السلام عليكم

مشروب الشوكولاته بدل شرب النسكافيه و الشاي و الحاجات اللي بتبوظ الجهاز العصبي و اللي صعب الاقلاع عنها
طبعا المشروب ده طعمه زي ايس كريم الشوكلاته بس سايح و بيدي طاقة و يصحصح بس مش مضر زي الشاي و النسكافيه
و انا عن نفسي جربته و كان تحفه و ممكن كمان تجيبوا قطع فراوله او موز و تحطوا عليها من المشروب ده هتبقي طعمها خرافه

المقادير:
4 كوب لبن
كوب و ربع سكر
نص معلقة صغيرة فانيليا
ربع معلقة صغيرة بودرة نسكافيه
150 جرام شوكلاته مطبخ


العمل:
يوضع اللبن و السكر و الفانيليا في حلة علي نار هادئة و يقلب حتي ذوبان السكر و نلاحظ ان لا يغلي الخليط

بعدها نبشر الشوكلاته و نضعها مع النسكافيه عي الخليط ثم نقلب علي النار الهادئة حي ذوبان الشوكلاته تماما و يصبح الخليط ناعم و ليس به اي شوائب

بعدها تقدم ساخنة او ساقعه

و ادعوا لي :lol:


معلقة صغيرة= معلقة الشاي
المقادير تعمل لتر و نص من هذا المشروب

thanks.. i will try it when i get home inshaAllah... right now i'm at school

شكراً ليكِ على الوصفة وبإذن الله هبقى أجربه إن شاء الله..

العفو و ان شاء الله يعجبكم

بجد جميل بس بعد الكابتشينو مفيش انت بتتكلم فى ايه

كابتشينو ايه ؟ الحاجات دي ضررها اكبر من نفعها

الف شكر
مش بعرف اعمل حاجة فى المطبخخخخخخخخخ
غير القهوة

فكرة جميلة فعلا بدل القهوة اللى بشربها كل يوم

ايه ده احنا كده بصرة يا محبة الله :lol:

ههههههه يا جماعة جربوا ده مش هياخد اكتر من ربع ساعه و بعدها ممكن تحطوه في التلاجه و تشربوا منه في اي وقت

لا ياستى مش عايزة انضرب
لو شافونى فى المطبخ فيها ضرب نار
عشان عارفين اللى هيحصللو
ابسرة ب30 يالومة هههههههههه

ههههههه احسن حاجه في الدنيا ان الواحد يدخل المطبخ و يعد يفنن مش مهم بقي المطبخ يضرب يقلب المهم ان الواحد يتعلم ;)

معلش بقى يا محبة علقة تفوت ولا حد يموت لازم تدخلى المطبخ
ضحى عشان خاطر المنتدى
فين الشجاعة والاخلااااص
ها دخلتى طعمه ايه بقى
(اصلى خايفة اعمله ) :P

جوعونا بقى :)
يا ماما الحاجات دى مبتدخلش عندنا البيت انتى بتتكلمى فى ايه
مبتدخلش غير فى المناسبات :P
ان شاء الله هحاول اعملها على العيد الصغير كده
يلا سلام وشكرا ليكى يا جميل على الوصفه وجارى التنفيذ

ماشي لما تبقوا تعملوه ابقوا قللوا السكر شويه عشان انا اخر مره عملته زودت السكر و للأسف رميته

لا احنا مقيش حاجه هتترمى باذن الله
هيتاكل يعنى هيتاكل
سلام