سؤال هام للنجم الكبير
 

أنا عايز أقول لحضرتك أن اكتر اتنين بأثق فيهم فى المنتدى كمعلمى دراسات وبتعلم منهم حضرتك وأ/ هانى أبو الحمايل
انا مدرس دراسات وعندى مشكلة عايز اتأكد منها المشكلة انى طبعت كمية كبيرة من مذكرات الصف الاول والتانى الاعدادى تكفى لثلاث سنين ادام
وعرفت خبر ان الوزير بيقول بعد العام القادم ستتغير كل المناهج مرة أخرى ؟! فهل فعلا ممكن ان تتغير الدراسات مرة اخرى العام القادم
أرجوك افدنى

فى الحقيقة انا لا يوجد لدى أى علم بأن المناهج هتتغير تانى بعد التغيير اللى حصل

وإن كان فى تغير مش هيكون قبل خمس سنين على الاقل

وربنا يوفقك أن شاء الله

ويرزقك بحيث تخلص الملازم بتاعتك السنة ده وتستريح من التفكير


وكل عام وانت طيب وصحة وسعادة ورزق

بارك الله فيك

وشكرا على الثقة الغالية ده

وياااااااااااااااارب اكون دائما عند حسن ظن جميع الاعضاء

أولا :بأشكرك بجد انك ريحتنى ورديت لانى فعلا سمعت خبر ان مش ممكن تتغير قبل خمس سنوات
ثانيا : اتمنى واتشرف ان اعرف اميل حضرتك
ثالثا : مش فيه أخبار عند حضرتك كتاب 3 اعدادى الجديد هينزل امتى
رابعا :ألف مليون شكر لحضرتك

بتحب الفراعنة لية انت مش تعرف انهم كفروا بسيدنا موسى مش لنسى حاجة زى دى ولا اية انت اصل مسلم لان فية ناس كتييييير بقولوا احنا احفاد الفراعنة لا احنا احفاد المسلمين

استاذى الفاضل سيادتك سبت الموضوع الاساسى وبتتكلم فيه

انما الاعمال بالنيات يا استاذى وانا نيتى الفراعنة احنا احمد زويل د/ مجدى يعقوب فاروق الباز منتخب مصر السادات كل اولاد مصر
انا باحب الفراعنة اصل المصريين
واللى ينسى اصله ...............
امة لا تاريخ امة بلا مستقبل
والفراعنة دول هما اللى بنوا تاريخ مصر واثروا فى كل العالم لوحضرتك مدرس دراسات اعتقد مش هاتقول كده

عفوا
هم العرب مش رفضوا الدين الاسلامى فى بدايته و حاولوا *** سيدنا محمد
سؤال ايه دخل الفراعنة بالاسلام ؟؟؟؟؟؟

الموضوع كبير
 

اولا عايز اقول حاجة مافيش حاجة اسمها تعصب
وبعديين احنا مانتشرفشى نكون من الفراعنة ونتشرف ان احنا مسلميين
مش الفراعنة دووول اللى طغوا فى البلاد وكفروا وبعديين من احب قوما حشرا معهم
يعنى الفراعنة لو دخلوا النار ايه ..........................................
احنا مسلميين

الرجاء غلق باب التعليقات السطحية من اخوانا علي اسم( باحب الفراعنة ) وتذكروا حديث رسول الله ( انما الاعمال بالنيات ولكل امريء ما نوي )

كل واحد ونيته بلاش نعمل فيها فقهاء ..... سيبوا الفقه واصدار الاحكام الشرعية لاصحابها

انا مع هذا الرأى