اعدادى الشروق
 

السلام عليكم يا رجاله الشروق طبعا رجاله شامله الولاد والبنات لان كل اللي يروح الشروق بجد هعتبره راجل والبنات مجازا رجاله لان مش اي حد يقدر علي الشروق الا الرجاله وده يرجع لكزا سبب

1) ان الشروق مش سهله كدراسه بالعكس نقدر نقول صعبه وبتوازي جامعه عين شمس وده بدون مبالغه
2) الشروق بعيده من كل الناس حتي اللي من القاهره وده لود عصبي و نفسي واحيانا لبعض الناس مالي
3) الشروق لازقه جنبها الجامعه البريطانيه يعني ام الاحباط والعقده اللي بيتصاب بيها معظم طلبه الشروق لاننا كنا بنحس اننا ولاد البطه السوده رغم اننا اكيد عقولنا احسن منهم بكتيير لان معظمهم ناس فاضيه
4) الحياه في الشروق جد جدا للي عايز ينجح يعني وسيله الترفيه الوحيده هما الاصحاب والاصحاب اللي الواحد ممكن بجد يرفه عن نفسه معاهم اصلا مبيجوش لانهم شاريين دماغهم فبالتالي هتلاقي اصحاب مش في همهم الا المزاكره اما الترفيه عن النفس والتقضيه مش في اهتمامهم اقصاك معاهم تتحايل عليهم علشان تاكلو في الكافتريا
5) مش عارف ليه السبب من اكتئاب جميع الطلبه اللي بتدخل الشروق بدون سبب يعني دي معاناه اكتر بس اظن ان السبب هو تصميم المباني وهو يشبه تصميم السجون في الشبابيك الصغيره وعلي النقيض تصميم ال bue جميل ومريح للعين وفيه انسيابيه
طب الحل ايه هديلكم خلاصه خمس سنين ويارب فعلا تفيدكم بس ادعوللي

1) الصبر
2) الصبر
3) الصبر
4) البرود الشديد لاقصي درجه يعني مثلا تدخل محاضره ومتفهمش حاجه عادي جدا والله كتيير بتحصل و ممكن الحاله دي تستمر معاك لاخر اسبوع في الدراسه بس تفاجئ انك وانت بتزاكر ان الموضوع اسهل مما كنت تتخيل
5) اوعي تستسلم لاحباط انك خلاص هتسقط
6)الحضوووووووووووووووووووووووووووووووووووووووووووو ووووووور بجد اهم حاجه
7) الصداقه اللي بجد تفيد
8) ابعدو عن الحب هيضيعكوا......... اللي عايز يحب يحب في سره
9) اللياقه البدنيه العاليه لانك ممكن يفوتك الباص وبالتالي هتضطر انك تتمشي للبوابه وكتيير بتحصل اما لو مكنتش اصلا مشترك في الباص اللياقه ضروريه جدا لانك غالبا كل يوم هتتمششي للبوابه
10) تبيض المحاضرات كل يوم (دي افتكاسه مني انا مكنتش بعمل كده)
11) مزاكره المحاضرات في نفس اليوم ( زي الي قبلها)
12) تحضير المحاضرات اللي هتاخدها ( محدش اصلا بيعمل كده في مصر)
13) تسليم الشيتات في وقتها
14) حالوا تصاحبو المعيدين
15) متحاولوش تحسبو فاضل كام يوم علي التخرج ( انا كنت حاسبها بالثانيه)
كفايه كده عليكم

ده الجروب بتاع طلاب اعدادى الشروق اى حد عايز حاجة يكتبها :blush:
http://www.facebook.com/groups/ShoroukAcademyStudents/?id=190169077722910&notif_t=like

ألف شكرا يا باش مهندس موضوع رائع .

انا اسف بس انتوا في الشروق بعد العاشر وانت عارف كدا وفي ناس معاكوا عارفين كدا وبيقولوا لي وانا في الجامعة البريطانية ومعلش مش تقول مخك احسن منا لا انت كدا غلطان على كدا العاشر تأكلكوا وعلى العموم انا كنت جايب في الثانوية95

شاطر يا حبيبي

على فكرة يلي بتقول لي شاطر والله لتندم والايام جاية وعلى العموم انا شاطر من غير ماتقول انتوا مش بتقبلوا ليه النقد ؟

يا أستاذ احنا واثقين فالاكاديمى بتاعتنا وبعدين الموضوع ده اصلا منقوول عشان نفيد طلبه الاكاديمية(اللي إنت مش منهم مش عارف ليه بترد اصلا ) وأكيد يعني الجامعة البريطانية احسن متظيتش فيها بقى .
وبعدين تنسيق الشروق اعلى من العاشر من رمضان و الشروق مبتخدش إلا طلبه علمي رياضة إنما العاشر بتاخد صنايع ودبلومة فنية حاجة كده والحمد لله الشروق مسجلة في اتحاد المهندسين العرب والتعليم فيها على اعلى مستوى ومفيش حد يقدر يقول غير كده مش عشان إنت فالجامعة البريطانية تتنطط علينا .
وبعدين أدخل على موقع الأستاذ هتلاقي إن طلبه الشروق كلهم كان يقدروا يدخلوا حاسبات ومعلومات أو علوم رياضة أو تجارة انجليش يعني طلبة على اعلى مستوى في ناس عندنا فرق معاها على نص درجة عالحكومي يعني إنت المفروض تتكلم باحترام عن مكان زي ده مشهودله بالكفاءة .

اهدوا يا جماعة فى ايه
انا فى الشروق وكنت حاسبات وكنت ممكن ادخل هندسة الكترونية بس مكتبتهاش فى الرغبات احسن
هى الجامعة البريطانية جامد بصراحة بس فى دكتور فى هندسة فى البريطانية هناك قالنا ان الهندسة اللى فى الشروق زى اللى فى البريطانية يعنى هى هى الدراسة بتختلف فى الشهادة بس
وماتكبروش الموضوع لانها حاجات مش مستهلة اصلا

يا بش مهندسة هند أنا مكبرتش حاجة هو بيقولي هتندم والشروق وحشة أنا بدافع عن المكان مش اكتر لانه مكان معروف بكفاءته .

ماينفعش تقول عليهم كدا وفى ناس بتدخلها علشان مستوى تعليم احسن وانضف وشهادة احسن ومن جامعات من برة :angry2:
وممكن حد يبقى جايب مجموع ضعيف ويبقى احسن منى ومنك ماتعرفش;)
وعلى فكرة معظم اللى فى الجامعات دى زى البريطانية والامريكية و الالمانية بيبقى جايبين مجاميع بس داخلين علشان مستوى الجامعة احسن
على فكرة ان فى الشروق

آه والله يابني دول بتوع بابي ومامي .
وبالنسب للباشمهندسه هند والله ولا معظمهم ولا حاجة معظهم فعلا عيال فافي زي مبيقول الداعي إلى الله ده مينعش إن فيه ناس فيهم داخلة عشان التعليم بس والله نسبة قليله قوي .