اقتباس:
المشاركة الأصلية كتبت بواسطة تسابيح النجوم
بجد موضوع تحفة
بس سؤالي للشباب_مش كلهم طبعا_ليه يخافوا ع اخواتهم البنات ام اي بنت تانية لا؟؟؟
ثاني حاجة ليه الولد لما بيروح ثانوي او حتي الجامعة بيبص لاصحابة وممكن يشرب سحاير كمان حتي لو عارف انها ضارة؟؟؟
ثالث حاجة ليه الاولاد في ثانوي بالذات مش بيخلوا اهلهم يتكلموا معاهم
او حتي لو اتكلموا معاهم بيصدوهم؟؟؟
رابع حاجة ليه معظم الاولاد بيفتخر انه يعرف فلانه وعلانه ووممكن كمان يسجلاه مكالمة معاه ع الموبايل عشان يثبت لاصحابه انه ولد مقطع السمكة ومش يخاف عليه ولا ع كلامه _طبعا العيب الاول والاخر ع البنت _بس انا دلوقتي بتكلم ع الولد؟؟
بجد شكرا ع الموضوع
|
ياريت ياجماعة الى يسال
يرد الاول على الاسئلة الى قبلة
وبالنسبة لاسئلت حضرتك
هجاوبها كلها ان شاء الله
بس سؤالي للشباب_مش كلهم طبعا_ليه يخافوا ع اخواتهم البنات ام اي بنت تانية لا؟؟؟
بصى ياستى العيب مش على الولد
لية لان الولد دا كدة
بيتسلى مش اكتر
بنت يعيش معاها يومين وخلاص يرميها
فاهمة قصدى ؟؟
وطبعا كدة العيب على البنت الى تبقى عرفة كدة
وتفضل بردك تحبة او تمشى معاة
دا رد مختصر قوى
لانى مش اكبر فى الموضوع دة
ليه الولد لما بيروح ثانوي او حتي الجامعة بيبص لاصحابة وممكن يشرب سحاير كمان حتي لو عارف انها ضارة؟؟؟
بصى بكل صراحة
الموضوع دة حصل معايا شخصيا
بس الحمد لله متكررش تانى
وهيا بتبقى اولا حب استطلاع
ثانيا منظرة ورسم على البنات
لان الواحد بيبقى فاكر انة كدة
راجل
والى مش بيشرب سجاير مثلا
دا عيل خيخة
والبنت مش بتبص غير على الواد الصايع
فاهمة التفكير بيبقى ازاى ؟؟
ودا طبعا تفكير غلط
لان البنت الى بتفكر بالتفكير دة
تبقى بنت اساسا مش محترمة
ليه الاولاد في ثانوي بالذات مش بيخلوا اهلهم يتكلموا معاهم
او حتي لو اتكلموا معاهم بيصدوهم؟؟؟
دى بقى مش بيحصل معايا
لان انا اساسا اهلى مش بيدخلو ليا فى مذاكرتى ومستقبلى
لان دا يخصنى انا بس
مش يخصهم هما
وانا حر بقى احددة براحتى
بس مش معنى كدة
انهم سايبينى ابوظ
لا بس فعلا انا كدة بتحمل المسئولية اكتر
اما بقى بالنسبة لاجابت سؤال حضرتك
بكل اختصار
لان الشخص الى بيصد اهلة دة
عارف انة غلط
واهلة بيرشدوة للصح
وهوة مش عاوزة
ودا كدة ربنا يسترها معاة بقى
فاهمة قصدى ؟
ليه معظم الاولاد بيفتخر انه يعرف فلانه وعلانه ووممكن كمان يسجلاه مكالمة معاه ع الموبايل عشان يثبت لاصحابه انه ولد مقطع السمكة ومش يخاف عليه ولا ع كلامه _طبعا العيب الاول والاخر ع البنت _بس انا دلوقتي بتكلم ع الولد؟؟
بردك تعتبر نفس الاجابة الثانية
لانة بيبقى عاوز يرسم على اصحابة
ويحسسهم انة محدش زية
وطبعا هوة مش عارف انة كدة بيفضح نفسة
ربنا يستر علينا جميعا
وسؤال البنات
اية نظرة البنت للشاب الى بيشرب سجاير ؟؟
بجد شكرا ع الموضوع
مرورك هوة الاجمل والله
جزاكى الله خيرا
فى رعاية الله