[زهرة الياسمين]

حملههنتغير بجد

بقلم (( محمد عيد))

( حياتى كلها لله )

+ السلام عليكم ورحمه الله وبركاته

= وعليكم السلام ورحمه الله وبركاته
بص بقى كده من اولها
حلقه النهارده كده عاوزها
عن المفهوم الشامل لذكر الله
زى ما اتفقنا

+ ماشى يا باشا
هنتكلم النهارده عن ذكر الله
ومفهومه الشامل ؟

= ايوه كده لان انا من صغرى
كل لما اعمل حاجه
الاقى حد يقولى دى حرام علشان
بتلهى عن ذكر الله
وبصراحه بقيت بتخنق من اللى بيقولى كده
واقوله يعنى انت عاوز تقولى انك طول اليوم بتذكر ربنا
وهو ساعتها بيتحجج وبيخرج من الموضوع

+ ماشى
طبعا لو كان فى حد بيحاول يخرج من
الموضوع ساعتها اكيد علشان هو فاهم
ذكر الله بمفهومها الضيق
علشان كده
عاوزين كلنا نفهم ذكر الله
بمفهومها الشامل

= ياريت

+ ماشى بص فى الاول كده نعرف الاول
معنى الكلمه اللى بتقول
اى شئ يلهى عن ذكر الله فهو حرام

=ماشى

+ طبعا كلنا عارفين ان ربنا مش بينسى وربنا حبيبنا منزه
عن النسيان
( وما كان ربك نسيا )
يعنى هو ديما فاكرنا
حتى لما بنعصيه برضه فاكرنا وشايفنا
دليل انه سترنا كتيير اوى
ولما بندعيه بقلبنا بيستجيب مننا الدعاء
وهو اللى خالقنا
وكل اللى معانا ده منه سبحانه وتعالى
حبيبنا هو اللى انعم علينا
وطبعا لو هنقعد نعد نعمه علينا
مش هنخلص
نعمه كتيييييييييييييييييييييييييير اوى اوى
علشان كده المفروض اننا
ما ننسهوش خالص
اذا كانت حياتنا ملكه
وممكن فى لحظه يا خدها مننا

= فعلا المفروض على طول
نكون فاكرينه وما ننسهوش خالص

+ طيب تخيل كده وطبعا حاشا لله
بس علشان نعرف النعمه الكبيره اللى حبيبنا معيشنا فيها
تخيل كده لو ربنا نسانا لمده دقيقه كده

= يا نهار زى بعضه
ده احنا هنروح فى ستين داهيه
والله ما عارف اقول ايه
كل حاجه هتدخل فى بعضاها
البيوت هتقع وكلنا هن*** بعض
وكل حاجه غلط هتحصل هتلاقى الكواكب تدخل فى بعضها
والله هنضيع خالص
وانا بالنسبه لى
اكتر كارثه هتصل
انى لما اروح افضفض له
و ادعيه
مش هلاقى حد يسمع لى

+ اظن دى اكبر نعمه للعالم كله
ان ربنا مش بينسى ولا بيغفل

= فعلا اكبر نعمه

+ طيب
سؤال بقى
مين اللى محتاج التانى
هل احنا اللى محتاجين حبيبنا ؟
ولا حبيبنا اللى محتاجنا ؟

= طبعا احنا اللى محتاجين ربنا

+طيب يبقى المفروض مين اللى
مينساش مين ؟

= المفروض احنا اللى ما ننساهوش

+ طيب وهو سبحانه كمان نفى عن نفسه صفه النسيان

= افهم من كده المفروض نبقى احنا اللى الاتنين
هنبقى فاكرين بعض

+ هقولك مثال ولله المثل الاعلى
تخيل انت بتحب واحد اوى
وهو اكيد بيحبك اوى لانك على الاقل بتحبه
على الرغم من انه اعلى منك فى
المكانه الاجتماعيه وفى السن وكل حاجه
ولكن انت بتحبه بجد مش علشان اللى معاه
اكيد لما تقدم له هديه هيحبك اوى
وهيدى لك هديه قصادها
ايا كانت الهديه اللى اخدها منك
بس المهم انك بلغته انك ديما فاكره
ومش بتنساه
اظن هو هيحبك اوى
وهيعطى لك هديه اكبر
وهيزيد القرب والحب بينكم
وهتبقوا على طول فاكرين بعض

= فعلا شعور جميل اوى

+ لله المثل الاعلى
تخيل بقى
انت بتحاول بكل الامكان انك تثبت له
انك بتحبه وديما فاكره
اكيد حبيبك هيحبك اوى اوى
وايووووووووووووووه لو حبك
هتبقى معاك الدنيا كلها
هتدوق لذه الطاعه اللى كلنا نفسنا نذوقها

= طيب احنا كلنا بشر وديما بنكون مشغولين
عن ربنا سواء بمذاكره او بلعب او بشغل
ديما مشغولين
ازاى نبقى ديما فاكرينه ؟

+ هقولك
المفهوم الشامل لذكر الله
مش ان هو ذكر الله بس
انى اقول سبحان الله والحمد لله
وكده
جميل اوى ده ذكر مباشر
ومطلوب جدا جدا جدا
وزى ما اتفقنا ان ذكر الله
هو انى ابقى ديما فاكره
علشان كده فى عاوزين نتمسك بالحديث
بتاع نور عنيننا النبى صلى الله عليه وسلم
( انما الاعمال بالنيات )
عاوزين كل حاجه فى حياتنا نحط فيها نيه
علشانك يارب
مثلا
بحط برفان يا رب انت بتحب الجمال
وانا بتجمل علشانك يارب
مش علشان الناس او البنات تعجب بيا
لما تسرح شعرك
علشانك يا رب
وبرده بسمع كلام النبى
(من كان لدى احدكم شعر فليكرمه )
ولما تنام نيتك
علشانك يارب
علشان اريح جسمى واقدر اكمل حياتى صح
( قل ان صلاتى ونسكى ومحياى ومماتى لله )
لما اذاكر
علشانك يارب
تتعرف على واحد صحبك
علشانك يارب
( وجعلناكم شعوبا وقبائل لتعارفوا ) آيه
لما تلاقى حد على غلط
انصحه فى اسلوب شيك
وده علشانك يارب
( الدين النصيحه ) حديث نبوى
لما حد ينرفزك
اهدا وبلاش تتنرفز
(نصيحه النبى اللى كررها كتيير لا تغضب )
برضه علشانك يارب
ولما واحد يغلط فيك بلاش ترد عليه
علشانك يارب
(فليقل خيرا او ليصمت ) حديث نبوى
تانى
(ليصمت )
او تقول كلمه كويسه
وصدقنى ده مش ضعف لان طالما بتقول انا
مش هرد علشان ربنا ما يزعلش منى
ربنا هيرد عنك وهيدافع عنك
وهيخليك تعلى اوى فى نظر
اللى شتمك او نرفزك
ولو ما حستهاش فى الظاهر
يكفى ان هو حاسسها فى الباطن
من جواه اللى شتمك ايه ده
ده شكله محترم
او انا هشتمه ليه
مالوش لزمه
وشويه وهيسكت
وانت اللى كسبت رضا حبيبك
لما تروح تقعد على الكمبيوتر
علشان تشوف ايه
الجديد او تتابع شئ مش غلط
مثلا اخبار المنتخب
تشوف المواضيع الجديده اللى نزلت فى المنتديات
بنيه
انى اكتشف العالم اللى حوليا
واكون متفاعل معاه
وبرضه علشانك يارب
انى
لما اروح علشان العب
برضه بنيه انى ارفّه وافك عن نفسى
(المؤمن القوى خير عند الله من المؤمن الضعيف ) حديث
علشانك يارب
لما اسلم على حد ابتسم فى وجهه
( الابتسامه فى وجهه اخيك صدقه ) حدبث نبوى
علشانك يارب
لما تهزر وتضحك
علشان الناس تحبنى وما ابقاش كئيب
علشانك يا رب
ما اقفش على الواحده
(تحرم النار على كل هين لين سهل ) حديث نبوى
علشانك يارب
احتك ديما بالناس وما تبقاش منعزل
( حرمت النار على كل هين لين سهل
قريب من الناس ) حديث نبوى
البس هدوم شيك
علشانك يارب
تكون ديما متفائل حتى لو بنتيجه مباراه
(تفائلوا بالخير تجدوه ) حديث نبوى
علشانك يارب
ولما والدتك تطلب منك حاجه
اسمع كلامها
علشانك يارب
اى حاجه تعملها خلى نيتك
" علشانك يارب "

= طيب ايه الدليل بقى
ان ده يكون ذكر لربنا ؟

+ جميل اوى انك تدور على الادله
بص يا نجم
فى حديث قدسى رائع جدا
ربنا بيقول فيه
( من ذكرنى فى نفسه ذكرته فى نفسى )
ولما اذكر ربنا هنا ليها كذا معنى
الاول
زى ما احنا قولنا ان المقصود بيها
الذكر غير المباشر
اللى هو علشانك يارب
او انى اقول سبحان الله وكده بس فى سرى
او بصوت واطى جدا
وطالما الاتنين صح يبقى ناخد اى واحد
او حتى ناخد الاتنين
طالما الاتنين صح
وبكده بقى
هنعيش حياتنا كلها ذكر لربنا
وهنكون معظم حياتنا
مش مشغولين بربنا

= يااااااااااااااه
والله فعلا اول مره اعرف يعنى ايه ذكر ربنا
بس بالمفهوم الشامل

+كويس انك عرفتوا
ولكن
هل هتطبقوا فى حياتك

= هطبقوا وبس
ده انا هخلى حياتى كلها ذكر لربنا
واقولك على حاجه اكبر بقى

+ قول ...

= انا هعيش حياتى كلها
علشانك يارب

+ فعلا
لازم نخلى النيه فى قلوبنا من دلوقتى
اننا نعيش علشان ربنا وعلشان يحبنا

= اقولك على حاجه
بس بالله عليك ما تقولش لحد عليها

+ قول وما تخافش

= انا بحب ربنا اوى

+ يااااااااااااااااااااااااااااااااه
والله كلمه حاسس انها طالعه من قلبك

وان شاء الله تكون طالعه من قلبك

ويا سلام بقى لو كل واحد فينا يقولها

ايه الجمال ده

هندوق لذه جميله اوى فى قلوبنا
وهى لذه حب ربنا
لذه جامده جدا
يارب دوّقهلنا
عاوزين كل الناس تذوقها
اللى تذوقها بارك له فيها ولا تحرمه منها
واللى لسه ما تذوقهاش
دوّهاله يارب
والله يارب كلنا بنحبك

= يارب الحب واللذه دى تدوم وما نتحرمش منها ابدا

+ يارب
يلا بقى علشان نمشى

= ماشى
سبحانك اللهم وبحمدك نشهد ان لا اله الا انت
نستغفرك ونتوب اليك

+ سبحانك اللهم وبحمدك نشهد ان لا اله الا انت نستغفرك ونتوب اليك
والناس اللى عماله تقرا دى قولوا الدعاء ده
ده دعاء كفاره المجلس
علشان ربنا يغفر لنا كل ذنوبنا اللى عملنها واحنا قاعدين
وقبل ما تطفى الكمبيوتر قولوا برضه
يلا السلام عليكم ورحمه الله وبركاته

=وعليكم السلام ورحمه الله وبركاته