اقتباس:
المشاركة الأصلية كتبت بواسطة prisoner of grief
الأخ أحمد شوقى
أنا اللى آسف لأنى كنت مشغول ولسه ماجيتش بحر خاطرتك
سامحنى وجايلك قريب
اقتباس:
المشاركة الأصلية كتبت بواسطة prisoner of grief
أنا أسف يا حبيبي على كلامي اللي قولته ليك
ممكن تقول آسف حبيبى ع الكلام اللى قلته ليك
أنا أسف لانى عارف مستحيل هعيش بفكر فيك
آسف لأنى مستحيل أعيش أفكر فيك
أنا أسف لاني اسف على ايامى اللي عشتها بيك
آسف ع الأيام اللى عشتها بيك
أنا أسف وأكيد حاسس باللي حصلي على أيديك
آسف وأكيد حاسس باللى حصللى على ايديك
قولتلك من البداية خاف ع قلبي لأنه مش حمل جرح كبير
تصبح: قلتلك م البدايه ..................
قولتلك عشان تبقي عارف انى بضيع لو انجرحت من حد قريب
تصبح: وقلتلك ان جرح حبيبى عمره مايوم يطيب
اقتباس:
هديتك حب محدش حبه أبدا لحبيب
من الاحسن تقول اديتك لأن الهدية قد تكون منتظر ردها أو تطلب مقابل أما العطاء فيمكن ان يكون بلا مقابل أى ينفع تقول: إديتك حب محدش حبه لأى حبيب
هديتك قلبي علشان سلملك ووثق فيك
برضه كسابقه : اديتك قلبى ..........
وكانت النتيجة قسوة قلبك ع قلب اختارك ليه
طب ليه قسيت على قلب اختارك ليه؟
مش عارف
ليه خالتني أحب عينيك
وأسهر الليل وروحي فيك
بعد كل دا الاقي دا المصير
لا يا أحمد عاوز صياغه تانية خالص
ممكن تقول:
ياللى عنيك أخدونى فى بحر الويل
وسهرت معاك يا حبيبى وطال الليل
كان ايه ذنبى يا حبيبى ألاقى دا المصير
مش فاكر في يوم قسيت
ولا لحظه يا حبيبي جيت ونسيت
إن عمري من البداية وهبته ليك
جميله قوى القافية بتاع التاء دى
بس الزاى توهب عمرك ليه؟ ممكن تفهمنى؟
عشنا حلم كبير وقولنا كلام كتير
بس ياريته كان كفاية ولا انك تسبني ونبعد لبعيد
مش عارف ليه حقيقي عملتني بالشكل دا
دانا لو مش حبيبك كنت تخاف ع قلبي ومدوس في يوم عليه كدا
لا يا حبيبى أحمد محتاج صياغه جامده لهذا الجزء محتاج بناء تانى هات شوية كلمات وتعالى معايا وشوف ممكن نبنيها ازاى :
عشنا احلامنا وقولنا كلامنا
كبر قدامنا حقيقى أملنا
ساعتها لقيتك سيبت حياتى زودت آهاتى ودوست اوام على قلبى ما همك
وروحت بعدت سافرت قسيت على قلب حبك
نسيت كلامي ليه إلى قولته في البداية
قسيت على قلبي ليه ولا خلاص دى النهاية
متخفش مني لاني مش هعتبك ولا هسألك عملت فيا كدا ليه
لأنك خلاص جرحتني ودا كفاية منك لي
جميل قوى الجزء دا
محتاج شوية تظبيط علشان يبان وسط الباقى
وأقترح عليك : بلاش السطر الثالث اللى بادىء بكلمة : متخفش منى............. والرابع.........
مالوش لازمة مش هايضيفوا حاجه
مدمعيش يا عيوني وخلاص لازم تنسيه
داللي محسش بقلبي هتهون عليه دموعنا وعذابه في
عاوز تعيط بقى الناس والدنيا ممكن تقول:
خلاص ياعنيا كفايه دموع
انسى اللى سابك انسى اللى خانك
خسارة دموعك الغاليه عليه
خلاص يا حبيبي انتهي المشوار ولازم دلوقتي تنزل الستار
علي القلب اللي جرحت فيه
وعلى الحلم اللي كسرتني بيه
خلاص يا احمد كفاية بقى يا حبيبى انت كرهتنى فى الحب
دانا كنت لسه بافكر احب
بس بصراحه انت جبت لى الشقاء والحزن
بعدين طيب ما تختار حبيب يكون معندوش مشاكل او مش هايسبب لك مشاكل
آه لو أعرف مين اللى بتحبها دى ؟
كنت أخليها تزود عذابك وتقسى عليك كمان
عارف ليه علشان تطلع لنا الكلام الحلو
عموما أخى أحمد
أخوانى الكتاب
أخواتى المبدعات
أهلا بكم فى عالم الكلمه
تدرون أن أصعب شيىء يمكن بناءه هو بناء الكلمات
ليس رص كلمات بشوية مونة أسمنتية لا
لا يا أقرانى ويا زملائى الشعر ليس هذا الشعر احساس
الشعر شعور
الشعر خلجات النفس
تعالوا يا كل من تملكون القلب المرهف حسوا بالشعر خسوا بالكلمة اقرأوا لنا اقرأوا لكل كاتب وشاعر
أحمد شوقى اقبل مرورى ومستنى لك ابداعات تانية
الشاعر محمد على
استاذي الفاضل اولا مرورك ونقدا هذا وسام على صدرى اعتز بيه دائما
ثانيا نفسي حضرتك توصل للي بفكر انا فيه .... حقيقي حضرتك اللى بتقوله لازم اظبط فيه الزون والقافيه ولازم اضبط فيه اوزان الشعر بس انا مايل جدا للكلام التلقائي هو اه مش شعر بس احساس بما في القلب
ودا اللى عايز بجد اوصله لكل اللى بيرد عليا وكل اللى بيشاهد الموضوع
ببساطة انا نفسي اكتب كل احساس متعلق بالحب والحزن والفراق
واوصله لغيري بطريقة سهله جدا جدا وبطريقة تخلي اللي بيقرأ يعيش الكلام وكأنه تجربة مرت عليه وقدامه
استاذى الفاضل نقدا هذا يفيدني جدا جدا وبيوصلنا الى غاية جامده اوى
تسلم لينا يا فندم
وربنا يعطيك طوله العمر
خلاص يا احمد كفاية بقى يا حبيبى انت كرهتنى فى الحب
دانا كنت لسه بافكر احب
بس بصراحه انت جبت لى الشقاء والحزن
بعدين طيب ما تختار حبيب يكون معندوش مشاكل او مش هايسبب لك مشاكل
آه لو أعرف مين اللى بتحبها دى ؟
كنت أخليها تزود عذابك وتقسى عليك كمان
عارف ليه علشان تطلع لنا الكلام الحلو
خلاص ليه يا استاذي ... وبعدين انا مقدرش اكره حضرتك ولا اى حد تانى في الحب لان الحب من اصدق واجمل وانبل المشاعر على وجه الارض
ويعني ايه لسه بتفكر تحب ... حضرتك خلاص كبرت على الكلام دا ........ الدور والباقي علينا احنا ... انا بهزر بس وحضرتك لسه شاب جدا
اختار حبيب ازاى هو الحب بساهل بردو يا استاذى ... وبعدين مفيش حد اسمه معندوش مشاكل ... وعموما الحب لازم يسيب مشاكل ودى الذة فى الحب ....
آه لو أعرف مين اللى بتحبها دى ؟
بتفكر في ايه ؟ الظاهر ان حضرتك عاوزني اروح ورا الشمس
اه ماشي بدل هتخليها تحبني وكدا وكدا يعني اوكى
بس على فكرة انا الحمد لله عايش قصه حب لم يتعايش احد بها من قبل ومعتقدش ان احد هيعشها لان انا وحبيبي عايشين زى الكتاب ما بيقول