السلام عليكم ورحمة الله وبركاتة
اولا اسف جدا على التاخير
ثانيا قبل اى حاجة طبعا الكل عارف ان الاستاذ عصام والدى
ولما والدى يطلب منى انى ارد ومردش بصراحة تبقى عيب بجد
وانا هرد والله عشان خاطرة هوة 
لانى كنت ناوى اكبر دماغى بس مينفعش
ثالثا الاستاذ محمود سرحان شخصية تستحق كل الاحترام والتقدير بجد
ربنا يكرمهم الاتنين يارب
رابعا ياريت محدش يزعل منى ومن كلامى
بداية كلامى موجة للاستاذ عصام
ومش هرد على حاجة للاستاذ محمود لان كلامة كلة مدعوم بالادلة
بسم الله
اول نقطة هتكلم فيها هيا نقطة الوسام
ياترى كان الرد فى طلب حضرتك بحذف الوسام يا استاذ عصام اية
حضرتك طلبت شيلة 4 مرات
مرة فى طلبات تغير اسم الدخول
مرة فى حجرة الادارين
ومرتين فى المديرين
وكان الرد على حضرتك بان حضرتك غير التوقيع
وسيتم حذف الوسام
حضرتك نفذت ؟
ــــــــــــــ
تانى نقطة
توقيع حضرتك يا استاذ عصام
حضرتك توقيعك تركت الادارة والكل يعرف من انا
وليس تركت البوابة بلا رجعة
فية فرق كبير يا استاذى
التوقيع الموجود تركت الادارة والكل يعرف من انا
بتدل على مشاكل فى الادارة اولا
ثانيا بتدل على ان حضرتك صاحب الحق بس انا عن نفسى
مش شايف ان التوقيع كدة صح
ودا بعد كلام الاستاذ محمود سرحان بالادلة الى حضرتك مردتش عليها
وبعد راى مجلس الادارة بالكامل
هسال حضرتك كام سؤال فى الجزء دا يا استاذ عصام بعد اذنك
لما حضرتك نزلت 8 مواضيع على العام
ممكن نفهم سببهم ؟
طيب حضرتك لما الاستاذ محمود فى حجرة مجلس الادارة طلب
ان الكلام يكون كلة قدام الاعضاء
المجلس بالكامل رفض
والى كنت اعرفة ان حضرتك مع راى الاغلبية
ممكن افهم لية حضرتك فى المرة دى لم تبرد رد ايجابى على دلائل الادمن
وعملت المواضيع دى ؟
نفهم من كدة ان حضرتك مكنش عندك رد عليها ؟
وكمان بتحاول تاخد الموضوع من ناحية حب الاعضاء لحضرتك
حتى فى اغلب ردود حضرتك
كنت بترد على الادمن تقولة لو عاوز تعرف مين صوت الحق
ادخل على هذا اللينك وهوة موضوع الاستاذ محمد سرور
الى هوة اتحداك لو تثبت ان صوت الحق هوة صوت الحق
ممكن نفهم مبرر للجزء دة حضرتك ؟
ــــــــــــــــ
النقطة التالتة ان حضرتك لم تدعو الى التفوق الا من ميلك الخاص
ياترى الاعضاء عرفت ميل حضرتك منين ؟
طيب فية صورة الادمن جايبها عاجبتنى جدا
ان حضرتك منزل الميل فى موضوع
داخل السايت بتقول ان دا ميل بوابة الثانوية العامة
وعلى الجمع اضافتة وكدة
معتقدش كدة انة ملكية خاصة يا والدى صح ؟
ودا بردة الميل الى اعلن عن التفوق
فاهمنى يا جماعة ؟
ــــــــــــــــ
النقطة الى بعد كدة
هيا ان حضرتك كنت مستلم البوابة مفيش خالص
حضرتك كنت مستلمة مكنش فية التفوق
كان حضرتك شغلك ومجهودك كلة للبوابة مكنش للتفوق
ولكن دلوقتى الحال اتغير
معتقدش ان هيبقى قدامى مكان بيدخل ليا مكسب ومكان تانى
مفيش فية اى مكسب على قول حضرتك
وهشتغل فى الى مفيهوش مكسب
ولا اية راى حضرتك ؟
ــــــــــــــ
النقطة الى بعد كدة
على ابن حضرتك يا استاذ عصام
لما هوة الى بيحط لينكات
وفى موضوعات مخالفة
بصرف النظر عن ان ابن رئيس مجلس الادارة يعمل كدة
هنسيب اية للاعضاء الى ميهمهش الموقع
حضرتك الادمن جاب صورة ان عضوية الاهلاوى بترد فى قسم الكنترول ونتائج الامتحانات
وزى ما حضرتك عارف ان القسم دا مغلق عن الجميع
ممكن نفهم حضرتك مين الى سمح لة ؟
لسة فية قد دول تقريبا 5 مرات بس كفاية كدة دلوقتى
دمتم فى رعاية الله