حلمى ان اصبح معلمة متميزة ولكن!!!!!!
 

اعضاء المنتدى الكرام
الحقيقة انا عندى مشكلة ومحتاجه منكم النصح والافادة انا خريجة كلية التربية قسم علوم بيولوجية وجيولوجية دفعة 2007 جامعة اسكندرية
بشتغل حاليا فى مدرسة خاصة فى وظيفة امينة معمل علوم لقسم الثانوى والاعدادى بنات من حوالى تلات سنين بسعى انى اتجه للتدريس بس للاسف كل المحاولات حتى الان لم تنجح والسنة الدراسية على وشك البدء والمفروض انى على وشك التثبيت انا حسه ان فرصتى انى ابقى مدرسة قربت تنتهى وكمان احساسى بالياس خلق جوايا احساس انى حتى لو اشتغلت بالتدريس حفشل وان المدة الى قضتها بعيد عن التدريس (حوالى خمس سنين من وقت متخرجت ) خلتنى اقل من زميلى دفعتى الى مجرد متخرجوا اتشتغلوا بالتدريس انا حزينه جدا وبفكر اسيب الشغل بس المشكلة انى مش لقيه شغل تانى فى اى مدرسة تخصصى محدود جدا وكل المدراس الى ممكن الاقى فيها بعيده جدا على سكنى , انا حلمى ابقى مدرسة احياء متميزه انا بعشق الاحياء والعلوم ومطلعه جدا وبحاول اذاكر المناهج بس بصراحة مش لقيه فايده ومش عارفه احضر دروس بشكل صح يخلينى متميزه وكفاءة لانى للاسف معنديش خبرة عشان احضر الدروس بشكل يساعدنى افهمها معنديش خبرة الفصل وده مخلينى مهما اذاكر مناهج بحس انه مجهود من غير فايدة ياريت اهل الخبرة يساعدونى بنصايح فى مشكلتى ولكم جزيل الشكر ,
اسف على الاطالة وشكرا

انا نفس تخصصك دفعه 2003 وشغاله فى مركز تعليمى بدرس ابتدائى واعدادى علوم طبعا شغالة ايام الدراسه فقط وبقيت السنه قاعده فى البيت
وطبعا فشلت انى اشتغل فى تخصصى فى المدارس الخاصه
المدرسه الخاصه الوحيده اللى كنت حمسك فيها وكانت بواسطه كنت حمسك مدرسة فصل او كى جى
وطبعا العقود فى الادارات عايزه واسطه او معرفة فى الاداره
حسبنا الله ونعم الوكيل
لو سبتى اللى انتى فيها صدقينى مش حتلاقى شغل خليكى فيها احسن من مفيش

شكرا على الرد احلى الكلمات وانا متفقه معاكى ان فعلا فرص الشغل محدودة وده عن تجربه بس انا خوفى انى لم استمريت فى الوضع ده استحالة اقدر اغيره بعد وقت انا دلوقتى عندى طموح خيفه الوقت ي***ه والياس يكسر احلامى فانا محتاجه اخد اى خطوة

حاولى تدى دروس حتى لو تطوع من خلال المعاهد الخيريه فى البدايه لمرحلة ابتدائى مثلا
ده مش حينسيكى التدريس
وذاكرى المناهج من المرحله 4 ابتدائى الى الثالث الاعدادى
وعندك هنا فى الموقع مذكرات لكل المراحل
وانا تحت امرك لو فى اى استفسار
اختك فى الله احلــــــ كلامــ ــــــى

شكرا
 

اشكرك على الرد والاهتمام احلى الكلمات ومتشكرة جدا على الدعم
الغريب على الرغم انه فى حوالى 71 مشاهدة للموضوع الا انى لم اجد سوى رد الاخت احلى الاوقات واشكرها مرة ثانية على الدعم, بجد احنا فى زمن صعب 71 شخص مر على الموضوع ولم يلتف ابدا لمدى احتاجى للنصح والاهتمام ولكن رغم ذلك فضلوا عدم الرد ولكنى اشكرهم رغم ذلك
وشكرا

اتثبتى الاول ثم حاولى تغيير المسمى الوظيفى و ربنا يوفقك

العضو الكريم استاذ زياد شكرا للاهتمام والرد
وفعلا هذا ما احاول فعله انا احصل على التثبيت ثم احاول تغيير وضعى الوظيفى ان امكن لى ذلك