوي ان شاء الله

وبالتوفيق ان شاء الله

طب هى اصلا القرصات عامة بتبقى تبع الجامعة يعنى باخدها ف الجامعى ولا بتبقى ف مراكز خارجية متخصصة ف دة

الكورسات بتبقى من برة الجامعة في مراكز خارجية
بس احيانا بيبقى في انشطة تبع الكلية يعني زي اسر بتتعاقد مع شركات عشان يدوا كورسات والطلبة بيقدموا وبيختاروا عدد معين من الناس اللي اتقدموا

طيب و الكورسات ده بتبقى معتمدة من إيه
وهل ينفع أبقى فى كلية و أخد كورسات فى كلية تانية ؟

معلش مش فاهمة تقصد انهي كورسات ؟؟

هو أنا الصراحة معنديش فكرة بس كنت سمعت إن فى كورسات مش بتبقى إجبارى من الكلية
فهل ده بتتاخد من الكلية و لا من أى مكان تانى برة زى مثلا كورسات الفيجوال بيزك و web design

بعد إذنك أستاذة ananoo
ينفع الواحد يشترك في منظمة acm دي من أول سنة ولا إيه النظام؟
يعني أنا أهو رايح إن شاء الله أولى حاسبات القاهرة أعمل إيه عشان أدخل في منظمة acm ؟
و شكراً مقدماً
السلام عليكم و رحمة الله و بركاته

لا الكورسات غالبا بتبقى برة عمري ما سمعت ان في كورسات تبع الكلية

انا مش عارفة النظام بتاع الacm في القاهرة بس اعتقد كله زي بعض
عندنا كان بيعلنوا عن محاضرات وسشن لسنة اولى وكنا بنروح نحضر حتى لو مكناش مشتركين اصلا
وبعد كدة اللي كان عاوز يشترك كان بيشترك
يعني ان شاء الله لما تدخل الكلية همة هيقولولك

شكراً أستاذة ananoo
السلام عليكم و رحمة الله و بركاته