| radwa bakry |
27-07-2016 08:06 PM |
علمي علوم ولا علمي رياضه
السلام عليكم :078111rg3::078111rg3:
دلوقتي انا رايحه 2 ث و محتااااااااااره و خااااااااااايفه جدا و مش عارفه اعمل ايه و لا اختار ايه و خصوصا اني مليش ميول محدد و عايزه بس اخش فنون جميله قسم ديكور لان انا بحبه جدا و كانت امنيتي من و انا صغيره و القسم ده متاح لعلوم و رياضه انا مش بحب الاحياء خالص:mad::mad: بس جبت فيها 18 من 20 في اولى مع ان انا مكنتش باخد درس فيها و تقريبا لميت نص المنهج في اليومين الاجازه اللي بين الامتحانات :p:p يعني عادي ممكن اذاكرها و اجيب فيها مجموع كويس و في نفس الوقت خايفه من الرياضه اووووى و اللي ذاد رعبي اللي حصل السنه دي في الامتحانات بس انا كن جايبه فيها اعلى مجموع في الشهاده بس بسمع ان رياضه 2ث و 3ث اصعب 100 مره من 1ث و خايفه ممشيش فيها او تجيلي مسأله في الامتحان معرفش احلها و مجبش مجموع الكليه :wacko::wacko: انا جبت في 1 ث 90.4 % بس كنت بروح المدرسه تقريبا كل يوم و اللي خسف بمجموعي الارض لمواد الادبيه كانت الدرجات فيها 16.9 16.8 16.7 هل ممكن لو دخلت رياضه اجيب مجموع فنون و احسن ادخل علوم و لا ممكن يطلع قرار ان ديكور بقا بتاع علمي رياضه بس و لا ايه !!! يا ريت تساعدوني لان معنتش عارفه اعمل ايه خالص :mellow::mellow: يا ترى ممكن امشي احسن في رياضه و لا علوم و ايه المواد الصعبه الي محتاجه مذاكره اكتر ؟؟ و فعلا رياضه 3 صعبه اووووى كده ؟؟
|
