[BaNZeR]

المشاركة الأصلية كتبت بواسطة ba7eb alahly awi

طاب يا جماعه اللي رسمه علي اده والتخيل عنده ضايع يعمل ايه(كوتشانات مركات كتير)
وهو الرسم موهبه ولا تعلم(كوتشانات مركات اكتر)
ربنا يستر(فول ستوب)

الوصفية قريبة من منهج مدني
الحفر والردم والطريق لما يبقى تحت الارض وطالع لفوق
الشكل للجسم
المكعب مثلاً لما تبصله من جهة واحدة حتشوفه مربع
لما تبص عليه من زاوية تلاقيه مجسم مكعب

ازاي انت تسقط النقاط ده على مستويات معينة وتطلع الشكل الحقيقي للشكل الوصفي اللى قدامك

الرسم الهندسي مش رسم فنية محتاج موهبة
الرسم الهندسي اسمه هندسي لأنه محتاج فن وهندسة

حينفعك كتير في ميكانيكا في رسم الماكينات واخذ قطاعات ولما تشوف الجسم من عالجنب غير لما تشوفه من فوق

ازاي ترسم الماكينة من كذا واجهة وازاي تعرف شكلها المجسم لو هو عطاك الواجهات ده وطلب منك الشكل المجسم


يعني من الآخر العملية محتاج حسابات وترجمة لشكل الرسمة اللى قدامك ده

طبعاً في اعدادي مش بتبقى ماكينات بتبقى اشكال مبسطة زي المكعبات اللعبة كده
وفيها فتحات وحاجات كده ومطلوب تخيل الشكل ورسمه من عالجناب وكده

لو انت شايف نفسك بتبدع فيها خش ميكانيكا
لو شايف نفسك مش ماشي ومش بتحب الرسم
خلاص يبقى لا تدخل مدني ولا عمارة
وميكانيكا مش بتعتمد عالرسم اوي بس فيها برده


دول كلمتين بساط عن المادة ويارب مكنش عقدتكو زيادة (ده امنيتي اصلاً)