بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- إبداعات و نقاشات هادفة (https://www.thanwya.com/vb/forumdisplay.php?f=59)

- - و يتجدد اللقاء (https://www.thanwya.com/vb/showthread.php?t=512174)

و يتجدد اللقاء

العصفوره جت و قالتلي
انه في القلب حطيتني
طالبت منها انه يسمحني
غابت يومين
و رجعتلي
تقولي انسي الي كان
سألتها عنه و عن حاله
قالتي : عايش مبسوط وحبك عمره ما خانه
قولتلها احكيلي عن حياته .
قالتلي : مش نستيه مالك بس وماله
وليه مهتمه بأخباره .
بعدك عنه كان قرارك مش قراره .
اشتقتي حقيقي لأيامه
ولا عايزه ترجعي وتراجعيله عذابه .
نزلت من عيني دمعه
يمكن بحبه و واحشني كلامه .
وبراءة و نقاء أحساسه .
قالتلي : (لسه يمكن )..!
باين احلامك غير احلامه
وقلبك عمره ما حس احساسه.
ابعدي وسبيه عايش علي ذكرياته .
بكيت
ولروحي اشتكت
( لسه عايش علي ذكرياته )
ده فعلا كان اخر كلامه
لسه فكره
كلماته
قالي :
( انتي لقلبي نبضه وكيانه
سبيتيه هسيبك و هيعيش بيك وعلي ذكرياته
ولا غيرك هيكون ليه لأخر زمانه )
طب ليه ما صدقتش كلامه
ولا يمكن كنت حبه عذابه
وجعة جرحت قلبه
صحيح عمري ما حسيت احساسه
انتي تاني يا عصفورتي
...

.

.
حقيقي بتبكي عشانه
ولا لسه حبه تزيدي عذابه .
وتضيفي
احزان علي احزانه
.

حقيقي ببكي عشانه
حاسه ان قلبي في بعدي عنه في مكان غير مكانه
نفسي ابقي في حضنه و احس بأمانه .
وتكون ايدي في أيديه هنقوي اكيد علي احزاني و احزانه .
اكون قرة عينه و فرحة ايامه .
وشريكة عمره و احلامه .
عصفورتي
رجاءا
طمنيني عن حاله
.
.

بتحبيه وحقيقي مشتاقه حتي لخياله .
وعمرك ما تاني تسيبيه
يبكي قسوة ايامه ...؟
.

.
ايوه بحبه و واحشني
احساسي بكيانه
.

.
عصفورتي

رجاءا
طمنيني عن حاله

.
من يوم فراقك وهو علي حاله .
لما تيجي عليه الدنيا
يروح بسرعه لشط ذكرياته

مكانك و مكانه

يا تري لسه فكره كان كام معاده ..؟

.

.
لا نسيت ولا هنسي
هسيبك عصفورتي
فاضل ثواني علي لقاءه
عايزه اوصل قبل معاده .
وابوس ايديه
واطلب رضاه و دعائه

و يتجدد اللقاء
.
.
.
تحياتي
الطفله

اقتباس:

المشاركة الأصلية كتبت بواسطة ضياء الدين سعيد (المشاركة 2714132)

بسم الله الرحمن الرحيم
http://www.alhwash.org/forums/images...s/image002.gif http://www.alhwash.org/forums/images...s/image002.gif http://www.alhwash.org/forums/images...s/image002.gif
نظراً بعض المشاكل التى تواجهنا فى قسمنا إبداعات الأعضاء
فيجب علينا
أن نضع ايدينا مع بعضنا البعض لرقي وتقدم القسم بشكل خاص والمنتدى بشكل عام

فصمم هذا القسم خصيصاً
لخواطركم ... أشعاركم ... لنبض وجدانكم هنا
اكتبو مايحلو لكم من ابداعاتكم حصرياً في هذا القسم

وحرصا منا على أن نرتقى بفكرنا وثقافتنا ولغتنا العربية الجميلة , وحرصا منا على ان نلتزم جميعا بالأطر العامة التى تجمعنا فى هذا المكان

فقد وضعنا القوانين والقواعد الأساسية التى يجب تطبيقها
وذلك لما فيه من استقرار وتقدم لقسم إبداعات الأعضاء

2- لكل عضو الحق فى ادراج موضوع واحد فقط فى قسم الابداعات فى اليوم الواحد , وما يزيد عن ذلك يتم حذفه .

جزانا الله وإياكم الخير
وثبت على طريق الحق خٌطانا وخٌطاكم

جميله ياهدير بجد تسلم أيديك
بس رجاء الألتزام بقوانين القسم

الطفله السعيدة
جميل ما قرأته فى هذه الصفحة من ابداع وروعه احساس
فى حفظ الله

جميلــة طفلــة .. بالتوفيق ان شاء الله

اقتباس:

المشاركة الأصلية كتبت بواسطة كنارة الحب الحزينة (المشاركة 5218893)

جميله ياهدير بجد تسلم أيديك
بس رجاء الألتزام بقوانين القسم

ميرسي كتير يا قمر ربنا يخليك

اقتباس:

المشاركة الأصلية كتبت بواسطة سيلفانو (المشاركة 5219008)

الطفله السعيدة
جميل ما قرأته فى هذه الصفحة من ابداع وروعه احساس
فى حفظ الله

ميرسي لحضرتك جدااااااااااااااااا

اقتباس:

المشاركة الأصلية كتبت بواسطة نسيــــــم الجنـــــــــة (المشاركة 5219255)

جميلــة طفلــة .. بالتوفيق ان شاء الله

ميرسي يا قمر ربنا يخليك ِ