اقتباس:
المشاركة الأصلية كتبت بواسطة **smile **
فكرة جميلة جدا يا عبد الرحمن
و ان شاء الله في حالة عاوز شخص معاك
فأنا موجود
بجد مبادرة طيبة منك و بانتظار التنفيذ
|
أخيرًا يا راجل غيرت الاسم و خليته فريحى الحمد لله أحمدك يا رب
بجد لو عاوز تشرف و تشاركنا فمقدرش أقولك لأ أنت الكل فى الكل
هى مبادرة و مجرد فكرة لسة بقى مستنيينك تشارك و تخليها حقيقة
بس ايه الله مخليك فرحان ؟ فرحنا معاك يا دوكتر
عندنا هنا بنبدأ الدروس متأخر معلش بقى فرق التوقيت
و عمومًا المتابعة مش هتخسرك حاجة
اقتباس:
المشاركة الأصلية كتبت بواسطة nona 3la toool
قعلا هى فكرة جميلة هو انا خلصت ثانوية عامةبس بجد الفكرة دى هتساعدكوا اوى كمان انتوا ممكن تكونوا فاكرين شوية من نحو اولى ثانوى فالموضوع دة هيبقى جامد جدا بالنسبة ليكم وهتوفروا وقت كتير وبدل ماتعدوا تفهموا الدرس لسة هيبقى الموضوع كلة تمارين علشان تاخد خبرة الاسئلة بتيجى ازاى بس
وخصوصا ان فى ناس كتير عندها مشكلة فى النحو وانا كنت واحدة من الناس دى بس الحمدلله ربنا ستر
بجد ياجماعه انا بتمنى من كل حد داخل 2 ثانوى ياريت تاخد الموضوع بجد واهم حاجه انك تكون محدد هدفك وعارف انت عايز اية علشان ماتهوش وسط زحمه الكليات والتخصصات المختلفه بجد انا مش عايزة حد يغلط غلطتى ويسيب نفسه للظروف لازم تحدد هدفك بجد وتمشى فى طريقه باصرار وعزيمة جامدة جدااا وتحاول توصلة مهما كانت العواقب اللى هتقبلك
وماحدش يخاف ابدا من الثانويه العامه الموضوع بسيط جدا بس انت ذاكر واعمل اللى عليك وربنا ان شاء الله هيوصلك للى بتتمناه
ولازم نفتكر حاجه كويس اوى ونخليها فى دماغنا كل مانيجى نذاكر والحاجه دى هى ((حب ماتعمل لكى تعمل ما تحب ))لازم تحاولوا تحبوا المذاكره ولازم تبذلوا اقصى جهد عندكوا علشان مش بعد ماتخلصوا النتين على خير ان شاء الله تندموا وتقولوا انا نفسى الثانوى يرجع تانى خلاص ده دلوقتى بقى امر واقع عليك ولازم تحاول تاقلم نفسك عليه وتعمل اللى تقدر عليه علشان تحبه
انا اسفه خرجت عن الموضوع شويه بس بجد انا حبيت انصح اى حد داخل 2 ثانوى علشان مش عايزه يغلط غلطتى وياجماعه انا بجد وانا فى اولى كنت بستهون بموضوع الهدف ده بس دلوقتى انا عرفت قيمته وعرفت اد ايه الموضوع ده مهم ويستحق فعلا انك تعد مع نفسك وتحدد انت عايز ايه وبتدرس وبتتعب علشان توصل لاية بالظبط
|
مع إن الكلام مش ليا بس يا جماعة ده بجد خلاصة الكلام اللى المدرسين هيرغوه لكم فى السنة الجاية و بيقولوا اسأل مجرب و لا تسأل طبيب
اقتباس:
المشاركة الأصلية كتبت بواسطة golden eagle
طول عمرك خدوم يا عبده
معاك بإذن الله للمساعده
بس يا رب الزهايمر ما يشتغلش
|
و لا خدوم و لا حاجة ده شىء عادى بالنسبة للى استفدناه من الموقع
و لا هنبقى ناكل و ننكر !!!
تشرفى يا نسر و إن شاء الله زهايمر الثانوية ده راح لحاله لسة فيه زهايمر الكلية ^___^
أى حد يحب يشارك فى انجاز المشروع يرسل لى رسالة خاصة
أما بالنسبة لسميل و جولدين إيجل هبعتلهم
بالتوفيق آخرة و دنيا للجميع