بوابة الثانوية العامة المصرية - تعمل ايه لو مجموعك فى الثانوى قل عن المطلوب؟؟؟

ثانوية عامة طبعا كلنا عارفين ان الامور سخيفة من ناحية التصحيح الغريب ومن ناحية ان الموضوع توفيق من عند ربنا واجتهاد جنب كام حظ كدة

دلوقتى لو عايز تدخل هندسة ونفترض ان مثلا مجموعك مجابهاش لفروق زى مثلا 91 92% ومش عايز تبعد عن المجال
طب لو انت جبت 88% علمى ولو ادبي جبت 80% والخيارات كلها بقت صعبة طب ايه الحل؟؟
مش عايز تهلك اهلك فى مصاريف كليات خاصة وخصوصا لو مجالها عملى من ناحية الادوات
دلوقتى فى حل كويس اوووووووووووووووى
فى كليات متعرفوش عنها الا القليل
كلية فنون جميلة وكلية الفنون التطبيقية والتربية الفنية والنوعية ولازم تكون ناجح فى القدرات بتاعتهم الاول
نبتدى بفنون جميلة
فنون جميلة فيها قسم عمارة بيقبل علمى رياضة وبيتبع نقابة المهندسين ودراسته عملية جدا وكمان بتدرس مواد فنية وهندسية ونفس الشهادة بكالريوس عمارة من فنون جميلة ودى بتاخد 92% وساعات 93%
فنون جميلة فيها قسم هندسة الديكور من 91 90% ودة قسم بيخرج مهندس مصمم عمارة داخلية interior designer وبيكون تبع نقابة هندسة الديكور وليه كل الصلاحيات ودراستها 5 سنين ومجال شغبلها مفتوح اوى وعملى جداااا وبتتخرج بتشتغل على طول
فنون جميلة فيها جرافيك لعلمى ولادبي وادبي بتاخد من 84 83 واحيانا 82 ودى فيها شعبتين اما تصميمات او رسوم متحركة وبتخرج جرافيك ديزاينر وفى مجال التصاميم والدعايا والاعلانات
فنون جميلة فيها تصوير وبتخرج مصور زيت او جدارى ودى ليها شغلها متاح جدا وبالكورسات بيدخل يبقى مصمم محترف على اعلى مستوى
وقسم نحت برضو قسم كويس اوى
طبعا قسم عمارة ليه امتحان لوحده وباقى اقسام فنون ليها امتحان لوحده سواء علمى او ادبي وبتختار عايز انهى قسم من اعدادى ديكور او اعدادى فنون (جرافيك تصوير نحت)

نيجى بقة لفنون تطبيقية تتقسم ل14 قسم وبتقبل علمى رياضة وعلوم ونفس مجموع فنون جميلة فنون واقواهم قسم التصميم الداخلى والاثاث ودة هندسة الديكور

اما بقى لو مجموعك الش عن كدة وبقيت فى التمانين او السبعين ممكن تدخل تربية فنية او تربية نوعية وعلى فكرة مش شرط دى تخرجك مدرس رسم لان فى اخر سنتين نزل قرار ان الطالب يختار يدرس مواد تربوية ولا مواد فنية كثقافة زى الباقى
بجد مجال عملى ومحترم جدا وليه مكانته سواء فى مصر او برة مصر
وعلى فكرة انا شخصيا كنت مشوش وربنا كرمنى بهندسة الديكور بفنون جميلة حلوان
شرفونا فى القسم بتاعنا لاى معلومات اضافية وتحت امركم طبعا فى اى رد على التوبيك وربنا يوفقكم دايما بالخير