[علمي علوم]

موضوع رائع يا دكتورة فلور

اما عن "الصدق" :_

انا فى اعتقادى ان الصدق فى مجتمعنا قل بشكل خطير
يعنى اغلب الناس اللى بنقابلهم بيلجأوا للكذب علشان يتهربوا من مواقف مزعجة دا حتى وصل ببعضهم انهم بيكذبوا من اجل الكذب فقط
وبالنسبة للكذب الابيض فهو فعلا موجود بس محدود فى ثلاث حالات فقط اللى من اشهرهم ( الكذب على العدو ) وطبعا زى ما قال الرسول ( عليه افضل الصلاة والتسليم ) : " الحرب خدعة "
لكن انا من رأيى ان مافيش حاجة خالص تخلى الانسان يكذب فى حياته اليومية العادية لان الصدق هو المنجاة فعلا مش الكذب حتى لو تبين لينا العكس
والصدق بيعلم صفات تانية غيره جميلة زى ( الشجاعة ) يعنى بحس ساعات ان الصدق فى حد ذاته مش صفه جميلة بس ده درس كامل بنتعلم منه الاحسن دائماً وهو برضه مقياس لامانه الشخص
وكمان الصدق بيقرب العبد من ربه؛ يعنى الشخص عندما يجد نفسه فى موقف حرج وبرضه يصر على انه يصدق فى كلامه فبيحس انه فى الموقف ده بيعتمد على ربنا بس فى انه يخلصه من موقفه وبيكسب رضا ربنا وينجح فى الاختبار ده
وكمان بيعود الانسان على انه يعمل اى شىء لكسب رضا الله ومايخافش فيه لومة لاءم
وحاجات تانية كتير اكيد...

واحسن حاجه فى نظرى ان الاباء يعلموا اطفالهم من صغرهم ازاى ما يلجأوش للكذب وان الصدق افضل ما فى المستطاع تقديمه فى اغلب الحالات

شكرا جدا تانى ليكى يا دكتورة فلور وفى انتظار المزيد من المناقشات إن شاء الله...
واسفة على الاطالة