|
ديكور ولا جرافيك
لو سمحتم انا عايزة اعرف انهى احسن جرافيك ولا ديكور من ناحيه الشغل فى الاخر بعد ان شاء الله منخلص الكليه . ارجو بجد حد يفدنى لاتى محتارة
|
الجرافيك مش مجرد انه كومبيوتر وبرامج جرافيك وبس وفوتوشوب الجرافيك داخل فيه رسم بالسيراميك ورسم بالتطبيقيات شغله حلو فى مجالات كتير بس شرط اساسى موهبة بيرفكت فى الرسم والتخيل مع الجرافيك تكون موهبة قوية عشان فرص العمل الديكور يعتبر جزء من قسم عمارة دة حتى اسمه عمارة داخلية بيدرس كيميا وفيزياء وحاجات علمية ودراسة زى هندسة بالظبط بيكون فنان ومهندس ومش شرط موهبة كتيرة اوى بس مش يتبع نقابة المهندسين لاسباب مجهولة لكن هيتم فى وقت قريب باذن الله ديكور مجالاته كتيرة جدا اكتر من جرافيك وخصوصا برة مصر فى اى بلد ويعتبر زى هندسة بس جرافيك يبقى زى ديكور او احسن بس عايز موهبة جداااااااااااااا وشكراا |
شكرا كتير بجد استفدت .يعنى لوعندى موهبه الرسم ادخل جرافيك.
|
اقتباس:
مظبوط انما لو الموهبة عندك مش بيرفكت فى الرسم يبقى فرص العمل ليها اقل بس نسيت اقول حاجة معلش انك لو حابة المجال دة حاسة انك هتجتهدى علشانه يبقى شوفى جرافيك لانك لسة هتتعلمى بس وقتها هتحتاجى جهد اكبر وموهبة اضافية وتعب خصوصا لو موهبة الرسم والتخيل مش كاملة انما ديكور مش محتاج موهبة اوى يعنى هتبدأى من الصفر لانهم هيشرحولك ازاى تنمى الروح الفنية بطريقة هندسية بس من بعد اعدادى هتاخدى كورسات اوتوكاد وفوتوشوب وثرى دى ماكس علشان المرتب بيتبنى على الامكانيات دى وكمان ممكن تشتغلى فى اى مكتب هندسى معمارى وبالكورسات تقدرى تشتغلى مهندسة معمارى باذن الله لان ديكور شامل كل الهندسة ووظيفته الاساسية توظيف المبنى يعنى بتستلمي المبنى الهندسى زى المكعب وانتى اللى بتخليه مبنى حكومى او صالة العاب مثلا ف بالتالى بتدرسى جوانب هندسة وفن معاها بحيث تبقى شاملة كل جوانب هندسة مدنى ومعمارى وكهرباء وكله بس مش صعبة واكتر مادة عليها درجات هى تصميم وهى كويسة وكل مواد ديكور جميلة بس مش عايزة تتركن او لا مبالااة انما الجرافيك هتبصى تلاقى شرح لحاجات عايزة خيال من البداية زى رسم بالسيراميك وتطبيقات فنية بادوات ورسم علشان تقدرى تتعودى فيه لو انتى حابة جرافيك ادخليه بس حاولى من دلوقتى تنمى موهبة الرسم لاقصى درجة وهتتعبى وهيتطلب منك جهد اكبر يعنى يعتبر ديكور فرصه احسن وافضل وجرافيك يتنافس معاه او يبقى احسن لو معاكى موهبة 100% وربنا يوفقك باذن الله ولو محتارة مثلا ممكن تبعتى الرسومات واشوف ايه التقييم الرسم |
شكرا كتير بجد كلامك فهمنى حجات كتير بس انا منفعش ادخل ديكور فدخلت فنون عام واحتمال مينفعش ادخل جرافيك لانها هتاخد اللى جايب امتياز فى اعدادى.فلو سمحت ممكن نصيحه علشان اجيب امتياز ان شاء الله او حتى جيد جدا.
|
اقتباس:
اهم حاجة تركزى وتستغلى الدكاترة طول الوقت وتحاولى ترشحى نفسك مسيو الدفعة علشان تعرفى الدكاترة كلهم ويعرفوكى جدا ومتضيعيش ولا محاضرة ونظامالثانوى انسيه لان الدراسة هتكون بفهم مش حفظ نهائى وهتكون جميلة ومفيهاش ضغط امتياز بيبدأ من مجموع 85% مش من 90% وجيد جدا اقل من كدة وهى مش صعبة تجيبى امتياز وربنا يوفقك انتى حلوان؟؟ |
الديكور والجرافيك التنين ينفع فيهم الشغل الحر والديكور بشوفه اكتر ومربح خصوصا بالخليج
|
انا رأيي لو موهبتك عالية اوي يبقى خليكي فى جرافيك لانه ممكن برضه تشتغلي فى الديكورات و كده و كمان جرافيك مجالاته كتير اوي بس بشرط الموهبة و الفكر ^^
انا لسه اعدادي فنون عام و ان شاء الله ناوي على جرافيك :) بالتوفيق ان شاء الله ^_^" |
انا في تالته ثانوي ادبي السنه دي و كنت جايبه 87% و عايزه اعرف المفروض اجيب كام عشان اقدر ادخل فنون جميله؟ و اعلي تنسيق ممكن يبقي لكليه فنون كام؟
|
طيب هو قسم ديكور بيقبل من كام الله يخليكوا
|
طب انا حاسه اني حابه الجرافيكس بس مش بعرف ارسم :
|
اقتباس:
وبعدين لو بتحبى جرافيك يبقى هتتعلميه وكدة كدة الكلية بيعلموكى كل حاجة من البداية خالص يعنى مش بتمتحنوا كفنانين من الاول |
شكرا على المعلومات
|
طب انا كمان دلوقتي في نفس الموقف ومش عارفة اعمل اية...........كتير حسسوني ان جرافيك ممكن بسهولة اشتغل في المجال بتاعه حتي لو دخلت ديكور...بس العكس صعب.......اعمل اية ؟ :(
|
اقتباس:
|
| جميع الأوقات بتوقيت GMT +2. الساعة الآن 03:27 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.