05-09-2009, 06:48 AM
|
 |
طالب جامعى (كلية هندسة )
|
|
تاريخ التسجيل: Nov 2007
المشاركات: 1,505
معدل تقييم المستوى: 18
|
|
من مفكرة الميكانيكي الخاصة * موقع كتب و محاضرات رياضيات * يخص المهندزين
زمان و كان يا ما كان
زمان لما حاولوا يناقشوا اليونانيين في نظرياتهم الفلسفية
ردوا اليونانيين و قالوا دي حاجات مبنية على رياضيات عالية و صعب فهمها بدون ما تدرسوا الرياضيات دي
و زمان بس مش زمان قوي
افتروا و قالوا ان نظرية اينشتين ما فيش حد فاهمها في العالم الا خمسة بس
و دا كان افترا على البشر
لان نظرية اينشتين دي اتحط فيها حاجات اينشتين نفسه ما يعرفش عنها حاجة
و السبب كان ايه ؟
لانها كانت مبنية على اسس رياضية جامدة شوية
يعني ايه يا اسطى ؟
يعني من تحويلات لورنتز لمعادلات فيتزجيرالد لفضاء منكوفسكي التفاضلي للانكماشات للتمددات الزمكانية
و دي كلها مبنية على نظريات رياضية منيلة بنيلة
حتى الفيزيا
اتحولت في ركن كبير منها لفرع كبير من الرياضيات التطبيقية
ترقص موجة الضوء بمعادلة و تشتت الالكترونات بمعادلة و تدور على الكترون تايه بمعادلة
و مش زمان قوي
علشان تطلع صاروخ في الفضا تلاقيك غرقان في تحليلات رياضية في الفضاء الثلاثي بالاحداثيات الكروية
عايز تنش الصاروخ دا صاروخ يجيبه الارض تلاقيك دخلت في مصيبة اسمها علم التحكم
و علم التحكم مبني على اساس رياضي اسمه تحويلات لابلاس
و تبقى مصيبة لو انطلب منك انك تدرس استقرارية نظام تحكم ها تلاقيك مضطر تقعد مع الاسطى اللي اسمه راوث
مختصر الكلام ان الرياضيات داخلة في نخاع العلم النظري و التطبيقي
====
سحر بنت بخاتي عمدة بلدنا بنت خالتي نصحتني من زمان ان انا اعمل زي الحاج
لازم يكون عندي مفكرة
و المفكرة دي احط فيها شوية كلام و بتواريخ قديمة
و كل شوية اطلع المفكرة و اقوم ساحب منها موضوع
و اقول " من مفكرتي الخاصة "
زي الجماعة المفكرين الكبار و السياسيين و الفلاسفة
مش بيقولوا برضه ( وراء كل ميكانيكي كبير سحر بنت بخاتي ) ؟
===
و انا الليلة دي فتحت مفكرتي الخاصة و طلعت لكم الموقع دا
من هنا يا شباب
بسم الله
الموقع دا جبل رياضيات شيل منه زي ما انت عايز
و من كل الفروع
رياضيات عامة .. هندسة .. نظرية الاعداد .. فيزياء رياضية .. جبر .. هندسة تحليلية .. هندسة جبرية .. نظرية احتمالات .. توبولوجي .. تحليل رياضي .. و رياضيات تطبيقية ...
و طبعا الكلام دا كله بيصب في خدمة مين ؟
في خدمة مهندزين المستقبل
اما الميكانيكية راحت عليهم خلاص
كفاية عليهم دبلون نحو الامية
منقول كالعادة
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|