الفنون التطبيقية مفيهاش قسم عمارة أولاً ...
و الفنون التطبيقية بياخدوا فنون قديمة و حديثة و بيطبقوها في الحياة ... زي الجرافيك و صناعة المنسوجات و الخزف و كده ... و اقسامها كتييرة ... بس مفيهاش عمارة
و فنون جميلة عمارة مينفعش تقارنها بفنون تطبيقية ... لأن فنون جميلة عمارة تعتبر هندسة , و بتطلع مهندس معماري رسمي يعني...
حضرتك اللي مبوظ سمعة الكلية ان الكلية عددها صغير و مش متعددة الاماكن زي هندسة .. فنون جميلة عمارة موجودة في تلات حتت و بس : حلوان - اسكندرية - المنيا ... علشان كده كلهم بيشتغلوا من سنة تانية كمان , و اسأل اي حد في الموضوع ده ... بيتشغلوا و بيتدربوا في شركات و مكاتب استشارية ...
طب ليه كلهم بيشتغلوا ؟
لأن العدد اللي موجود في التلات اماكن دول قليل جداً جداً جداً .... يمكن اقل من حاسبات و معلومات كمان ... و الشركات بتبقى عاوزة القليل جداً مش عاوزة الكتيير ...
علشان كده الناس اللي بتفهم ح تقول لك فنون جميلة عمارة احسن .... و ح تلاقي دكاترة العمارة بيقولوا لك كده ... بس طبعاً ح تلاقيهم برضه بيشكروا في الهندسة الشكر الجزيل يعني .... و عندهم حق , كل واحد بيدافع عن كليته زي ما تكون أمه مثلاً ...
و على فكرا دكاترة هندسة المدني و العمارة بيجوا يدوا في فنون جميلة عمارة و بيشرحوا باستفاضة اكتر من هندسة ... لان هندسة اعدادها كتيير و زحمة و صعب ان الدكتور يفهّم الناس ...
و فنون جميلة طبعاً اقدم من هندسة القاهرة كمان .... فنون جميلة تعتبر أول كلية انشئت بداية من عام 1907 ...
و كانت اسمها مدرسة في الاول ... و اتحولت كلية لما اتبنت جامعة اسكندرية ...
و قسم العمارة كان اول اقسام الفنون الجميلة و كان اقدم اقسام الهندسة ... يعني يعتبر اكبر قسم و افضل قسم ...
-----
بالنسبة بقى لموضوع العميدة ..
حضراتكم لو من محبي هواة البحث على الانترنت .. ح تلاقوا ان كل دول الخليج العربي فيها هندسة عمارة اربع سنين ... و فنون عمارة سبع سنين مش خمسة كمان ... ده بالنسبة لدول الخليج العربي
-----
و اللي عنده اي استفسار يُحترم يتفضل ...
مش عايزين خناق و احنا الاحسن و احنا الاوحش و الكلام الفاضي ده ...
جزاكم الله كل خير
|