ارجو المساعدة بسررررررررررعة
 

انا ياجماعة كنت فى علاج طبيعى وايجالى درجتين تظلم وطلعلى بطاقة ترشيح صيدلة الزقازيق وانا من الشرقية فى راى حضراتكم ادخل علاج طبيعى ولا صيدلة علما بان الصيدلة فى الزقازيق وهيا قريبة منى جدا والعلاج فى القاهرة يريت حد يساعدنى

بس حضرتك اهم حاجه تشوف ميولك الاتنين كليات حلوه و كليات قمه و مستقبلهم كويس جدا

بص لا غبار ان الصيدلة رائعة وادخل الى تحبة لكن طب المستقبل العلاج الطبيعى خصوصا بعد تطبيق الدى بى تى الى هى الدكتوراة المهنية وبتاخدها اول متتخرج تبع شهادتك وهى درجة ما بين الماجستير والدكتوراة هتسمحلك تكتب جميع الادوية مش متحدد بقايمة هتسمحلك تطلب تحاليل واشعات الحالة تيجى مباشرة مش محولة من طبيب اخر هو دة بيحصل بس دة قانونى والشهادة معادلة للشهادة الامريكية و 60 فى المية من خريجيها فى امريكا وهى رقم 3 على العالم بعد كندا وامريكا لو انت حابب تبقى دكتور ليك التصاق مباشر مع المريض ادخل علاج طبيعى بتحب الادوية والتركيبات وتصنيعها ادخل صيدلة وصلى استخارة واى استفسار تحت امرك وياريت تطمنى هتعمل اية بلتوفيق ان شاء الله

اسفة للتدخل لكن اى جامعة حاصة ليها مدينة جامعية خاصة بيها واسعارها بتبقى من 10000 ل 18000 جنبة وبيبقى فية جنب الجامعة اماكن سكنية للطلبة جنب الجامعة بتبقى ارخص يعنى بتبقى من 5 الاف ل11 الف وممكن تاجر شقة لوحدك او مع زمايلك ودى بتبقى فى حدود 700 ل 1000 جنية فى الشهر دة فى المجمل يعنى

دكتورة/جاسمين

اخصائى العلاج الطبيعى وعلاج السمنة

مستشفى الامريكى الخاصة بدبى