السلام عليكم ورحمة الله
ومع اول جزء من اول حلقة تجربية
عشان الناس تفهم فكرة موضوعنا والنظام
ومنتظر رايكم ان شاء الله
::::::::::::::::::
فكرة حلقتنا النهاردة باختصار شديد
عبارة عن ولد وجدة وابوة وامة مسافرين
ابطال الحلقة
الشاب او الولد المهيس اللورد
الجد الى هنقضى الحلقة علية محمد مدكور
سعدية الشغالة
اخو اللورد المهيس بردة
:::::::::::::::::
بسم الله نبدا
الولد نايم جوة ومنفض طبعا
محمد مدكور : بيسال اخو الشاب الى نايم جوة بيقولة يابنى اخوك عندة مدرسة النهاردة ؟
اخو الشاب : مدرسة ؟؟ والله انت مزاج ياجدو هوة لسة فية مدارس
محمد مدكور : امال اية يابنى هما لغوها ولا اية ؟؟
اخو الشاب : لغو اية ياعمونا ؟ انت شارب حاجة
محمد مدكور : لا عطشان والله متقوم يابنى تجبلى اشرب مش قادر اقوم
اخو الشاب : انا ناقص قوم ياعم اشرب ولا نادى على البت سعدية من جوة تجبلك تشرب
محمد مدكور : يابنى البت سعدية مش بتعبرنى
اخو الشاب : اة صحيح هتسيب روميو وتعبرك
محمد مدكور : روميو مين يابنى
اخو الشاب : متبقاش حشرى ياجدو بقى
محمد مدكور : يابنى حشرى اية بس مش فاهم حاجة متريحنى يابنى وقولى مين روميو ولا يعنى اية رومبو ولا رامبو دة
اخو الشاب : نحرشك ياجدو انت تعرف رامبو كمان
محمد مدكور : يابنى رامبو مين انت هتجبلى مصيبة والله ما اعرفة مالة رامبو دا
اخو الشاب : بص ياجدو لما تلاقى سعدية الشغالة بتكلم فى التليفون ابقى نفض لنفسك
محمد مدكور : يابنى انفض لنفسى ازاى هوة انا هدومى مش نضيفة ولا اية انا لسة مستحمى
اخو الشاب : اية اية اية بتقول اية هوة لسة حد بيقول مستحمى
اتقدم بقى ياجدو اسمها لسة واخد شاور
محمد مدكور : شاورعلى مين يابنى والله ما شاورت على حد
اخو الشاب : بيقول لنفسة بعد ما شاب ودوة الكتاب ياجدو انت عاوز دورة كاملة عشان تبقى كول
محمد مدكور : اكل اية يابنى انت مالك النهاردة بتقول كلام مش وقتة لية كدة
اخو الشاب : يالهووووووووووووووووووووووووووووى
محمد مدكور : اية يابنى مين الى مات
اخو الشاب : اية ياعم الحاج هيا لهوى مبتتقالش غير فى الموت
محمد مدكور : امال بتتقال فى افراح يابنى !! والله منا عارف
اخو الشاب : بت ياسعدية خلصتى ولا لسة عاوز اكلم فى التليفون البت زمانها حمضت
سعدية الشغالة : اصبر ياسيدى خلاص اهوة الكلام حلو ومبيخلصش
محمد مدكور : قاعد يبص باستغراب لحفيدة وللشغالة ومش فاهم حاجة
اخو الشاب : بيكلم جدة جدو متركزش عشان مهيسش
محمد مدكور : اهيس يعنى اية يابنى
اخو الشاب : ياخرابى يالهوى يادى اليوم الاسود
محمد مدكور : اية يابنى فية اية مين الى مات
اخو الشاب : يارب اموت واريحك ياجدو انا تعبت
محمد مدكور : تعبت من اية يابنى عاوز تروح للدكتور
اخو الشاب : لا ياجدو عاوزك تقوم تنام انا صدعت ما بالك انت بقى
محمد مدكور: يابنى انا صاحى من قبل الفجر
اخو الشاب : لية ياجدو بتعمل فى نفسك كدة ابقى ريح وخليك نايم واحنا هنقوم بالواجب
محمد مدكور : يابنى من صغرى وانا ابويا معودنى على كدة
محمد مدكور : الله يرحمك يابا
اخو الشاب : اية اية اية يابا
لسة حد بيقول يابا
اسمها بابى
محمد مدكور : هوة مين الى بابى دة يابنى
اخو الشاب جدو انا تعبت خلاص
:::::::::::::::::::::::::::::::::::::::::::::::::: ::::::::::::::::::
الحوار دا كان الساعة 7 الصبح كان الشاب لسة راجع من برة
وصلت الساعة بعد الكلام دا لحد 10
محمد مدكور : يابنى مقولتليش اخوك عندة مدرسة ولا لا
اخو الشاب : ياجدو اسمها جامعة
محمد مدكور : جامعة اية يابنى
انا بكلم على البتاعة الى فيها فصول دى
اخو الشاب : فى سرة انا اتخنقت هقولة اة عشان يبعد عنى
اخو الشاب : اة ياجدو عندة روح صحية
:::::::::::::::::::::::::::::::::::::::::::::::::: :::::::::::::::::::::::::::
دخل جدو على محمد الى هوة اللورد وهوة نايم مش دارى بنفسة
محمد مدكور : محمد ... محمد ... قوم ياحبيبى
محمد الشاب المهيس : فتح عين واحدة والتانية لسة نايمة وبيبص لجدة باستغراب اية ياجدو فية اية ؟
محمد مدكور : قوم ياحبيبى عشان تلحق تروح مدرستك
محمد : مدرسة اية ياعم الحاج انا لسة فى مدرسة ولا اية هوة انا كنت بحلم انى نجحت يا نهار اسود
محمد مدكور : يابنى البتاع الى بتروحو تتعلمو فيها دى الى فيها فصول دى
محمد ياجدو اسمهاكلية ياجدو
محمد مدكور : طيب قوم يابنى عشان تلحق كليتك
محمد ياجدو كلية اية الى بتصحينى عشانها وش الفجر ياجدو
محمد مدكور : وش الفجر اية بس يابنى الساعة داخلة على عشرة اهية
محمد : وهيا عشرة دى الشعا ياجدو
محمد مدكور : قوم ياحبيبى عشان تلحق كليتك
محمد : ياجدو كلية اية نفض بقى
محمد مدكور : بيبص لنتفسة باستغراب كدة !!!
يابنى انفض اية اخوك لسة قايل ليا كدة دلوقتى هوة انا هدومى مش نضيفة
محمد : نفض ياجدو نفض مش عارف نفض
محمد مدكور : يعنى اعمل اية ؟
محمد : يعنى كبر ياجدو
محمد مدكور : الله اكبر
محمد : لا ياجدو مش قصدى انا قصدى كبر دماغك يعنى
محمد مدكور : يابنى اكبر دماغى ازاى بس هوة الدماغ بيكبر !!
محمد مدكور : يابنى قوم متتعبنيش معاك انت مش عندك دروس مهمة النهاردة
محمد : يا جدو مهمة اية كلة فى الكلتشة
محمد مدكور : كلتشة !! يعنى اية كلتشة يبنى ..... يعنى عندك ولا لا
محمد : ياجدو فكك من كلام الجيل الضايع دة ... انا مش قادر افك رموز وشى
محمد مدكور : يابنى رومز اية الى فى وشك ومن اية الرموز دى ما تقوم نوديك للدكتور نشوف اية الرموز دى
محمد : اسكت ياجدو
محمد مدكور : يابنى قوم اخوك بيقول ان عندك حاجات مهمة النهاردة
محمد : ياجدو سيبك منة ... دا واد مهيس ... فاضى يكلم البنات وبس وربنا لو اكلم تانى لاقول لابوة
محمد مدكور : يعنى اية مهيس ......... يابنى تعبتنى يعنى كلامة صح ولا غلط ؟
محمد : يا جدو ... الواد ده دماغه مخرومة ... عمالة تنقط .... متسمعلوش و لما يكلمك سدودانك لحسن ياكلها
.... و الودان اليومين دول غالية ياجدو ... ملهاش قطعغيار
محمد مدكور : يا بنى انت بتتكلم كده ليه ؟
محمد : يعنى بكلمك من ودانى يعنى .... بص يا جدو عشان خاطر ربنا ...
سيبنى أنام كمانخمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية
محمد مدكور : تأنتخ ؟ ... الله يخرب بيتك مش فاهم منك ولا كلمة لا انت و لا أخوك
محمد : و الله ياجدو أنا مأفور خالص و مش قادر ... سيبنى
محمد مدكور : يا بنى كلمنى زى ما بكلمك ... إيه اللى انت بتقوله ده
محمد : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارفمصلحتى
محمد مدكور : مصلحتك ؟؟ يابنى انت فاشل وداخل انتساب وبقالك 3 سنين فى سنة اولى ( بعد الشر بعد الشر ) ال مصلحتك ال
::::::::::::::::::::
محمد : ظلم يا جدو الدكاترة بتاعة الكلية حاطينى فى دماغهم لحد ما عفنت
لو الجزء دا عجبكم هنكملها ان شاء الله
معجبكوش هنشوف فكرة تانية ونكلم عنها
واى خدمة يا مهيسييييييييييييييين
فى رعاية الله