نفسى
فين اللى كانوا
لو غابوا يوم عن عيوننا
كنا بنبكى؟؟!!
ولكنشى ليلة بيجى نوم بيزور جفوننا
ونبات بنشكى
نفضل ندور ع الحبايب
نحلم بلحظة قرب منهم
نرسم على جناح السما
حرفين وسهم
صايب قلوبنا
نحلف 200 ألف يمين
نضرب مثل بالعاشقين
إن أرواحنا تروح
لو يوم تروح عنا الحبايب
دلوقتى مر سنين طويله
دابت معاها كل كلمة حب
قولناها سوا
واتحولت ذكرى جميلة
عشنا فيها قلب واحد
عششت جوا قلوبنا
سابت وراها دمعتين
نامت سنين على خدودنا
منين مانروح نلاقيها معانا
راسمه سكه
ماسكه ضحكه
خايفه تضحك
كل اما افتكر لحظة لقى
واللقى أصبح محال
اللقى ياريته حلم
واللقى ياريته طير ف السما
كان يوم يجيله شوق يحط
اللقى ياريته ساكن جوه نار
كنت اطفى النار واجيبه
واللقى ياريته جو قلب البحر ساكن
كنت أنزل له وما أخشى الخطر
واللقى ياريت أطوله
واللقى ياريت يجيلى
واللقى ياريت أقابله
واللقى ياريت يقولى أروح له فين
وانا نفسى مره ألتقيكى
نفسى أشوف نظرة عنيكى
نفسى أغسل عن عيونى تراب بعادك
نفسى تلمحنى عيونك
نفسى مرة أسمعك بتنادينى
نفسى اسمع اسمى بصوتك
نفسى أتنفس هواكى
نفس أحس انى معاكى
نفسى أشوف بسمة شفايفك
نفسى مرة يزورنى طيفك
نفسى أكون طفل لحنانك
نفسى أكون عايش ف كونك
نفسى أكون عايش عشانك
نفسى أكون نقطه ف سكونك
نفسى أكون ذرة مفيش عايمة فى نورك
نغسى اكون حلم ف منامك
نفسى اكون حرف ف كلامك
نفسى أطير زى الفراشة حوالين حصونك
نفسى أكتب ع الهوا إنى بحبك
مشتاق لكى والشوق كاوينى
وانى عايش طول عمرى أحلم باللقى
وانى داير مع السواقى
عمال أغنى الماواويل
وانى تايه فى السكك
حالف أنول المستحيل
يشيلنى شيل
نفسى يوصلك سلامى
نفس أحس إن كلامى بيوصلك
نفسى أحس بلهفتك
نفسى أحس باهتمامك
نفسى أحس انى ف كلامك
نفسى أحس بانتظارك
نفسى يهزمنى انتصارك
نفسى ترمينى البلاد قدام بلادك
نفسى أكون وانا فى البعاد قدام عنيكى
نفسى أضيع باقى عمرى ما بين إيديكى
نفسى
محمد على مايو 2009