###العجائب فى منطقة الدقهلية الأزهرية###
 

مثل هذه الأمور تحدث كثيرا جدا
فمثلا
كنا فى مراقبة امتحانات الشهادة الاعدادية والثانوية الأزهرية
وجاء منشور بالاخلاء لكل معلمى المرحلة الابتدائية المشاركين فى المراقبة معنا
وتم التنفيذ
إلا لمعلمة واحدة جاء اتصال من منطقة المنصورة الازهرية بضرورة استمرارها !
فاستمرت
وحتى بعد انتهاء امتحان المرحلة الاعدادية تم اخلاء بعض المعلمين الأساسيين من اللجنة
واستمرت هى حتى نهاية امتحانات المرحلة الثانوية علمى !!

المهازل كانت كتير بالمنطقه لكن ابدت تتحسن الامور شويه

بعد قرار تعيين الاستاذ الفاضل /نعيم الحنفى وكيل ثقافى للمنطقه

ربنا يصلح الاحوال

خذ عندك مهزلة أخرى

بالنسبة لخامات الامتحانات
كل عام تأتى ناقصة جدا جدا ولا تكفى شيئا
خامات بسيطة ويقولك لامتحانات الفصل الدراسى الاول والفصل الدراسى الثانى والدور الثانى وهى أصلا لا تكفى امتحانات الفصل الدراسى الأول فقط !
فيضطر العاملون فى الكنترول لشراء الخامات والأدوات المطلوبة على حسابهم ويتجهون للأخصائى الإجتماعى ويطلبون منه المعونة !
والكارثة الكبرى فى شيتات رصد النتيجة أصبحت كثيرة ومتنوعة عند استخراج النتيجة وكل نوع فى شيت مستقل ويكون عددها قليل جدا وندفع مئات الجنيهات فى تصوير شيتات للأزهر !

وكل هذ من أجل تحقيق فائض فى ميزانية المنطقة وتوجيهه لشراء أشياء للمنطقة والاستفادة من العمولة التى يحصلون عليها !
وعجبى !

كلامك سليم مائةفى المائة

المظالم لا تنتهى فى الدقهلية فهى محيط لا ساحل له

انظر إلى جوابات الدعم للمراقبة فى امتحانات الشهادات

وجوابات التصحيح لامتحانات الشهادات

وجوابات انتداب المعلمين مع بداية العام الدراسى

والمدرسين الذين يذهبون للتدريب الادارى فى الاسكندرية

وغيرها وغيرها فى كل شيئ فى كل صغيرة وكبيرة

مظالم ومجاملات لا نهاية لها

مع حضرتك حق
كفايه
وربنا موجود

جزاك الله خيرا

بالنسبه للتدريب فى الاسكندريه انا واحد من الناس اللى كانوا فى دوره شهر 3 اللى فات باسكندريه

الدورة كان اسمها العاملون الجدد

وكان غالبيه اللى فيها من حديثى التعيين

وانا كنت الوحيد فيها من ميت غمر

واللى معايا كانو من المنصورة وطلخا

دا بالنسبه للدقهليه

اما موضوع الدعم فى الامتحنات يسئل عنه ا/ سيد

اللى فى المكتب اللى على اليمين وانت طالع

ودا اتشد واتظبط الامتحنات اللى فاتت وبطل يعمل الامور اللعب دى

اما نقص الخامات او نقص ورق الاسئله

زى ماحصل عندنا فى امتحنات الرياضيات للدور التانى نقل اعدادى الموضوع باكامل الان فى مشيخه الازهر قيد التحقيق

ودا كله يرجع الفضل فيه بعد ربنا للاستاذ نعيم وكيل المنطقه الثقافى

اه حاجه اخيرة افكر بيها المتعيين حديثا وانا منهم

احنا المنطقه الوحيده اللى جميع كشوف اسمائها رفعت ع النت من الاول للاخر

مين اللى ساعد فى دااا

اظن اللى هينكر يبقا جاحد

(( الاستاذ نعيم ))

اسم له تاريخ

المنطقه هتفتقد راجل له قدر بعد مايخرج معاش فى 9 / 2014

أفضل من تولى أدارة الامتحانات الاستاذ / عبد الله الحنفي والاستاذ علي شوشة ربنا يكتر من أمثالهم والشكر الواجب لوكيل الوزارة د/ جمعة الذي يتفانى في أداء واجبة

أنا لا أنكر دور وجهود الفاضل الكريم الأستاذ نعيم

فهو موجهى وأستاذى ومعلمى

جزاه الله خيرا

ولكن أتمنى تحقيق العدالة
والقضاء على الفساد والرشوة والمحسوبية والمجاملات فى المنطقة نهائيا

أرجو أن تجيب حضرتك على هذا السؤال :

هل جاء الخطاب لحضرتك بشكل طبيعى وبدون علمك

أم أنك سمعت عن الموضوع وذهبت إلى المنطقة وتحركت وحركت الموضوع فجاء الخطاب لحضرتك

وجزاك الله خيرا

الازهر كله فساد ادارى و خاصة منطقة المنصوره من العامل اللى قاعد على بوابة المنطقه حتى تخرج من البوابه الخلفيه و الاستاذ نعيم فاتح درجه للمعارف لنقل -ندب -ترقيه -ندب شهادات للمراقبه-له حصه من اللى بيلهفه بتوع الامتحانات -بالله عليك كل الموجهين منتدبين فى الشهادات و القراءات و الى الآن لم تصل توزيع للمناهج و لا خطط للدراسه و مازال هناك الكثير من المعاهد فيها عجز من المدرسين فيه معهد فيه عجز اكتر من 16 مدرس(ابيدائى)