|
ناوى تعمل اييييييييييه يا صيدلى/صيدلانية
عايزة كل واحد داخل كلية صيدلة يقول ناوى يعمل ايه ف الكلية وايه السبب ف اختياره وكمان بعد التخرج :Dيعنى مثلا الاشتراك ف الانشطة والرحلات والندوات والتقديرات اللى نفسه يجيبها وكده يعنى |
اقتباس:
ايه الاسئلة الجامده دي!!!!!!!!!!!!!!!!!!!!!!!!! اول حاجة انا دخلت صيدلة برغبتي رغم اني جايب مجموع طب طب ليه؟؟؟؟؟؟؟؟؟؟؟؟؟؟؟؟؟ عشان كلية الصيدلة اتفقت 100% مع رغباتي وميولي ..................................... اعمل ايه في الكلية؟؟؟؟؟؟؟؟؟؟؟؟؟؟؟؟؟؟؟ سؤال غاااامض صاااامت!!!!! اجاوب عليه لما ادخل الكلية .... لكن انا بطبيعتي حتلاقيني من اول اسبوع في الكليةبقيت معروف انا ورجالة العباسية حوالي 30 طالب عارفين نفسهم وعارفني كمان انتشروافي الكلية ولا مجال للمنافسه(اوعى السرررررريع) ........... التقدير اللي نفسي اجيبه؟؟؟؟؟؟؟؟ كعادتي دائما على مدار ال 13 سنة تعليم(2 حضانه+5ابتدائي+3اعدادي+3 ثانوي) لا ارضى بالفشل او السقوط واتخذ من كل عثرة طريق للنجاح والصعود ان شاء الله .....امتياز... لمدة خمس سنوات او على الاقل جيد جدااااااا ( وهذا ليس اعتباطا ولمنه سينبع من جد وكد من اول دقيقة) .................. اه نسيت اقول ان نفسي اشتغل في التدريس لاني بحب هذه المهنة جداااااا وخصوصا لو درست صيدلة ..فعشان كده انا ناوي ان شاء الله ابقى معيد(مش اعيد السنة) بس متقولوش لحد عشان المنافسين كتيررررررررر ازعم ان عندي مهارة في افهام الشخص اللي امامي...تبسيط المعلومة وتوصيلها مش غرور ولكن مجرد ثقة بسيطه بالنفس ........... ان احلامي لاتتوقف عند مجرد العمل في صيدلية او حتى شراء صيدلية او السفر للخارج عندي افكار كتيررررررررررة جدااااااا حتغير مستقبل الصيدلة في مصر .............. بعد التخرج؟؟؟؟؟ اعتقد ان بدري بس كله موجود في دماغي (مبيطلعش بره) اتفاقيه التربس تمنعني من افشاء الاسرار .............. بالنسبة للأسر والرحلات والندوات فطبعا لازم اشترك ان شاء الله ويبقى لي نشاط في الكلية بعيدا عن اتحاد الطلبة لاني تعبت من الحاجات دي من رابعه ابتدائي(استثني سنوات قليله )وانا(امين فصل وامين مساعد ) بس ده طبعا لما اخد على الكلية او على الاقل لما نروح الازاريطه ونمشي من الشاطبي اقصد لما نسيب علوم ونروح صيدله .............. نتمنى لكم 5 سنوات من السعاده في اعرق كليات الصيدله في مصر منذعام1947 .............. كان معكم من امام شاشة الكمبيوتر احمد بن الحسين بن علي لقناة الفطيرة |
اقتباس:
والله انا الحمد لله ولله الفضل متفوقة دائما من صغرى دائما الحمد لله بكون من الاوائل مش فى الثانوى بس لا الحمد لله من صغرى من ابتدائى وانا الحمد لله دائما مجتهدة ومتفوقة عمرى الحمد لله ما قصرت فى حاجة ولله الفضل ( وما توفيقى الا بالله عليه توكلت واليه انيب ) بالنسبة بقى لناوية ع ايه انا ناوية ع حاجات كتير يعنى مثلا لازم اجيب فى 5 سنين امتياز ان شاء الله ربنا يعينى وكمان باذن الله نفسى اتعين فى الجامعة واكمل دراسات عليا ان شاء الله بالاضافة الى العمل فى صيدلية وشركة ادوية يا رب يلا عايزة اعرف كمان اجابتك ع الاسئلة ؟ |
طبعا لازم نخلى يا طلبة الصيدلة فى النهاية هدفنا واحد نفع الامة الاسلامية ونكون قدوة ومثل اعلى لكل المسلمين والمسلمات
|
لابد هدفنا اولا هو التفوق لاشعال باب المنافسة و ثانيا ان شاء الله هيكون ميولى فى الكلية هى مساعدة زملاائى فيما اعرفه حتى اجدهم بجانبى اذا احتجت المساعدة و سوف اشترك فى اى اسرة معتدلة مستقيمة اعضائها يكونون مثلى حتى نتفق و نتعاون على الجد و الاجتهاد..
و بعد التخرج اتمنى ان اجد فرصة عمل جيدة فيما لا يغضب الله تعالى فكل ما نسعى اليه من دراسة و عمل لينفعنا فى الدنيا لذا يجب ان تخذ منه و سيلة للظفر بجنة الاخرة و اتمنى الا اكون قد اطلت عليكم... |
يا نهار اسود :(
انا بعد ردودكو دي هحول تجارة بصراحة انا كمان مجموعي يجيب طب بس انا مش بحب المذاكرة بس باذن الله ناوية انجح و لو عرفت اجيب جيد جيد جدا يعني بس بصراحة بعد اللي حصل السنه دي مش ناوية ابذل مجهود تاني و انا اصلا دخلت صيدلة عشان بابا و ماما نفسهم اوي و انا اصلا مش فارقة معايا كنت هدخل السن بس هما اقنعوني و اعدت اتابع اخبار الصيادة من عيلتنا و عجبني الموضوع مع العلم ان انا اصلا بحب مادة الرياضةجدا بس ماما مهندسة و مش شايفة انها حلوة للبنات وعن الشغل في الغالب مش هشتغل (بوفر فرص عمل للشباب) |
طيب ما كل واحد يقولنا مجموعه لما نشوف القدرات ولو انها مش مقياس
|
صيدله دى حلمى من وانا طفله صغيره بجد بحبها اوى على الرغم من انى برضه كان ممكن ادخل طب بس الحمد لله اخترتها وثبت على اختيارى على الرغم من كل المكائد والمخططات لافشال المهمه ولكن نجحت الخطه الحمد لله ودخلتها. انا باذن الله ناويه برضه على تقديرات عاليه يعنى امتياز او جيد جدا لا اقل (يعنى باذن الله هدخل عالضفدعه افعصها مش هكتفى بتشريحها بس ده بعد ماتسمعوا الفضايح فى المعمل باذن الله )بس ماعتقدش انى هيبقى ليا علاقه بالاسر او باتحاد الطلبه لانى مش
بتاعه انشطه اوى بس لو لاقيت نشاط حلو اكييد هشترك فيه وهحاول ابقى مشهوره ومعروفه فى الكليه وبالنسبه لما بعد الكليه فانا بعيده كل البعد عن التدريس لانى معنديش اى قدره على توصيل المعلومه وممكن اتخانق مع الطلبه لو مفهموش فاباذن الله انا فى دماغى انى افتح صيدليه بس مش اى صيدليه كده لااااااا انا هفتح صيدله كبيره ويبقى ليها فروع كتير باذن الله زى صيدليه خليل كده للى يعرفها او ممكن اشتغل فى شركه ادويه مش عارفه يعنى الظروف وقتها هتبقى عامله ازاى بس نسيت اقولكم انى قبل كل ده لسه ناويه ادرس الاكلينكى ده وده بياخدله سنتين تقريبا لانه مش موجود فى اسكندريه واحتمال احضر الماجيستير ولو انى مش بحب المذاكره كتير بس يمكن احب دراستى اوى واكمل فيها والله المستعان |
اقتباس:
|
اقتباس:
التقديرات ان شاء الله مش هتنازل عن امتياز كل سنة في الكلية هشترك في احاد الطلاب اكيد لاني بحب الحاجات دي اوى بس لو اثرت علي دراستي مش هكمل فيها بعد الكلية اكيد مش هكمل في مصر هشتغل بره لحد محقق ذاتي وارجع وانا قادر انى اعمل لنفسي شغل واحقق حلمي الكبير وهو انى اكون صاحب شركة ادوية كبيرة وافتح صيدلية في وسط البلد (مش عارف ليه هناك) واسميها Nobel*s pharmacy وربنا يستر وشكرا وبجد موضوع حلو واسف ياجوليت خدت منك اقتباس لانى مكسل اكتب شوية:D |
السلام عليكم ورحمة الله وبركاته أولاً فكرة الموضوع حلوة اوي شكرا د.نبض الأمة ، ثانيا انا الحمدلله مجموعي ماكانش يجيب طب ولا حاجة وممكن تقولو ان صيدلة القاهرة جاتلي على الحركرك لأني جايبة 394 ( مجموع زي الفل ) وهيا واخدة 393 وأساساً انا مكنتش عايزة طب سبع سنين وغير كده صعبة والأهم اني مش قدها لأني أصلاً مش بحب المذاكرة أوي، أنا بقى اخترت صيدلة لأن ممكن تقولو كده ان شباب وبنات عيلتنا منقسمين نصين إما هندسة أو صيدلة ( دحيحة ;) ) وبما إني في الرياضة فاشلة فشل ذريع طبعاً لم أتوجه لقسم الرياضة .... ما علينا عشان متتخنقوش:mad: انا بحب مجال التدريس جداً جداً جداً فأتمنى إن شاء الله اني اجيب تقديرات عالية وأكمل في المجال ده :D بالنسبة للأنشطة انا لو عليا اتمنى اشترك في كل الأنشطة لأني بجد بلاقي نفسي في الحاجات ده مش بين الكتب غير كده انا من زمان أوي في المجال ده كنت مشتركة في فريق الزهرات وكنت دايماً الــBig Boss ( اه الزهرات يعني مجال الكشافة بس انا كنت عايشة في الإمارات ) يعني ممكن تقولو كده اني بحب الأنشطة أكتر من المذاكرة بكتيييييييييييييييير :confused: بالنسبة بقى لآخر سؤال لأني تعبت من الكتابة انا نفسي اشتغل بس مش في صيدلية ولا في شركة أدوية أنا نفسي أعمل حاجة تاني أصنع أدوية ( ربنا يستر على مستقبل الدواء في مصر...:eek: )يعني أعمل حاجة مختلفة من الآخر أنا بكره الروتين فعشان كده انا بحب أشتغل حاجات مش تقليدية وعشان كده أكيد مش هلاقي شغل.... ونعتذر للإطالة.... تحياتي،،،،:) |
السلام عليكم ورحمة الله وبركاته
اولا بحب اشكر الدكتورة نبض الامة على هذا الموضوع الرائع والشيق اولا انا دخلت كلية صيدلة بالرغم من ان عائلتي كانت تريد دخولي كلية الطب ويا جماعه مش شرط ان الانشان دخل كلية الصيدلة يبقى مش حاصل على مجموع كلية الطب ده كلام عاري تماما من الصحة لاني انا حاصل في الثانوية على مجموع 409.5 وصيدلة طنطا اللي هي مدينتي واخده من 394.5 بالنسبة للتقدير اللي انا ناوي باذن الله احصل عليه باذن الله انا ناوي على امتياز ومش امتياز بس لا والاول على الدفعة وبوجه انذار شديد اللهجة الى كل طلبة صيدلة طنطا وبقول لهم خلوا بالكم العبقري جالكم وبالنسبة للمشاركات والرحلات وكده ده على حسب وبعدين انا مش داخل الكلية العب واطلع رحلات انا ليه هدف معين ولازم احققه حتى لو على حساب نفسي وان شاء الله بعد التخرج انا حاليا بعمل دراسات على مرض السرطان وبعرف كل حاجه عنه من خلال الاطباء والكتب وان شاء الله اجد علاج لهذا المرض اللعين يا رب وفقني الى ما تحب وترضى وبالتوفيق للجميع باذن الله |
حقيقى كلامكم رائع جداااااااااااااا وادانى دفعه كبيره
انا دخلت صيدلة لانى من زمان محدده هدفى وهى دى المهنة اللى انا بحبها بابا كمان صيدلى ومحتاج حد يساعده ونفسى اجيب امتياز كل سنه وربنا يوفق الجميع اللى داخل صيدلة القاهره يقول عشان نساعد بعض وشكراااااااااا |
اتمنى التوفيق للجميع
|
الصيدلة حياتى
أولا شكرا على فكرة الموضوع
ثانيا :الحمد لله جاتلى صيدلة القاهرة ولو كان مجموعى يجيب كب كنت دخلت صيدلة بردو بالنسبة لهدفى انا عايزة اكون متميزة يعنى بإذن الله اكون معيدة فى الكلية وبعدين اكمل الماجستير والدكتوراة ومن ثم عايزة اصنع ادوية وأكيد هكمل بعد الدكتوراة الدراسة فى الخارج بس قبلها بإذن الله عايزة أكون داعية إسلاميةأدعو للاسلام فى داخل وخارج العالم العربى وبإذن الله أكون حفظة المصحف بالتجويد والاحاديث النبوية وكمان أترجم الكتب الدينية إلى لغات أخرى وأقوم بتأليف الكتب فى المجال ده و عايزة أعمل دراسات تتعلق ب Dna لأنى حبيت دراسته فى الأحياء بالنسبة للأنشطة فى الكلية إن كان فيها ما يفيدنى فربنا يسهلها . انا حاسة إنى كتبت كتير وحاسة إنى لسة عايزة اتكلم بس كفاية كدة لحسن تتضايقوا أستودعكم الله |
| جميع الأوقات بتوقيت GMT +2. الساعة الآن 06:37 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.