ده كلام كتبته مش عارفة هو ايه
بس كنت مخنوقة ومش لاقية حد احكيله
قمت جبت الكشكول اللى بكتب فيه الشعر وكده
وحكيت للورق وعيطت للقلم
ومن غير كلام كتير اسيكم تقروا
عشت فوق القمر
لمست النجوم
ضحكلى القمر
وحضن عيونى وقالى بحبك
ايوه القمر قالى بحبك
انسان فى صورة قمر
عنيه بريئة
ايديه رقيقة
ضحكته سعيدة
همسته جميلة
ايوه حبيته ايوه
اتعلقت بيه
وعشت ليه
ويوم صحيت لقيت الحلم كابوس
القمر باعنى و سابنى
سابنى ودموعى فى عيونى
سابنى بعد ما نسيت اللى راح
سابنى فرشت السما دموع
وعشت اجمل جراح
قلتلك من الاول انا كلى جراح
قلتلى انسى اللى راح
وعيشى معايا
ودوبى فى هوايا
هتلاقى غنايا
ساكن سمايا
ومشيت معاك
ولقيت جفاك
بس انا هنساك
وهنسى يوم لقاك
يا اجمل كدبة عشتها