|
إلى أعضاء المجموعة الهندسية
السلام عليكم ورحمة الله وبركاته إلى سكان القسم الهندسي أهلاً ومرحباً بكم في الآونة الأخيرة بدأت تظهر عدة انتقادات وصراعات ومشاكل لا أعلم لماذا ولكنني أعلم أن ورائها شخص واحد فقط هو لم يقصد تلك المشاكل بعينها ولكنه يظن أنه بفعلها فإنه يفعل الصواب او ربما يفعلها إنتقاماً لموقف معين لن نحكي فيها كلها ولكن ساتكلم عن اليومين الآخرين فقط تمهيد في البداية لا تنسو التبليغ عن هذا الموضوع أنه مخالف عشان يروح هو كمان صوت الأعضاء النقطة الاولى قام بعض الاشخاص بالتبليغ عن أحد المواضيع انها شات وتم تقديم فيها "تورتة" وهذا أمر مرفوض طبقاً لمبادئ العدالة والسلام في القسم مع أنه في قسم الاهداءات توضع صفحة كاملة من التورتات والهدايا والشوكولاه ومع ذلك لا احد يعلق او يشتكي ولكن الامر المرفوض هو وضع إحداها في قسم الكلية الهندسية طبعاً لأنه قسم المساطر والمثلثات وليس قسم الهدايا النقطة الثانية قامت إحدى الشركات بتهنئة أحد عامليها بنجاحه في مهمته ودخوله القسم الذي يريده ولكن هذه الشركة ليست محل التهاني والمباركات لذا تم نقل هذا الفرح إلى بلدة أخرى لتقام التهنئة هناك وطبعاً حيث أن العاملين لا يقنطون في تلك البلدة لذا تم هجر تلك المناسبة وأصبح من يردون عليها من هم خارج تلك الشركة وهم من البلدة الأخرى وطبعاً لا دول يعرفو صاحب المناسبة ولا صاحب المناسبة يعرفهم المهم راحة صاحب الشأن !!! النقطة الثالثة أقام المنتدى مسابقة جديدة وهي وسام جميل لصاحب أكبر عدد من المخالفات في قسمه وقد نتج عن تلك المسابقة أنه تم تهميش دور "المشرفين" في القضية مما أدى لثوران الكثيرين دون جدوى وكان نصيب الوسام للقسم الهندسي حيث حاز أحد أعضائه على الوسام بجدارة !!! هذا عوضاً عن الشهرة التي اصابت تلك القسم النقطة الرابعة بعض الأعضاء - والذي اتمنى أن تحذو حذوهم - قرر بعمل موضوع جديد يعتذر فيه عما بدر منه في الآونة الأخيرة هذا التصرف يجعلك طبعاً تستحق الاحترام والتقدير ولكن ما يثير العجب حقاً أنه قد استغل هذا الموضوع في الاصل ليكسب المزيد من المخالفات في قسم صوت الاعضاء بالطبع فهو يريد أن يعلو صوته صوت الكل ولو رغماً عنهم أخيراً وخلاصة الموضوع لو الموضوع ده اتقرا من أي مكان بره محدش حيفهمه عشان كده متتعبش نفسك في فهمه وضع موضوع في صوت الاعضاء قبل ان يمر على المشرف هو في حد ذاته مخالفة !!! لا تكن كالذبابة تعلم أن أهل المنزل لا يطيقونك وتستمر في زيارتهم وبالنسبة للمواضيع معتقدش فيها مانع لو كان الموضوع اللى حيتحط في القسم قاصر على اعضاء القسم فقط سواء كان مناسبة او اقتراح او استفسار هندسي لأنه هنا مكان التقاء المهندسين والموضوع اللى بيطلع بره بيطلع من دايرة المهندسين كده انا قلت كل اللى عندي ومش عايز افصّل اكتر من كده بس المتابع حيفهم و المهم تكون الرسالة وصلت والسلام عليكم ورحمة الله وبركاته |
اقتباس:
|
no comment
|
نظراً لإنه في ناس كانت غايبة وناس محضرتش المواقف أنا حكتب بالتفصيل كل حاجة النقطة الاولى بتتكلم عن الشات القسم كان فيه تفاعل كبير بين الاعضاء ومحلصش إنه كان في تعارفات ولا تبادل ايميلات وكان كل حاجة ماشية تمام وموضوع رابطة الاسكندرية واحد زيي مش في اسكندرية ولا يعرف اصحابها يدخل نفسه ليه في حاجة ملوش فيها اكيد مش حدخل لكن في ناس تانية ميعجبهاش اللمة والجماعة راح مبلغ عن الرابطة على الرغم إنه المشرف بلال من الرابطة وهو متابع كل حاجة طيب موضوع الوسام اللى بقول عليه مجرد وسيلة لايضاح ما يحدث فقد اعتقد هذا العضو انه بجمع تلك المخالفات من القسم ربما حيسكب منه وسام صوت الاعضاء ولا حاجة مش فاهم انا ايه اللى مدايقه بس عشان نفصل اكتر بالادلة حكاية الشركة ده قصدي بيها مجموعتنا هنا تم وضع هذا الموضوع لأحد اعضائنا وكلكو عارفينو وده الموضوع مبروووووووووك يا بلااااااااااااال إذا كنا كلنا في القسم الهندسي وعارفين بعض ايه الداعي يتبلغ عن الموضوع ويتقال مش مكانه دلوقتي الموضوع بقى مهجور وهو حالياً في الصفحة التانية في قسم الاهداءات والمناسبات وخلاص محدش شايفه طيب حنقول مش مشكلة الموضوع اخد حقه واديه اترمى الحاجة التالتة بقى عايز اعرف ايه فايدة مشرف القسم ؟ طب الطرف التاني بيقولي امال ايه فايدة صوت الاعضاء ؟ اقولك مشرف القسم اتعين على القسم مهتم بكل تفاصيل القسم من صغيرة لكبيرة الحاجة الوحيدة اللى مش بايده ايقاف العضو اما صوت الاعضاء معمول للتبليغ عن الاعضاء والصور المخالفة والتواقيع الخ طيب وموضوع المخالفات الغير تعليمي عشان حضرتك لما تلاقي المشرف خامل زي مشرفين كتير في المنتدى ومحدش مهتم بيه والمخالفات فيه بجد وكتير (زي ما في قسم التنسيق كده) وده بتبقى شتايم وسب وحاجات لا تحتمل الانتظار لكن للأسف برده يتم الخروج والتبليغ خارجاً الحاجة الأخيرة وده السبب الرئيسي في عمل الموضوع وهو موضوعك الأخير السلام عليكم............. ممكن افهم حطيتو ليه في القسم الهندسي مادام مش مكانه ؟ او بطريقة أخرى ايه الهدف من وضعه في القسم الهندسي قبل التبليغ عنه في صوت الاعضاء ؟؟ التفسير الوحيد هو انك لا تريد ابقاء القسم في رخاء فطبعاً وديت الموضوع هناك عشان واضح للجميع إنه القسم في مشاكل والاعضاء بيخبطو في بعض كل الافعال ده أدت إلى 1- قلة التفاعل بين الأعضاء 2- عدم نشاط القسم كما كان قبل ما تيجي وفي فترتك الاولى 3- استفزاز العديد من الاعضاء والغريب إنه لاحظت كتير من الموقوفين بسببك بس مش حقول انت اللى غلطان الحق يتقال برده 4- خلاص بقى معروف عن القسم كله إنه كله شات وخناقات ومفيش تفاعل في حكم وامثال كتير المفروض تتقال في الموقف ده بس اعتقد اللى اتقال كفاية واللبيب بالاشارة يفهم ده تفصيل بسيط للاحداث عشان اللى مش فاهم او اللى عامل نفسه مش فاهم يفهم وكمان اللى مش عاجبه الحال ممكن يمشي للأسف ده مش العضو اللى انا كنت اعرفه لما جه جديد ومعرفش ليه كل ده بيحصل والرأي فيك لا يختلف عليه اثنين الآن فهل أنت حقاً كنت تريد الوصول لذلك !!! |
مع انى مش فاهمه حاجه
بس حلو اوى الاسلوب |
وعليكم السلام ورحمة الله وبركاته
اقتباس:
بص يا محمد لما هو عم كدا مغلطش ايون دا مش قسم الهدايا والشاتدا قم تعليمى وممنوع فى اى قسم تعليمى شات او تورتة او شيكولا زى ما بتقول اللى البشمهندس عمله كان الصح اقتباس:
الشركة غلانة هيا وصاحبها يا ممد اقوللك ليه واحد هيعمل فرح هل هيعمله فى قاعة واللا هيعمله فى فصل جوة مدرسة اذن الشركة غلطانة فضلا عن صاحبها لانه وافق ان الفرح يتعمل فى مكان مش مناسب مع ان عدنا قاعة افراح طويلة عريضة سعة 300000 واحد اقتباس:
مش فاهمها صراحة ياريت توضح اقتباس:
لا مش مخالفة يا بشمهندس مهما كان البشمهندس مش تحت رحمة مشرف القسم ومش مطلوب منه يبعتله المخالفات امال احنا لازمتنا ايه بدو ثم البشمهندس لما اقترح اقتراح التقسيم كانت مجرد فكرة خطرت على باله ونا عن نفسى موافق عليها مش هنعلقله حبل المشنقة يعنى علشان مجرد اقتراح اقترحه لصالح المنتدى وليس لصالح مشرف القسم اقتباس:
ياريت اسلوبك يكون افضل من كدا يا محمد عيب انت مشرف مش عضو عادى وعيب لما يطلع منك كلام من ده ؛؛؛؛؛ م يا محمد القسم الهندسى مش مك لبن تمر هندى القسم الهنسى فيه نظام مضوع الاهدائات يبقا فى اهداءات موضوع الاقتراحات يبقا فى صوت الاعضاء واما ارسا رسالة للمشرف مفيش حاجة اسمها خرج من دايرة المندسين ولا مدنة نصر انت مشرف يا ممد واكد فاهم الكلام كل موضوع يبقا فى كانه ثم كلكم جايين على البشمهندس كدا ليه دا حتى الكلام اخد وعطا ياريت نبقا افضل من كدا ويا جماعة فى الاولوفى الاخر كلنا اخوات وياريت منقفش لبعض ع الوحدة دمتم فى رعاية الله |
طيب يا محمود
انا فصلت موضوعي تاني واتمنى تقرى الباقي ده اولاً ثانياً انا هنا بتكلم بصفتي عضو وليس مشرف ثالثاً حضرتك لست أدرى بأعضاء القسم وحوضحلك ليه القسم الهندسي عدد اعضائه اللى بيشاركه بره القسم يمكن تلاتة او اربعة بس عشان كده لما نبارك لحد بدخوله قسم معين مينفعش يتحط بره لأنه لا صاحب التهنئة يعرف حد من بره ولا حد من بره يعرفه يبقى الموضوع ميتحطش احسن اقتباس:
خلاص الاداريين ياخدو كل المهام ونشيل المشرفين بقى ومحدش قال يبقى تحت رحمة المشرف بالعكس بلال مفيش اطيب منه في القسم هنا وعلى فكرة انا مجبتش سيرة التقسيم خالص في الموضوع لأنه اقتراح كويس مش مشكلة ضارة بالقسم بس ممكن تسأله هو بدأ يعمل كده ليه من ساعت ما تم رفض فكرته ؟ جايز ممكن يرد اقتباس:
هو عمره اتناقش معانا في حاجة بعد موضوع التقسيم ؟ ولا بقى كله همه يجمع مشاركات اكتر في صوت الاعضاء ؟؟ في حاجات يا محمود زي ما بيتقال مينفعش يتطبق فيها القانون كاملاً وانا بتكلم كده من واقع الفترة اللى قعدت فيها هنا وجرب الحال على 3 مراحل مرة لما كان صحرا ومرة لما كان ارض خضرا ومرة دلوقتي لما قربت تبقى حمرا من كتر المشاكل ثم ده مش رأيي لوحدي وشكراً لصاحب الشأن إنه رد على الاتهامات بنفسه اقتباس:
اللى شايف نفسه بتنتطبق عليه المفروض يتجنبها وبالمناسبة الموضوع زاد عن حده وأنا آخر واحد ممكن يشتكي لو المشكلة كانت صغيرة كده |
يا محمد يا حبيبي
القسم هندسى وليس اهداءات لو انت بتقول ان عدد اللى بيشاركو اربعة ممكن تعمل موضوع فى اهداءات وتبعتلهم رسالة بالموضوع انما متخالفش القوانين وتقوللى اصل محدش يعرف ؛؛؛؛؛؛؛؛ كلامى يا محمد مش تقليل من مشرف القسم انا عارف انه بلال قايم بشغله كويس ؛؛؛؛؛؛؛؛؛؛؛؛ اقتباس:
بس فى حالة غياب المشرف العضو مش مطالب بارسال رسالة خاصة ليه علشان يبلغه عن مخالفة وعلشان كدا عملنا موضوع المخالفات ليكون كالمشرف المؤقت فى حالة غياب المشرف الرسمى اقتباس:
كل واحد حر فى مشاركاته طالما مشاركاته مش مخالفة اقتباس:
ولو معتبرنهاش فضيحة بردو النصيحة دى مش فى مكانها ولما تتكلم موضوع كامل شامل عن عضو معين وتحط نصيحة زى دى اكيد بتبقا متوجهاله ومش متوجهة لحد تانى ؛؛؛؛؛؛؛ خصة كلامى يا محمد انت عارف انك حبيبى وعمرى ما ارضى انك تزعل من كلامى انا اتكلمت بس لتوضيح وجهات النظر وياسيدى انتو مهدسين فى بعض فياريت نتعامل مع بعضنا بطريقة افضل ومش عايزين نكبر الموضوع دمتم فى رعاية الله |
اقتباس:
ايه الكلام الجميل ده عجبنى اوى الموضوع وشدنى اسلوبه اوى ومتزعلش نفسك يا هندسة ان شاء الله القسم حيرجع احلى واحسن من زمان كمان طول ما فيه اللى زيك انت والبشمهندس بلال عشان خايفين على القسم :039uw8: |
اقتباس:
|
كده يجماعه الموضوع تطور اوي والموضوع المفروض نلمه علشان محدش يزعل من حد يجماعه انتم جايين تزعلوا من بعض والعام الدراسي علي الابواب امال مين بقي هيشغل القسم لو كله زعل من بعضه انا مش هتكلم عن اخطاء اي حد لان الجميع خطائين ومش كلنا ملايكه حتي انا ممكن اغلط انا مش ملاك بس اهم حاجه يا شباب كدا تصلوا علي النبي وتهدوا ومحدش يفكر نفسه انه متهم لا كلنا زي بعض من العضو صاحب الالاف من المشاركات الي عضو صاحب مشاركه واحده مفيش اختلاف بس كلنا بنسمع خبره الاعضا القدامي وارجو ان مكنش طولت عليكم
|
صح انا شايف ان لازم القسم الهندسي يبقى كل حاجه فيه خاصه بالمهندسين يعني نعمل كل حاجه هنا ناخد معلومات من هنا ونبارك لبعض هنا
لان واحد زيي مثلا بدخل المنتدى عشان القسم الهندسي بس ومبفتحش اي قسم تاني الا نادراااا فلو عملو مثلا موضوع المباركه في قسم المباركات مكنتش حاخد بالي خالص |
بقى بزمتك انت هندسه ؟؟؟
انت اديب يا ابنى ايه الجمال ده بالنسبه للمضمون فانا فى حتت موافقك فيها و حتت لا و مش لازم تفاصيل لان رردى مش هيغير حاجه المهم حول من كليتك :d فى رعاية الله |
اقتباس:
عادي يابني مفيش مانع يبقى الواحد متعدد المواهب :d احم انت جاي تهزر ولا ايه كلها سنتين وحتلاقيني مستنيك هنا :d ****************** ياريت لو حد عنده رأي من القسم الهندسي فقط يضيفه لأنه أي حد من بره أكيد متابعش حاجة وحيجاوب اجابة تقليدية طبعاً للعرف السائد واي حد من الادارة عايز يتكلم اهلاً وسهلاً (احنا نقدر نمنعكو :d) وانا كفيل بالرد عليه |
اقتباس:
والله انت قلت كل اللي في نفسي وكل اللي كنت عايزة اقوله:) ومش حزود على كلامك نص كلمة وشكرا |
| جميع الأوقات بتوقيت GMT +2. الساعة الآن 12:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.