عرض مشاركة واحدة
  #1  
قديم 11-10-2009, 05:30 PM
الصورة الرمزية سيف العزة
سيف العزة سيف العزة غير متواجد حالياً
عضو جديد
 
تاريخ التسجيل: Nov 2008
المشاركات: 15
معدل تقييم المستوى: 0
سيف العزة is on a distinguished road
افتراضي ::ملتقى طلاب إعدادي طب اسنان الإسكندرية 2009-2010::(متجدد دايما ولكل الناس)

بسم الله الرحمن الرحيم

انا محمد طالب إعدادي أسنان إسكندرية
انا اكبر منكو سنة يعني المفروض داخل اولى أسنان بس أجلت سنة في الثانوي وحصل خير واديني معاكو

دفعتنا دفعة جميلة جدا وانا شايف فيهم دكاترة أسنان ممتازين ويارب انا اكون في وسطهم من الممتازين

البداية كانت مبشرة لما روحنا أول يوم .. وانا عن نفسي كنت مبسوط وحاسس السعادة في وجوه اللي حوليا.
طبعا كلنا بتبقى السعادة باينة علينا وفي نفس الوقت بنبقى مزبهلين أو على رأي الدكتور أحمد مختار (متنحين).

بقالنا أسبوع داخلين الكلية .. بدأنا في الأسبوع التاني وأكيد في حاجات كتير لسه مش فاهمينها ..
ممكن تفوت عليك حاجات معرفتهاش .. زمليك عرفها .. محاضرة فاتتك .. حد مننا كتبها وبيضها .. حاجة انت مش فاهمها وحد مننا فاهمها .. او العكس .. أكيد هنحتاج لبعض ..
عشان كدا فكرت -اول مافكرت- إني أعمل التوبيك دا بحيث يبقى ملتقى لينا . مكان نتقابل فيه في أي وقت .
حد منا محتاج حاجة يكتب هنا .. وأكيد كلنا هنكون معاه وانا مش أحسن من اي حد فيكو . انا كمان هحتاج ليكو.
وكما قال رسول الله صلى الله عليه وسلم
(والله في عون العبد ما كان العبد في عون أخيه)
وكمان كفاية اننا نتقابل هنا يوم بيوم ونطمن على بعض..
إلى هنا ينتهي الكلام ومستنيكو يا دكاترة المستقبل ..
تحياتي
رد مع اقتباس