|
القرصات المطلوبة
ماهى القرصات الاساسية المطلوبة لسنة اولى كلية حاسبات و معلومات اى قبل التخصص
|
يا ريت اى حد يرد عليا
|
مش محتاج كورسات
هوة بس انه يكون عندك معرفة عامة بالكمبيوتر تعرف تتعامل مع word,power point لو عندك معرفة بالبرمجة يبقى حاجة كويسة جداا يعني متقلقش بس اهم حاجة فالكلية انك تذاكر اول باول واسال لو في حاجة واقفة معاك سواء في محاضرة او سكشن واهتم بالعملي كويس ربنا معاكم ان شاء الله |
أستاذة ananoo أستأذن حضرتك في سؤال
الكشف الطبي بيبقى كل يوم عادي في الكلية؟ ولا بيبقى يوم واحد في الكلية و اللي ميجيش يروح مستشفى الطلبة؟ ولا إيه النظام بالظبط؟ و فيه أي كتب تنصحي الطلبة اللي طالعين سنة أولى يشتروها من معرض الكتاب يتسلوا فيها؟ و شكراً مقدماً السلام عليكم و رحمة الله و بركاته |
آه معلش و حضرتك القاهرة ولا عين شمس؟
إيه الأقسام اللي موجودة في عين شمس و مش موجودة في القاهرة؟ و إن التخصص من سنة رابعة في عين شمس ده ميزة ولا عيب؟ و من خبرة حضرتك إيه ميزات القاهرة عن عين شمس و إيه ميزات عين شمس عن القاهرة؟ و ندخل معاهم حلوان بالمرة السلام عليكم و رحمة الله و بركاته |
و معلش بقى أزيد في الرخامة حبتين
الموقع بتاع طلبة عين شمس دخل دماغي يا ترى فيه زيه في القاهرة؟ و أنا بفكر أعمل واحد زيه لو مفيش فأعمله مع نفسي ولا أبقى أكلم الإدارة ولا اتحاد الطلبة؟ يمعنى : إيه الخطوات اللي خدوها عشان يعملوا الموقع ده؟ السلام عليكم و رحمة الله و بركاته |
اقتباس:
بالنسبة لموضوع الكتب هوة انا بصراحة مقرتش قبل ما اخش اي كتاب بس لما دخلت الكلية جبنا كتاب اسمه (object oriented with c++ ) هوة كبير جدا طبعا بس هوة من الكتب المهمة جدا اللي الدفعات اللي اكبر منا نصحونا اننا نقراه بس مش عارفة اذا كنت هتقدر تستوعبه ولا لا بس هوة عموما يعتبر من اسهل الكتب في البرمجة اقتباس:
بالنسبة للاقسام اللي اعرفه ان قسم (bioinformatic) ده موجود في عين شمس بس وهوة قسم خاص وبيبقى من سنة اولى ممكن تقرى الموضوع ده بيتكلم على كل الاقسام في كل الكليات http://www.thanwya.com/vb/showthread.php?t=151552 بالنسبة للتخصص في سنة رابعة عندنا انا شايفها ميزة لان احنا لما بنوصل سنة تالتة بنبقى عندنا معلومات اكتر عن كل قسم من الاقسام فبالتالي نقدر نختار بمعرفة اكتر السؤال الاخير صعب اوي :blush: هتلاقيني متحيزة لعين شمس لاني معرفش غيرها بس هية اصعب واحدة وفي داكترة ومعيدين بيقولوا انها تعتبر احسن واحدة من حيث العلم اقتباس:
وعادي برده لو تعمله بس الفكرة انك ازاي هتسوقه يعني مين اللي هيدخله في الاخر احنا الموقع بتعنا معمول من قبل ما اخش الكلية عشان كدة انا معرفش بالظبط هما عملوا ايه احسن لو تسال حد في القاهرة عن الموضوع ده اعتقد انهم عاملين واحد لو عندك اي اسئلة تاني او في حاجة مش واضحة ياريت تسال :) وبالتوفيق ان شاء الله |
شكراً جداً جداً جداً على الإجابات بجد كانت رائعة
و بالنسبة للكتاب ممكن حضرتك تقولي اسم الكاتب عشان ممكن يبقى فيه كذا كتاب اسمهم قريب من كده؟ السلام عليكم و رحمة الله و بركاته |
اقتباس:
وبالنسبة للكتاب ممكن تنزله من هنا http://www.filestube.com/d8294debc1f...ming-in-C.html اسم الكاتب: Robert Lafore واسم الكتاب: ++Object Oriented Programming in C شد حيلك بقى وربنا معاك وان شاء الله هيكون ليك مستقبل مبهر ان شاء :) واي سؤال انا شاء الله هحاول اساعدك |
اقتباس:
السلام عليكم اسمحلى اتدخل فى النقطة دى دا الموقع الرسمى للكلية http://www.fci.cu.edu.eg واكيد حضرتك لما تشوفه هتستحقر شكله زى ما كل طلبة الكلية بتعمل احنا عرضنا على الادارة كتيير جدا اننا نعمل الموقع لكن مفيش فايدة . هما عندهم مواصفات معينة مطالبين بيها وهوا دا التصميم المناسب من وجهة نظرهم وفى موقع تانى بس ال عمله معيدين فى الكلية http://www.FCIBOOK.com ودا لسه معمول السنه دى وبياخد طريقه للشهرة لو متمكن من برمجة المواقع اشتغل فيه ونمى مهاراتك لانه مجال كويس جدا |
| جميع الأوقات بتوقيت GMT +2. الساعة الآن 02:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.