اسئلة لأطباء الاسنان والصيادلة ارجو الرد وشكراً
 

السلام عليكم ورحمة الله وبركاته
لو سمحتم يا دكاترة انا محتار وعاوز اسالكم شوية اسئلة لدكاترة الاسنان وياريت تجاوبوني وانا متاكد انكم حتفيدوني وتجاوبونى بصدق
انا كنت بفكر فى الفرق وانهى افضل الصيدلة ولا اسنان بالنسبة ليا

انا الصيدلة والأسنان الاتنين زي بعض بالنسبة ليا ومش بكرههم ومش بحب واحدة اكتر من واحدة وبحب الكيمياء والاحياء زى بعض

اولاً : هل لما تدرس طب اسنان حتحبها اكتر ؟؟ لانى بصراحة عادى ولا بحبها ولا بكرهها لكن هل لما تدرسها حتتفوق وتحبها اكتر ولا لأ؟ لأنى لو دخلتها ان شاء الله يبقى نفسى ابقى دكتور شاطر فهل ححبها اكتر مع الوقت ودراستها ؟

ثانياً : هل لازم تعمل اى دراسات اخرى بعد ماتتخرج من كلية طب اسنان ولا لأ ؟؟ يعنى طب بشرى لازم تعمل ماجيستير مثلا عشان تقدر تشتغل والناس تجيلك فهل اسنان كدة ؟

ثالثاً :ازاى تكون دكتور شاطر وتعمل اسم كبير وهل ده ممكن فى فترة مش طويلة؟؟

رابعاً : بالنسبة للناحية المادية أيهما افضل الصيدلى او طبيب الاسنان (والله عارف ان الرزق بتاع ربنا لكن عموما عقود العمل وعقود السفر وهكذا ايهما اعلى ؟؟ )

خامساً : كم تكاليف فتح عيادة بعد التخرج ؟ وهل حيجيلك احد ؟ لانى اعتقد ان مافيش حد حيروح لدكتور صغير فى العمر ولسه جديد ؟!

سادساً : معروف ان الصيدلى مثلا طريقه اما الشغل فى شركة او السفر ولما يعمل راس مال بيفتح صيدلة ، اما لو معاه راس مال من الاول بيفتحها اول لما يتخرج -- لكن طبيب الاسنان ايه طريقه لو معندوش امكانيات يفتح عيادة ؟؟ هل بيشتغل لمدة سنة او سنتين كخبرة فى مستوصفات بأجور رمزية مثلا وبعدها بيسافر مثلا سنتين تلاتة اربعة ويرجع يفتح عيادة ويشترى شقته ولا ازاى مصير حياته بيكون يعنى باختصار لو اتخرجت ومعكش فلوس كافية بتعمل ايه ولا ايه الطرق اللى ممكن تمشى فيها ؟؟؟؟؟؟؟ ارجو التوضيح بالتفصيل الممل لو سمحتم

سابعاً : انا من اسرة متوسطة الحال فهل صعب انى ادخلها واكمل فيها ولما اتخرج استمر ؟؟

ثامناً : ليه كلية طب اسنان بيبقى اعداد خريجيها مش كبير ؟ هل مفيش اقبال عليها ولا ليه ؟

تاسعاً : انا اعرف انه ممكن تشتغل كتكليف عند الحكومة فهل ينفع لما تتخرج تشتغل فى التكليف شوية مثلا 6 شهور بعدين توقف التكليف مؤقتاً وتسافر مثلا وبعدين ترجع بعد سنتين ولا حاجة وتكمل التكليف بتاعك ولا لأ ؟

عاشراً : هل معيدين الكلية بإمكانهم فتح عيادات خاصة بهم وهل مستواهم المادى جيد ؟

الحادى عشر : انا عارف ان الاسنان عملى كتير ولكن هل هى محتاجة حفظ كتير؟؟



وشكرا ليكم وانا عارف انكم حتساعدونى واسف على كتر الاسئلة بس ارجو الاجابة وشكرا

انت بتهذر صح ؟؟

مابهزرش؟؟
لو سمحتم يا جماعة جاوبونى على اللى تقدرو عليه وانا اسف

kalmk gamel gdn 3shan t7dd hadafk bs ana zaye zayk ya ret 7ad ygawb 3alek

وأنا كمان زيكم تمام ياريت حد يجاوبنا كلنا

تمام بصوا انا هجاوب على اسئلتكم كلها ان شاء الله

هل لما تدرس طب اسنان حتحبها اكتر ؟؟ لانى بصراحة عادى ولا بحبها ولا بكرهها لكن هل لما تدرسها حتتفوق وتحبها اكتر ولا لأ؟ لأنى لو دخلتها ان شاء الله يبقى نفسى ابقى دكتور شاطر فهل ححبها اكتر مع الوقت ودراستها ؟
بالنسبه لاول سؤال
انا كنت داخله اسنان بصراحه عشان مجموع وانا كان برده كان جايلى صيدله
وكنت هجرب اول سنه اشوف هل هحبها ولا لأ ولا محبتهاش هحول منها
بس بصراحه انا حبيت شغلها جدا
وحسيت ان صيدله دى مش كليه بقيت ليها سمعتها زى زمان حتى لو انت مثلا شوفت دلوقتى فى صيدله هل دكتور الصيدلى اللى بيعقد فيها دلوقتى بتلاقى واحد خريج معهد ممكن يشتغل فيها بعد شهر تدريب وممكن يحل محلك عادى
مع العلم انى برضه مش بحقر كده من كليه الصيدله
امااااااااااااااااااااااااااا بقه الاسنان فهما 5 سنين بعدها تقدر تفتح عيادتك تشتغل فى مستشفى 4 او 5 ساعات تاخد 1500 ونص مرتب مفيش نبطشيات من الاخر بتكون دكتور ولك برستيج
لا

ثانياً : هل لازم تعمل اى دراسات اخرى بعد ماتتخرج من كلية طب اسنان ولا لأ ؟؟ يعنى طب بشرى لازم تعمل ماجيستير مثلا عشان تقدر تشتغل والناس تجيلك فهل اسنان كدة
لا هما 5 سنين فقط

ثالثاً :ازاى تكون دكتور شاطر وتعمل اسم كبير وهل ده ممكن فى فترة مش طويلة؟؟
ده طبعا مش بيجى من فراغ لازم انت يكون عندك علو همه وهدف من الباديه محدده انى اكوووووووووووون دكتور مشهوووووور
زده بقه بيكون بالممارسه وعدم الزهق وانك تروحى مستشفيات تتضرب فيها كتير وفى الكليه برضه متخدش الحاجه كده وخلاص لا لازم تسال وتستفسر عن كل حاجه ودى جت من وازاى عشان الدوكتر مش هيجرى وراك :d

رابعاً : بالنسبة للناحية المادية أيهما افضل الصيدلى او طبيب الاسنان (والله عارف ان الرزق بتاع ربنا لكن عموما عقود العمل وعقود السفر وهكذا ايهما اعلى ؟؟ )
لا اسنان طبعا هناك فى اى دوله عربيه او اجنيه اسنان بتبقى اعلى دخل واعلى ناس
وممكن انت تدخل على النت كمان وتشوف وتبحث زى مانا عملت قبل مادخلها :)

كملى يا دكتورة ريهام كلامك حلو جدا

مع احترامى ليكى يا دكتورة ريهام كلية صيدلة دلوقتى بقا فيها قسم الصيدلة الاكلينيكة اللى حضرتك تجاهلتية ودة الاصعب فى دراستة عن صيدلة عادية وعن طب ومطلوب العمل فيى التخصص كطبيب صيدلى فى دول الخليج بكثرة لاة من المجالات الجديدة فى العمل واللى بيجمع فيها الخريج مابين الصيدلة والطب والعمل الاساسى فى المستشفيات فى الفريق الطبى المشرف على حالة المرضى فى المستشفيات ودة غير الصيدلى فى الصيدليات العامة والخاصة واكيد دور الطبيب الصيدلى بيكون واضح جدا لما يجى طبيب استشارى من الخارج مع فريقة الطبى وبيكون معاة على الاقل طبيب صيدلى .
اتمنى يكون وضح لحضرتكم اهمية الطبيب الصيدلى واى استفسارات تحت امركم

[quote مع احترامى ليكى يا دكتورة ريهام كلية صيدلة دلوقتى بقا فيها قسم الصيدلة الاكلينيكة اللى حضرتك تجاهلتية ودة الاصعب فى دراستة عن صيدلة عادية وعن طب ومطلوب العمل فيى التخصص كطبيب صيدلى فى دول الخليج بكثرة لاة من المجالات الجديدة فى العمل واللى بيجمع فيها الخريج مابين الصيدلة والطب والعمل الاساسى فى المستشفيات فى الفريق الطبى المشرف على حالة المرضى فى المستشفيات ودة غير الصيدلى فى الصيدليات العامة والخاصة واكيد دور الطبيب الصيدلى بيكون واضح جدا لما يجى طبيب استشارى من الخارج مع فريقة الطبى وبيكون معاة على الاقل طبيب صيدلى .
اتمنى يكون وضح لحضرتكم اهمية الطبيب الصيدلى واى استفسارات تحت امركم

][/quote]

انا اختى خريجة صيدلة طنطا ودرست المادة دى وملهاش لازمة فى مصر
بص حضرتك بالنسبة صيدلة معدتشي صيدلة بتاع زمان وغير كده التكليف عن قريب هيتشال لان عدد الخريجين كتير جداااااااا
فمثلا اختى تكليفها جه فى وحدة صحية فى ارياف دلوقتى بيشتغلوا فيها خمسة
فيودوا اخريجين الجدد فين
وطبعا ده ميقللشي من اهمية صيدلة وانها كلية صعبة جداااا