بوابة الثانوية العامة المصرية - عرض مشاركة واحدة - ضع لك ذكرى معنا ،،، لتذكرنا ونذكرك لو نسيتنا

MBM-MaDo · #24 02-10-2009, 11:20 PM

سلام الله عليكم...

انا بجد مافيش حد هنا فى البوابة مش بحبه...

و كله اخواتى و نفسى ابقى معاكم كل يوم و كل ساعة....

بس الدنيا مش نت و بس و الظروف بتغلب الواحد ساعات.....

و لأنى مش بادخل ع طوووول ....

و عجبتنى فكرة الموضوع قلت اسيب اللى يفكركم بيا لما اغيييب.....

دى اخر حاجة انا الفتها يمكن تفكركم بالواد احمد مادو...

اقتباس:

كلت الفول بالزيت الحار
عشت الصيف بحرارته النار
من غيرمروحةو لا تكييف
و العيش ملاقيش منه رغيف
وجاى تقولى دى عيشة مرار
لأ يا ولدى مصر عمار

عايش فى بلدى جوا حصار
اللى بيسرق و اللى بينهب و اللى يدمر فى الافكار
فيه اللى يخاف على مال الدولة
و اللى حاميها و فيه حراميها و اللى تملى واخدها مقاولة
وجاى تقولى دى عيش مرار
لا يا ولدى مصر عمار

بناتى فى شوارعها فى اخطار
ان كان ليل و لا نهار
حاسس انى هاموت من الخوف
وسط طريق بالموت محفوف
وجاى تقولى دى عيشة مرار
لأيا ولدى مصر عمار

باشوف بعنيا جبال الخير تنهار
كام تخطيط على فكرة خبيثة حبة مغول على حبة تتار
عايش ناسى ان انا انسان
حقى يروح عمرى يضيع نفسى فى مرة اعيش فى امان
وجاى تقولى دى عيشة مرار
لأ يا ولدى مصر عمار

لأ يا ولدى مصر عماااار
بس احنا مش شايفين
احنا اللى وحشيين و اشرار

مش عارف ليه دى بالذات بس اهى حاجة و خلاص ...

اسيبكم على خير و فى عناية الرحمن....

و برده احب اقول فى الاخر فى ناس هنا كتير مميزين عندى و لما يقروا ده هايعرفوا نفسهم اكيييد...

سللللللام لحد ما اشوفكم تااانى....

فى الاخر تحية و شكر لصاحب الموضوع....

- MaDo -