كليه التمريض؟؟؟؟؟؟؟؟؟؟
 

يا جماعه يا ريت اى حد يعرف اى حاجه عن تمريض يقولى بسرعه انا بجد مش عارفه بطلع ممرضه يعنى وخلاص ولا ايه انا كنت مقتنعه بعلوم بس اهلى مصممين على تمريض حد يقولى ويساعدنى
انا جايبه 93,5
وايه اخبار نظام التعيين فيها ولا صعب ولا ايه وايه اخبار دراستها

تمريض حلو مش وحش والكلية تنسيقها عالى زيها زى هندسة بس الفكرة فى ميولك انتى
ان اعرف ممرضات معاهم ماجيستير وليهم وضع حلو فى المستشفيات بس برضة ارجع واقولك انتى عايزة ايه .... اهم حاجة تحبى الحاجة اللى انتى دخلاها ... وبالنسبة علوم ممكن تتكلمى معاهم عن الكلية واقسامها وان ليها شغل كتير وتقدرى منها تبقى معيدة او دكتورة فى كليات تانية غير علوم ... انا بقولك كده عشان متحسيش انك مجبورة على حاجة او تكونى اتسرعتى.... استعينى بالله وحددى

انا مش تمريض خالص ومش حبه نفسى اطلع وابقى ممرضه
اهلى موافين عليها من ناحيه شغلها

وفى نفس الوقت بيقوللى سهله وهتتعينى فيها معيده بسهوله
وعلوم صعبه ومش ضمنا خالص فكره انى اتعين فيها ولو بذلت مجهود كبير

انا برده ماما عيزانى اكتب تمريض
بس خلاص الحمد لله رسيت على علوم ولربنا يسهل الحال

يا جماعة طول ما انتوا حطين فى بالكوا انها صعبة مش هتقدروا تنجحوا فى علوم

الموضوع سهل وبسيط كل اللى عليكى

انك تعدى مع نفسك وبراحة خالص وتسألى نفسك انا عايزة ايه ؟ ميولى ايه ؟ نفسى اطلع ايه ؟


لو لقيتى انها علوم خلاص صلى صلاة استخارة وتوكلى على الله ... ده ميمنعش ان الكلية تقيلة وانك هتتعبى فيها شوية عشان تقدرى تجيبى تقدير كويس بس الوصول لهدفك وتحقيق حلمك اعتقد انه شىء يستاهل التعب وبذل مجهود ..... مش عايزك تبصى على التعب بصى على النتيجة اللى ممكن توصيليها بعد التعب ده

ده كان مجرد رأى وليكى حرية الاختيار ... المهم استعينى بالله وربنا يوفقك

عالفكره كلام حضرتك خلانى افكر تانى انا حتى لو دخلت تمريض مش همشى فيها عشان انا مش حباها

الحمد لله على كل شى ان شاء الله هخش علوم واتوكل على الله
والف شكر لحضرتك