يا ريت مساعدة من الدكاترة...
 

بسم الله الرحمن الرحيم

أولا انا اولي طب و كنت محتاجة مساعدة من اخواتنا الدكاترة الكبار في بعض التفاصيل الخاصة بالمواد
انا عايزة أعرف ازاي اذاكر Anatomy
يعني ده حفظ ولا فهم ولا ايه؟
انا اتعقدت من الكلية وكنت بس بطلب توجيه من الدكاترة الافاضل..
ويا ريت حد يقولي أعمل ايه فالبايو عشان مش بيتشرح عندنا كويس خالص!!
شكرا لو حد ممكن يقول نصيحة تنفعني ويكون في ميزان حسناته

هههههههههههههههههههه
جميل اوي الشعور بتاع التعقيد دا :d

تقريبا مفيش واحد دخل طب ومحسش بالشعور دا :d

ع فكره ف الاول بس الواحد بيكون مخنوق من نفسه
وبيكره اليوم اللي شاف فيه الكلية دي
حاجه عادية يعني :d

المهم الاناتومي بجد من اجمل واسهل المواد سواء كمذاكرة او كتجميع درجات ف الاخر

المشكله ف الاول بيبقي عامل اللغه
فبتبقي صعبه ف الاول
لاننا مبنكنش متعودين ع الترجمه او المصطلحات اللاتينيه

ع فكره مش مطلوب ف الاول غير ان حضرتك تركزي ف الماضرات
وترجمي المحاضره كويس بعد ما تخلصيها
وتبقي تقريها كمان مره ف البيت وتحاولي تفهميها
ومع حضور السكاشن بيبقي الموضوع ثبت كفهم
فمذاكرته بتبقي اسهل

بجد فتره كدا وحتستمتعي بمذاكره الاناتومي بجد
يعني الموضوع سهل ومش صعب

الاناتومي ببساطه عباره عن وصف لتشريح الجسم
سواء اعصاب او اورده او شرايين او عضلات او اعضاء
الموضوع لو اتحضر كويس ف المشرحه مع شوية تخيل
حيبقي تافه اوي ف مذاكرته

بالنسبه للبيو بقي
ربنا معاكي :d

قعدت سنتين احاول افهم حاجه ف الماده دي لحد ما اتعقدت :d

ياريت تبقي تشوفي حد اكبر منك يساعدك ف المذاكره ف الاول

انا معاكي والله البايو معقدة جدا خاصة ان الدكتور حاسس انها سهلة وبيحاول يقنعنا بكده وكمان الفسيولوجي خاصة التنفسي مش فاهمة حاجة فيه ياريت حد يقوللي افهمه ازاى

انا مش فاهمه حاجه فى البايو برده ومش عارفه اعمل ايه او اذاكر ازاى

akeed ento fe teb tanta 3moman ana shayef en law 7ad fekom 3awez yfham bio sa7 y7awel yfhamo m3 nafso ba3d kda law mafhemsh 7aga momken mayzakersh bio 5ales l7ad a5er el sana hayla2y nafso fehmo lwa7do mn 3"er waga3 2alb

البايو مش فاهمين منها حااااااااااااااجة دى اسهل مادة عندنا غريبة دى
البايو افهميها هتبقى زى الفل معاكى باذن الله
الاناتومى زى ما قال دكتور باسم احفظى المصطلحات وتخيلى هتبقى الحياة لونها بامبى

الاناتوي عملي يعني تخيل + تجربة
امسك العظم

البايو اقراه و فهمه لنفسك وبعدين شوف
يعني خليك دكتور ودرس نفسك

شكرا ليكم جميعا وجزاكم الله خيرا