|
أدمنت الرأس التخبيطا
أدمنت الرأس التخبيطا إهداء لكل من أثقله وهم الحب بلا أمل لكل من اصطدمت رأسه بحائط السراب وظن أنه سيمرق من خلاله إلى واحته الخضراء التي لاوجود لها إلا في مخيلته إلى كل من تعلق بأحبال الحب البالية أهدي عملي (الكوميكتراجيدي) آملاً أن ينال الإعجاب ********* أدمنتِ الرأسُ التخبيطا في الحائطِ دوماً تصطدمُ والقلبُ اتخرَّطَ تخريطا واشتعل بنارٍ تضطرمُ ***** والحبُّ كمسمار دقدقْ قد دقدقه رمشُ غزالي والبحرُ عميقٌ قد أغرقْ ما انا كنت لوحدي وف حالي وقالولي اللي يحبُ عبيطا واللي ما يحبش محترمُ ****** أدمنتِ الرأسُ التخبيطا في الحائطِ دوماً تصطدمُ والقلبُ اتخرَّطَ تخريطا واشتعل بنارٍ تضطرمُ ******* يا من يمنحني ترباساً كي أغلق قلبي الولهانَ ولا هفضل دايماً محتاساً ولا مشتاقاً ولا ظمآنا على قلبي سأصنع تحويطا ولصوت العقل سأحتكمُ ****** أدمنتِ الرأسُ التخبيطا في الحائطِ دوماً تصطدمُ والقلبُ اتخرَّطَ تخريطا واشتعل بنارٍ تضطرمُ ****** يا من أحببت بلا أمل هيا افتح ودنك لكلامي قوم اهرب فر بلا خجل قوم يلا بسرعة قدامي لا تتلكع لا تبليطا ستعيش سعيداً تنسجمُ ******* أدمنتِ الرأسُ التخبيطا في الحائطِ دوماً تصطدمُ والقلبُ اتخرَّطَ تخريطا واشتعل بنارٍ تضطرمُ ****** هيا تزوج واحدة تليقلك اختر وتأنى دي جوازة ودّعْ وهمك دا هيضلك وستختم حبك بجنازة دي وصفة سهلة وبسيطة وبمسك ختام تُختتمُ ******* أدمنتِ الرأسُ التخبيطا في الحائطِ دوماً تصطدمُ والقلبُ اتخرَّطَ تخريطا واشتعل بنارٍ تضطرمُ ******* |
جميلة اوى الكوميكتراجيدية دى
بس دى نصنفها ايه برده ياريت تتقبل مرورى |
نصنفها رباعيات .. يا أختي وشكراً على مرورك الرائع
|
تحية احترام وتقدير لحضرتك
اقتباس..
هيا تزوج واحدة تليقلك اختر وتأنى دي جوازة ودّعْ وهمك دا هيضلك وستختم حبك بجنازة دي وصفة سهلة وبسيطة وبمسك ختام تُختتمُ الاخ الاستاذ نجم تسلم ايدك جميله قوي ولو اني لم استوعبها من اول مره لكن بعدين فهمتها تحياتي |
اقتباس:
قصيدة بجد رائعة .... رائع التصوير الساخر من الدنيا و ظروفها الدنيا اللى بعيدة كل البعد عن مقاييس الحب و ما بتعترفش بيه الحب ده صناعة دنيوية ...... عشان الدنيا تبهرنا بيه بس و تلاقى نقطة ضعف فينا تضربنا بيها عموما طبعا القصيدة تحفة و الموضوع زى كل المواضيع بتاعتك فى كل أشعارك بالتوفيق يا أستاذى و منتظر أعمالك |
حمد لله على سلامتك وعودتك
عود أحمد يا نجمنا انتظر منى غوص ببحورك يا شاعرنا |
يا من يمنحني ترباساً
كي أغلق قلبي الولهانَ ولا هفضل دايماً محتاساً ولا مشتاقاً ولا ظمآنا على قلبي سأصنع تحويطا ولصوت العقل سأحتكمُ شاعرنا المبدع الله الله الله عليك عيني بارده عليك ودمت رائعا ومدعبا دوما |
مقدمه جعلت دموع عينى تتساقط
بجد موضوع كثير جميل ومميز كما تعودنا منك ويارب نشوف لحضرتك اعمال اخرى قريبا. اما بالنسبه لبندق(الحب ده صناعة دنيوية ...... عشان الدنيا تبهرنا بيه بس) فياريت توضح المقصود بالجمله دى لان الحب ربنا وجده فى قلب كل انسان من اول ما اتولد صحيح بعضنا قدر يحافظ عليه ونماه والبعض الاخر تخلى عنه مع انه اثمن المشاعر. |
اقتباس:
النوع دا زمان كانوا بيسموه طقطوقة وكان فيه فرقة زمان مشهورة بغناء الطقطوقات أو الطقاطيق كما يسمونها وشكراً على المرور الرائع اقتباس:
الحب يا أخي الغالي لا أعتقد أنه صناعة ولكني أعتقد أنه فطرة وطبيعة أصيلة في النفس البشري فكل ما لا يدوم منه فهو المصنوع وكل ما يدوم منه فهو المطبوع شكراً لمرورك اخي الكريم وأنا أعتقد أنك لا تقصد الحب على إطلاقه إن صدق حدسي اقتباس:
منتظرك يا فنان .. ويارب تكون بخير اقتباس:
شكراً على الرد الرقيق والمرور الرائع جزاك الله خيراً اقتباس:
السخرية من مشكلة ما أو مصيبة ما يخفف وطأتها وحدتها وهذا ما قصدته فملايين القلوب عانت وتعاني وستعاني من الحب المصنوع ولكن الأمل قائم في ان تلقى القلوب حب الفطرة الدائم بإذن الله |
يا الله
رائع كعادتك يا أستاذى سلمت يداك |
برافو برافو برافو برافووووووووووووووووووووووووو .....إلخ جميلة قوى بجد مش لأقيه كلام أعبر بيه ربنا يوفقك تقبل مرورى |
اقتباس:
اقتباس:
|
إيه ياعم الجمال ده..فكرتنى بالذى مضى..الله الله يابدوى و جميل يسرا..و الأدباتى.. ووفد الأدباتيه.. عموما ده شعر "حلمنتيشى"و أصلها " حالما ينتشر" ثم حرفت و يمكن من رواده الآن فى مصر " المهندس ياسر قطامش" طبعا إنت راجل دمك خفيف و سخريتك وظفتها كويس و إخترت بحرك" المتدارك " على ما أظن" و سبحت و غطست و قدفت.. بس الحمد لله ما غرقتش... فى إنتظار كمان غطس
|
جميييييييييييييييييييييييل
|
اقتباس:
اقتباس:
|
| جميع الأوقات بتوقيت GMT +2. الساعة الآن 03:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.