|
قلوبنا ملوثة من الترابيين..َ
السلام عليكم ورحمة الله وبركاته بعيداا عن السياسة خلينا نتكلم ف حياتنا الاجتماعية أحسن أنا عن نفسي هاتكلم عن موضوع بيقبلني كثير.. هو التعامل مع الناس أنا اتعاملت مع ناس وكلنا كل يوم بنتعامل مع ناس واحنا في الأصل ناس:p:p لكن المشكلة هي طريقة التعامل فهل ياتري أعامل الناس زي ما هما بيعملونا..؟! مثلا في الدراسة بما إني لسه طالبة ومش خرجت للحياة العملية.:p:p. عندنا مادة صعبة في الكلية ..هي مش صعبة بالمفهوم دا بس هي مش مهضومة..:d المهم رحت أكلم واحدة ..أطلب منها أني أنقل المحاضرة بتاع الدكتور... أنا..معاك محاضرة الدكتور أحمد..*اسم وهمي:p* البنت...أحمد مين..؟ أنا..دكتور أحمد بتاع التصوير.. البنت ..تصوير ايه أنا مع تركها : خلاص مش عايزة حاجة كان معنا واحدة صاحبتي ..فبتقول لها..يالهوي ع الناس..احنا هنستهبل ع بعض بئا مش عارفة أحمد مين..:o:o فبعدين وقفتنا تاني ..وقالت لا بجد معلش فكريني.. المهم بعد لما فكرتها..آل يعني البنت ناسية:p:p طلعت الكشكول وقالت انا لسه كنت بكمله من واحدة وهخلص واديك:d ملاحظة بلوظة ..أني هي عادي ممكن تطلب كشكولي.. أو أنها تشوف شغلي العملي يعني.. تفتكروا أعاملها زيها واستهبل بئا أحمد مين:p:p ..... دا حاجة.. واحدة كانت مصاحبة واحدة تانية البنت الثانية دي...حبيت توقع بين البنت وشلتها.. هي دماغها صغير.. قالت كلام علي البنت ..كلام بنات يعني.. انها مثلا قالت ع فلانة كذا وعلانة كذاا الكلام الأهبل بتاع بنات لما يوقعوا بين بعض:p:p طبعا أصحاب البنت مش صدقوا..وانصموا للبنت ف الآخر وصاحبوا البنت التانية اللي وقعت.. لكن البنت الأولي ممكن تعمل زيها وتوقع وتشوها خالص.. بس فضلت انها تقطع علاقتها بيها أحسن.. .... ومواقف كثيرة جداا.. بنلاقي أن فيه ناس بتعاملنا بسوء وتلاقي الموقف بيعيد نفسه ونحن في مركز قوة ..وهي ضعف عن نفسي بعيداا ع المثالية الزائدة ببقي نفسي بجد استغل الموقف.. وببقي حاطة في دماغي اني اكون شريرةبئا واعاملها بنفس المعاملة.. لكن فجأة أول لما ألاقي الحد دا أدامي... بجد بنكسف جداا اني اعامله بنفس الأسلوب..!! بس مش عارفة ...بئا من المفروض ألا نلوث قلوبنا من أجل الترابيين ولكن غبارهم يتصاعد إلينا:d:p حد فاهم حاجة;) |
موضوع جميل بس المفروض اننى لا نتاثر بالاخلاق الغير محترمة لان صاحب الاخلاق المحترمة هو بيبقى لى السيطرة فى اى موقف او اى شئ وكمان عدم مقابلته الاساءة بمثله دى افضل بالنسبة له و بالنسبة للاخرين شكرا |
الموضوع ده بيلمس جانب من موضوعك وهو التعامل مع الناس http://www.thanwya.com/vb/showthread.php?t=383017
فيه بعض الكلمات المعبرة عن طبيعة النفس البشرية وان الشر وعدم حب الخير ليس متاصل فيها ;) + اللى بيعمل شىء لله مش بستنى مكافاة من حد يعنى لو بايدك تعملى خير لحد عمل مع حضرتك موقف نقص :cool: انتى بتقدميه وبتسيبى الاجر لله وبالتالى هوه لما بيتقدمله خدمة مع اللى عمله مش معقول هيفضل زى ماهوه اكيد هيراجع نفسه وشكرا على الموضوع وفيه حروف طايرة كده تقريبا حبر الشرايين خلص :p جزاكم الله خيرا على الموضوع |
اقتباس:
أنا مش بتأثر بس أنا بنغاظ وانا في الأول والآخر بشر بحس وبشعر وكمان بضايق... عشان كدا قلت اني مش هاقولكم اني مثالية والمواقف دي مش بيتغظني ولا بتحركني لا بتحركني وبرجع فيها متفقة معاك اننا مش مفروض نتلوث بالترابيين لكن في نفس الأول فيه حاجات بتخرج عن الشعور شكراا |
اقتباس:
لا والله بيفضلوا زي ما هما وممكن بيزدادوا سوء.. صحيح كلام صح وانا مش معترضة.. لكن النفس البشرية بتضعف أكيد وممكن تعامل الناس زيها.. لكن اكيد اتمني اني مش اعامله كداا ربنا ييسر وشكراا ع الموضوع:) |
للاسف دلوقتى الناس مش بتحب الخير لبعضها كله بيقول يلا نفسى وخلاص زى الصداقة كده نادرا لما تلاقى صديق بجد وده كله جزء من ازمة الاخلاق اللى عند الناس يا ترى احنا محتاجين ايه علشان نرجع زى زمان :cool: شكررا على الموضوع الجميل |
بغض النظر عن الناس الكتير اللى وقعت في القصة التانية ومفهمتش منها حاجة :d بس كانوا بيقولوا زمان انه التفاحة البايظة بتبوظ باقي التفاح (مش عارف اشمعنى التفاح بس تقريباً عشان ارتبطت بالدود :d) لكن احنا كبشر مش بنبوظ يعني الشرير ده في قلبه طيبة بس مش باينة وفي وقت معين ممكن تطلع يعني ده مش شخص ميئوس منه او مفقود فيه الأمل وبالتالي كبشر فالاحتمالين موجودين اما إني اقوم بالتأثير عليه للافضل او هو يأثر عليا بالأسوأ ومعتقدش حينفع نتعامل مع بعض غير لما نبقى زي بعض :d ايه المطلوب يعني ؟؟ المطلوب إني ارد الاساءة بالإحسان او انا بديها تعبير تاني "بحرجه بزوقي" وحيبقى زي الصباع في الخاتم بعد كدا :d |
انا هقول عن نفسى الطبيعى لم اتحط ف الموضع ده او لما اتحطيت فيه يمكن فكرت ف الاول ف رد الاساءة وبعدين تراجعت لانى
مش هتغير عشانهم بس فضلت حل سلبى وهو الهروب او البعد فكرت انه يمكن يبقى افضل اما الرأى العقلى والمنطق واللى بيبقى صعب يتعمل انك تتعامل باسلوبك مع كل الناس لعل ف يوم يدرك اللى هو بيعمله ويعرف انه غلط ويفوق وهذا نادر |
حبيبتي
هاد اني لسه بالجامعة شو راح تعملي لما اتخرجي لحياة الشغل راح تلاقيها اسخم ( أنيل ) من هيك يعني متلا راح تشوفي نفسيات رهيبة في الشغل خدي عندك متلا انا بشتغل وبحكم موقعي كاداري تلاقي اللي بيفسد عن هاد واللي بيحكي عليه كلام مش منيح واللي بيروح يتبلى على هاد واشياء ما انزل الله بها من سلطان فأنتي شو راح تعملي؟؟؟؟؟؟؟ عليكي انك توخدي الامور بيتأني وبحكمة ومش كل ما تسمعي عنحدا تصديقيها انا عن نفسي بدأت اعامل كل واحد زي ما بشوف ازا بيعاندني بصير اعند ازا بيحترمني بحطه على راسي مع انو بيقولولي انو ما لازم تعملي هيك بس اكتشفت انو بشغلي لازم اعمل هيك سورى على الاطالة موضوع كتير مهم يسلمووووووو على طرحك للموضوع |
حقيقى المواقف دى كتيرة وبتظهر بين البنات اكتر ..
وانا دايما بفكر نفسى ان الناس مختلفة وانى لازم اتعامل معاهم بحرص وذكاء .. وعلى فكرة مواقف زى دى مش بعاملهم بمعاملتهم ابدا .. بكتفى بابتسامة فقط لكن جوايا انا عرفت نوع الصديقة اللى قدامى ومش هحاول تانى انى الجأ ليها فى شئ .. وطبعا المواقف دى بتعلمنى بس وتعرفنى نوعية الناس اللى بتعامل معاها.. انما انى اعامل بنفس المعاملة او احاول اكون زيهم .. فده شئ غير مقبول .. لازم يكون عندنا ثقة فى نفسنا ونبقى متأكيدين ان تعاملنا مع الناس هو عنوان شخصيتنا .. وطالما اسلوبها غير لائق يبقى اكيد لازم اقلل من تعاملى معاها.. وكل يوم من الحياة بنقابل كتير وبنتعلم اكتر .. شكرا على الموضوع .. |
المشكلة تكمن فى متى سيكون رد فعلك على حماقات الآخرين
فكلما أعطيت نفسك متسعاً من الوقت كلما أحسنت رد الفعل استنفد وقتك لتهدأ والأصل فى التعامل هو العفو والتسامح إذا نطق السفيه فلا تجبه * * * فخير من إجابته السكوت ولكن البعض لا تجدى معهم السلوكيات المهذبة و طباعنا تغلبنا فمن الصعب أن نغيرها لتلائم كل من نعامله على حدى ونظل عقلاء إذاً .. اجلد نفسك لأنك اقتربت منهم ولكن منهم الأقارب وذووا الأرحام .. احتسبها عند ربك إذاً .. لله يعنى .. وهو آخر ما عندى. مشكورة على الموضوع جزاكِ الله خيراً |
الحركات النص كم دى :p اقصد المواقف دى معروفة وبتحصل مع البنات وبس كانت بتحصل معايا كتيير ايام الثانوى اياام زمان الله يرحمك يا زمان ;) كانت البنت بتخاف تدى كشاكلها لحد عشان ميشوفوش هى بتحل ازاى وبتذاكر ايه وبتكتب ايه (آل يعنى بيخافوا من القر :d) اما انا بئا لما كان حد فيهم بيسألنى كنت عادى بديلها الكشكول واحيانا كنت بشرحلها كمان والله :p اصل اانا خدومة ف المواقف دى جدا ;) وف نهاية المسيرة هما دخلوا طب وهندسة وانا دخلت سياحة :p |
شكرا على الموضوع
بصى انتى لو عملتى زيهم يبقى هما علموكى الغلط لازم انتى تديهم درس فى الذوق بطريقتك الحلوة احسنى اليهم تجدنى من كان بينك وبينه عداوة كأنه ولى حميد هكذا علمنا الله ورسوله تحياتى |
اقتباس:
كل واحد عايز نفسه مع انه ممكن يفيد الآخرين ويستفاد كمان بس نعمل ايه بئا ف العقول.. محتاجين أغنية قول للزمن ارجع يازمان:d ربنا يهدي شكراا |
اقتباس:
ومين اللي قالك ان الوحش مش بيؤثر بيؤثر جامد طبعا بعيداا عن أرتفاع ضغط الدم والسكر والشاي وكل الحاجة دي.. الإحراج والكسف اللي الواحد بيكون فيها:rolleyes: والغيط..ولحظة التخطيط للانتقام الشر بيطلع:p:p وع فكرةة الموضوع مش بسهولة ان الشخص دا بيتحرج من الذوق فيه ناس عنده تبلد ف المشاعر والأحاسيس:d انا متأكدة فعلا ان كلامك صح ومش معترضة اننا مش لازم نكون زيهم لازم نكون أحسن بس النفس البشرية مش كاملة.. واكيد بتيجي لك ساعات وقت بتكره تعاملك..وتساهلك مع الناس..!!!! |
| جميع الأوقات بتوقيت GMT +2. الساعة الآن 04:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.