حريم السلطان (إردوغان)

لم ينزعج من انقلاب الجيش التركى سوى من يجهل تاريخ الجيش التركى

هو اتأخر حبتين المرادى لكنه وصل بسلامة الله -

جيش فاضى هيعمل إيه غير انقلابات - أويطلع غله فى ولاد بلده (الأكراد)

1960 - 1971-- 1980- 1997-----2016

كل اللى أخره سى هو عدو حريم السلطان

للأسف.. كثير من المصريين، بينهم محبون للرئيس السيسى، يقولون

إن مصر أيام الرئيس مبارك كانت أفضل مما عليه الآن.

كان اقتصادها منتعشاً (رغم الفساد)، وبرلمانها جاداً وقوياً (رغم التزوير)، وإعلامها منضبطاً ومؤثراً (رغم أنه موجَّه).

ماشى!.

لماذا خرج عليه المصريون إذن فى «25 يناير»؟.

لا بد أنهم شعب نمرود، بطران، يستحق الثمن الفادح الذى دفعه بعد هذه الفاجعة!.

وبعدين يا سيدى.. لنفرض أنها كانت أفضل: لماذا يتجاهل هؤلاء المغيبون أن السيسى تسلمها «خرابة نموذجية»،

وأن فاجعة 25 يناير دمرت السياسة والاقتصاد والأخلاق والثقافة،

وأخرجت أسوأ ما فى المصريين.. وهو كثير وعميق ويحتاج إلى مائة رئيس لتطهيرهم منه؟.

مصر بقت «كُخَّة»؟!.. ما كانت حلوة وماشية زى الفل!.

مصر لم تكن سويسرا والسيسى هو «اللى بوّظها»!..

احمدوا ربنا إنها لسة موجودة.

مركز شباب


فى يوم من الأيام قلت أتجول وألف بالريموت على القنوات المحلية من باب التشجيع وزيادة المشاهدة والعلم بالأخبار المحلية

فعلتها وياليتنى مافعلتها

وجدت السيد وكيل وزارة الشباب والرياضة بالغربية ضيف على قناة الدلتا

وجدته متحمسا ويكرر مقولة ذكرتنى بماض رحل

وجدته يقول (إننا نسعى لتطوير مراكز الشباب والتى تغطى كل قرى المحافظة )

تذكرت لما جاءنى الهاتف كشاب فى مقتبل العمر وقلت أرسل طلبا للمسئول عن الرياضة عن المحافظة وكان عملاقا وهو الدكتور عبدالأحد جمال الدين

وعندما فو جئت بأنه يدعونى للحضور معه فى برنامج رياضى فى إذاعة وسط الدلتا

ارتديت جلبابا وذهبت ولم يقابلنى أحدا إلا وتعجب من هذا الشاب الذى يأتى للإذاعة بجلباب

ومع هذا وأمام الناس رحب بى الدكتور عبد الأحد جمال الدين فاضطر الكل للترحيب بى

وجلست ساعة كاملة لم يوجه لى سؤالا ولكن يبدو أنهم أحضرونى لأستمع وفقط

وأمام الميكروفون وعدنى الرجل بأننا فى مثل هذا اليوم من العام القادم سنتصل بالإذاعة لتحضر معنا افتتاح مركز شباب قريتكم

من ابتسامة هذا الرجل الودود - صدقت

ومنذ هذا الوقت وأنا أتساءل عن سبب عدم تنفيذ هذا الحلم منذ ربع قرن وأتى بالأسباب التى توهمنى

1- هل لم يتم التنفيذ بسبب الجلباب
2- هل لم يتم التنفيذ بسبب عدم تقديم مشيئة الله
3- هل لم يتم التنفيذ لأن هذا المسئول بعد شهر أصبح مسئولا عن الرياضة فى مصر كلها
4-هل لم يتم التنفيذ لأننا قرية لاتستحق
5- هل لم يتم التنفيذ لأننى الذى تقدمت بهذا الطلب

أظنها الأسباب كلها

حكومتنا الموفرة

إردوجان تخلص من 3000معلم بسبب الإنقلاب --- ربما يكون عنده الحق والمبرر

لكن مايدور فى وزارة الحيتان المسماه بوزارةالتعليم المصرية الأن هو محاولة لتجنيب وتشريد أضعاف الرقم

وحاجة ببلاش كده --- من غير ولا مليم

رافضين التعيين --- جايز عندهم المبرر والمعلمين ماليين المدارس!!!!

ورافضين الغش من وزارات أخرى بتعديل المعاش ليكون حاجة تستاهل تشجع البعض للخروج على المعاش المبكر-- ماهو الغش هتا بس حرام

وجايز ماعندهمشى فلوس-

طب ومكافأة ال 900يوم - والكنترولات والرحلات والمنتديات والسفريات التى لم تقدم للتعليم سوى فشل يليه فشل --

مين هايحاسب على المشاريب غيرنا !!!!!!

طب المفروض إيه؟

من أجل الحفاظ على المرارة والباقى من الكرامة نخرج على المعاش المبكر بمعاش 700جنيه ونبقى بنضحى زى غيرنا من أجل البلد اللى رافضه حتى تبص لنا مرة بعين العطف والشفقة

هو احنا ليه بس اللى مطلوب مننا نضحى فى أم البلد دى من جدود الجدود ونموت واحنا مبتسمين

وكمان هنضحى بمستقبل أولادنا -- تعليم إيه وكليات إيه والمعاش 700جنيه


خايفين كتر التضحية تخلينا نطلق أم الوطنية

ياوزير الهنا - إدارة فيها عجز خمسين والزيادة ألفين هتودى الباقى فين ؟

جنوب السودان ولا بوركينا فاسو ؟؟!!!!!!!!!

ولاهتحرمهم من الكادر اللى عشر وزرا قبلك ضحكوا علينا بيه ؟

اخفاء ورطة التسريب لايكون بالانتقام من رجالتك ومرؤسيك

نعم كله يشتغل ولكن لأ وألف لأ لواحد ينقطع عيشة وقوت أولاده من أجل وزير يطلب الرضا والسماح من حكومة ومجلس نواب لم يبحثا حتى الأن سوى قوانين تزيد الأعباء على الغلابة وليس العكس

واللى عنده غير الكلام ده يتقدم به

شكرا لك اخي الكريم

تم التثبيت

بناءا على رسالة شخصية لمستر إبراهيم طلبت فك تثبيت الموصوع لإتاحة الفرصة لمن هم أفضل منى

وها قد كان ثم جاءت الأستاذة لوجين لتعيده وهاقد كان وصرت أنا فى حيرة كان

كل التقدير لمتسر إبراهيم وكل التقدير للأستاذة لوجين

جزاكم الله خيرا لثقتكما فى شخصى الضعيف

قالوا له

قالوا له أن التعليم فى زمن الملكية كان متطور ومتقدم

ونسيوا يقولوا له أن سكان مصركانوا حوالى عشرين مليون لاينال فرصة التعليم منهم أكتر من عشرين ألفا

وعِد المدارس وقتها فى كل محافظة لاتتخطى الخمس مدارس

نسيوا يقولوا له أن التعليم فى مصر كان 80%تعليم أزهرى من الكتاب للجامعة

نسيوا يقولوا له بصراحة أن من يوم ماتوفرت المدارس للخدم اللى زى وزيك (فى نظرهم)ولأولادنا بدأالتعليم يتدهور

يعنى مش صرورى تعلم أولادك ودا لمصلحة مصر وتعليمها !!!!!!!!!!!!!!!!!!

وهو بيردد وراهم ومش عارف إن المجانية دهسوها تحت أقدامهم وأن حق الغلابة فى الجامعات مرتبط بالعدالة فى الإمتحانات والتنسيق اللى نفسهم ينسفوه ويستبدلوه بقدرات

يعنى إيه قدرات --اسأل هتعرف إن القدرا ت العلمية والبدنية ممكن تستبدل بقدرات محسوبية وبنكونوتية

لما يبقى فيه ضمير ومساواه حقيقية وتخرص كل النعرات الباشاوية المتعمقة فى صدور البعض --- وترجع للغلابة الحق فى المجانية والرعاية الحقيقية

نبقى ساعتها تقول ----دمروا التنسيق

لمحة

السيد المبجل عادل عبد المنعم بيطالب بحذ ف خانة الديانة من بطاقة الرقم القومى لعدم التمييز بين أفراد الشعب

طب لغيناها --- هل انتهى التمييز ؟

هو ابن الزبال اللى لما زعل شالوا له وزير اتعين بعدها حتى كاتب فى محكمة ؟

خلونا احنا للكلام الخارجى ياسيد عادل وخلوا النواب يفتشوا فى كيفية تصويب العيوب الداخلية

لأن ماينفعشى كلنا نشتغل ع السطح - كدا هيقع بينا على الكل لاقدر الله

اولا باعتذر لمستر ابراهيم ع التعدى وتدخلى للتثبيت
انا اصلا غبت فترة وماخدتش بالى من القسم
ثانيا حضرتك من القلة الحكماء سياسيا وانا احييك ع هذا
وباسجل متابعتى المستمرة لحضرتك
دمت لنا ودام قلمك