|
هل يوجد قسم فى كلية علوم يتخرج منه دكتور تحاليل ؟
ارجو التوضيح وارجو المزيد عن كليات التكنولوجيا الحيوية والكميا الحيوية وايه الافضل
|
أيوه طبعا ده علوم دي أساس التحاليل في مصر .. و90% من معامل التحاليل في مصر اللي فاتحينها واللي شغالين فيها خريجي علوم .. اغلب أقسام الكلية بتوصل لمهنة دكتور تحاليل .. المهم يكون القسم فيه دراسة الكيميا أو ميكروبيولجي حتي لو مزدوج .. زي قسم كيمياء حيوي وكيمياء اسبيشال و(كيميا ونبات) و(كيميا وحيوان) وميكروبيولجي .. كل دي أقسام بتوصل لمهنة دكتور تحاليل طبية |
منقول
البيوتكنولوجي يا عزيزي ليه تعريفات كتير جداً، ودا لأنه علم كبير و واسع جداً جداً أكتر مما تتخيل، وأكتر من اللي هكتبه عنه في الموضوع دا، ولكن بإختصار هقولك تعريف واحد تعرف من خلاله جوهر العلم: التكنولوجيا الحيوية: هو علم تطبيقي بالأساس مُرتكز على الكائن الحي، بيشمل مجموعة هائلة من العلوم الحيوية زي (الهندسة الوراثية، الكيمياء الحيوية، الميكروبيولوجيا، البيولوجيا الجزيئية، علم الأجنة، علم الأعصاب، علم المناعة ...إلخ) بالإضافة لمجموعة أخرى من فروع الهندسة والمعلوماتية زي (الإلكترونيات، البرمجة، الطاقة، وغيره) وكل دا بيدخل تحت مُسمى التكنولوجيا الحيوية أو الـ"#Biotechnology". جميل، مهتم بآيه بقى العلم دا؟ بص يا سيدي، البيوتكنولوجي مهتم بكل الكائنات الحية ولكن على تلات مستويات، فلو هندرس الإنسان مثلاً هندرسه على مستوى الخلية بتاعته، وبعد كده ممكن نتعمق شوية وندرسه على المستوى الجزيئي زي الحمض النووي بتاعه والإنزيمات والهرمونات وغيره، وبعد كده في آخر مستوى ودا أصغر مستوى وصلنا ليه لحد دلوقتي وهو مستوى ما بعد الجزيئي اللي قريب من #النانو. تخيل أنت بقى، بتعامل مع الإنسان أو الحيوان أو النبات أو البكتيريا أو الفيروسات أو أي كائن خلقه ربنا، على مستوى النانو؟ طيب، عرفنا يعني آيه بيوتكنولوجي؟، وعرفنا كمان مهتم بآيه؟، لكن معلش يعني انا بدرس كل دا ليه؟ عشان افرح وأتمنظر بيه وخلاص؟ لا طبعاً، البيوتكنولوجي هدفه هدف عظيم، وهو إنك تستخدم أي كائن حي على التلات مستويات دوول عشان تخليه ينتجلك #منتج انت محتاجه في أي حاجة تتخيلها.. زي مثلاً واحد عنده السكر تعمل آيه؟ تجيب البكتريا وتشغلها عندك وتعملك الإنسولين البشري زي ما انت عايز |
طيب دلوقتى انا جايبة 96.3 %
وغالبا مش هلحق بيطرى عاوزة قسم يكون تنسيقه عالى واضمن منه انى اطلع دكتورة تحاليل وهل القسم ده هيكون افضل من انى ادخل كلية علوم صحية تطبيقية فى بنى سويف ؟ او علوم طبية تطبيقية خاصة ؟ |
اقتباس:
بمجموعك ده لو ناوية علي بيطري فهتلحقيها متخافيش خاااالص .. أو ممكن علاج طبيعي كمان اما بالنسبة لكلية علوم .. فمجموعك يدخلك قسم كيمياء حيوي لو انتي في علوم المنصورة وانتي مستريحة علي الآخر .. والكلية أفضل بكتير جدا من كلية علوم صحية أو علوم طبية تطبيقية .. سواء من ناحية المكانية العلمية أو حتي فرص العمل بعد التخرج .. وبالتوفيق:d:d |
شكرا جزيلا
واتمنى الجميع يستفاد |
| جميع الأوقات بتوقيت GMT +2. الساعة الآن 02:50 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.