ميين هنا حاسبات حلوان
 

ههههه...انا زيك بردو بس انا عجبتني الكلية و قررت ما احولش هندسة خاصة و عايز اعرف عن قسم هندسة برمجيات بس يكون كلام موثوق..انا معاك حاسبات حلوان ان شاء الله:)

وانا كمان فى حاسبات حلوان وعندى نفس المشكلة قدامى احول هندسة خاص ومش عارف اعمل اية اخش حاسبات حلوان ولا هندسة خاص

يا جماعه انا من رأي المتواضع ان اي كليه حكوميه افضل من الخاص وانا بردو شايف ان كلية حاسبات ليها مستقبل جميل جدا في مصر وبره مصر ومرتباتها عاليه وكلية هندسه بقي العدد فيها كبير جدااا خاصة السنه دي لكن حاسبات الدفعه بتاعتها صغيره وممكن تستشير الوالدين في الموضوع ده وصلي صلاة استخاره وتوكل علي الله بس انا بيتهيألي ان مفيش كليات خاصه فاضيه حالن كلها كملت تقريبا وهتكون علي الويتنج ليست

بصوا يا جماعهانا ياسمين وانا بردوا حاسبات حلوان بس انا سمعت عن الكليه كلام حلو كتير وان مستقبلها جامد ولازم الواحد عشان يقرر اي شي يكون عنده معلومات كافيه نصيحتي انك لازم تعرف اكتر واذا كان انت عايز لقب مهندس فانا سمعت خبر حلو ان نقابه مهندسي البرمجه تحت الانشاء يعني هتبقي باشمهندس بردوا

وانا احمد معاكوا في حاسبات حلوان
داخل اولي وانا من بني سويف
وحابب نتعرف كلنا عشان نبقي دفعة مترابطة :d :d :d

بص انا لسه داخل الكلية و معلوماتى على قدى يدوب اللى بقراه فى المنتديات عن الكلية بس اللى اعرفه لو انت ناوى تدخل هندسة وتخصص فى هندسة الكمبيوتر يبقى حاسبات احسن لك بس لو طموحاتك فى ميكانيكا (زى حالاتى) او كهربا او اى قسم تانى بعيداً عن مجال الكمبيوتر يبقى توكل على الله فى هندسة اهو بردو تخفوا من علينا
بس الكلام ده طبعاً بعد صلاة الاستخارة ( عسى ان تكرهوا شيئاً وهو خير لكم ) صدق الله العظيم