|
ممكن تساعدوني
السلام عليكم
انا في تالتة ثانوي السنة دي ومش عارفة انظم وقتي خالص بين السبع مواد مواد بهملها وبجي من الدروس احس اني تعبانة انام مش بخد الا درس واحد ف كل مادة ومش عارفة اذاكر اول باول وبحس بالقلق دايما وان المواد صعبة وهدفي بيغيب عني ازاي ابقي منظمة والحق نفسي وانظم وقتي بين السبع مواد وجزاكم الله كل خير |
بصي اول حاجه ليكي جق لما ترجعني من الدروس تكون تعبانه فانتي لما ترجعي من الدرس مش تنامي نوم لا ريحي افصلي كدا مثلا ربع ساعه او تلت ساعه وتقومي تذاكري
بالنسبه للمذاكره والتنظيم مفيش احلي من انك اول باول الي تاخديه تذاكري ولو جدعه قبل ما تروحي الدرس مش تذاكري الجزء الجديد لا تقريه وتكوني فكره عندك بفهم وباستفسارات بحيث لما يشترح قدامك مخك يكون بيتعرض له للمره التانيه ده بيكون افضل اهم حاجه انا كنت فاكراها ف ايام الثانوي انه بجانب الفهم لازم تحلي امتحانات كتيييييير دي اهم من المراجعه او المذاكره كذا مرة مثلا ذاكرتي جزء وحاسه انك نسيته مش ترجعي تذاكريه تاني لا حلي اسئله عليه وبعد الحل علمي علي الحاجات الي كنتي نسياها او فيها افكار جديد وجميعها ف المكان الي بتذاكري منه وراجعي علي الجزء ده بعد الحل حيركز معاكي اوي ان شاء الله اعملي ملخصات صغيره بايدك بردو من ضمن الحاجات الي حتخلي المراجعه اسهل والمعلومه تثبت وسهل تسترجعيها لان المخلص باسلوبك وبطريقه مخك بيرتاح لها اخر حاجه لو قدرتي يعني انك مش تسهري وانك تصحي بدري يعني تصلي الفجر وتقعدي تذاكري ده حيخلي تركيزك واداء مذاكرتك افضل ومتقلليش نومك لازم تاخدي حقك ف النوم علي الاقل 6 ساعات علشان بردو مخك يشتغل بكفاءه وربنا يوفقك |
جزاك الله خيرا
|
اقتباس:
|
| جميع الأوقات بتوقيت GMT +2. الساعة الآن 02:29 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.