اراء حول جدول الضرب بالاصابع
 

هناك بعض المحاولات من بعض المدرسين لتنفيذ جدول الضرب بالاصابع بفرد بعض الاصابع و ثني بعض الاصابع و عد الاصابع و هكذا
و لكن و مع احترامي الشديد لهم فانني ارى ان حفظ جدول الضرب من البداية افضل حتى يصبح استدعاء المعلومة اسرع فيما بعد عند الكبر
ثم انني لاحظت ان بعض الكبار (اي و الله الكبار ) بيعدوا على صوابعهم و بيبقى موقف محرج جدا
كمان يا محترم لما يبدأ يضرب عدد مكون من عدة ارقام في عدد اخر مثل 5786 × 3689 هيحط الرقمين تحت بعض و بعدين يبدأ ضرب الاحاد في الاحاد و هكذا يا ترا هيقعد في كل رقم يفرد صوابعه و يطبق صوابعه و يعد
دا احنا معانا للصبح
و بعدين انا بلاحظ مدرسين من تخصصات غير الرياضيات مش حافظين جدول الضرب و الله العظيم و اسألوا المدرسين عندكم و شوفوا
و انا من وجهة نظري ان السبب في كده هو انهم و هما صغيرين علموهم بالطريقة دي لكن لو كانوا حفظوا الجدول كحفظ عمرهم ما كانوا هينسوه
عارفين المثل اللي بيقول جه يكحلها عماها اهو هو ده اللي بيحصل

تحياتي للجميع و في انتظار ردودكم